ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵏ ⴱⴻⴷⵧⵓⵉ ⵉ ⵜⵎⵓⵔⴰ ⵏ ⵍⵎⴻⵖⵔⴻⴱ ⴰⴽⴽⴻⵏ ⴰⴷ ⵇⴰⴱⵍⴻⵏⵜ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ
ⵜⵓⵏⴻⵙ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵓⵏⴻⵙ, ⵉ ⵜⵎⵓⵔⴰ ⵏ ⵍⵎⴻⵖⵔⴻⴱ « ⴰⴽⴽⴻⵏ ⴰⴷ ⵔⵔⴻⵏⵜ ⵓⴳⴰⵔ ⵍⵡⴻⵍⵀⴰ-ⵏⵙⴻⵏⵜ, ⴰⴷ ⴳⴻⵏⵜ ⵓⴳⴰⵔ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵢⴻⵔⵏⵓ ⴰⴷ ⵎⵄⴰⵡⴰⵏⴻⵏⵜ ⵓⴳⴰⵔ » ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⵜⵜⴰⵡⵉⵍⴰⵜ ⵏ ⵡⴻⵎⵄⴰⵡⴻⵏ ⵉⵡⴰⵜⴰⵏ ⵉ ⵓⵇⴰⴱⴻⵍ ⵏ ⵜⴻⴳⵔⴰⵡⵉⵏ ⵜⵉⵏⴻⵊⵔⵉⵎⵉⵏ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵜⴰⴷⴰⵅⵅⵓⵍ) ⴷⴻⴳ ⵜⴻⴷⵡⵉⵍⵜ ⵜⵉⵙ 6 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⴷⵓⴽⵍⵉ ⵏ ⵍⵎⴻⵖⵔⴻⴱ ⴰⵄⵕⴰⴱ, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ ⵜⴰⴳⵏⵉⵜ « ⵜⴻⵙⵙⵓⵜⵓⵔ-ⴷ ⵓⴳⴰⵔ ⵏ ⵜⴰⴽⴰⵢⵜ, ⵓⵙⵙⵉⵙⴻⵏ ⴷ ⵡⴻⵎⵄⴰⵡⴻⵏ ⵉ ⵓⵙⵙⴻⴱⴷⴻⴷ ⵏ ⵜⵜⴰⵡⵉⵍⴰⵜ ⵏ ⵡⴻⵎⵄⴰⵡⴻⵏ ⴷⴻⴳ ⵓⵅⴻⴷⴷⵉⵎ ⵉ ⵓⵇⴰⴱⴻⵍ ⵏ ⵜⴻⴳⵔⴰⵡⵉⵏ ⵜⵉⵏⴻⵊⵔⵉⵎⵉⵏ ⵙ ⵓⵃⵓⴷⴷⵓ ⴰⵎⴻⵍⵍⵉⵍ (ⴼⴰⵄⵄⴰⵍ) ⵏ ⵜⵍⵉⵙⴰ-ⵏⵏⴻⵖ ⵜⵓⵛⵔⵉⴽⵉⵏ ⴷ ⵡⴻⵃⵕⴰⵙ ⵏ ⵜⴻⴳⵏⵉⵜ ⵖⴻⴼ ⵜⴻⴳⵔⴰⵡⵉⵏ-ⴰ ⴰⴽⴽⴻⵏ ⵓⵔ ⵜⵜⵄⴻⴷⴷⵉⵏⵜ ⵙⴻⴳ ⵜⵎⵓⵔⵜ ⵖⴻⵔ ⵜⴰⵢⴻⴹ ⴰⴽⴽⴻⵏ ⴰⴷ ⴳⴻⵏⵜ ⵍⴻⵛⵖⴰⵍ ⵉⵔⴻⴱⵔⴰⴱⴻⵏ ».
ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⵏ ⵜⵖⴰⵡⵉⵙⵉⵡⵏ ⵏ ⵡⴻⵣⵖⴰⵔ, ⵜⴻⵍⵍⴰ-ⴷ ⵜⴻⴷⵡⵉⵍⵜ-ⴰ ⴷⴻⴳ « ⵜⴻⴳⵏⵉⵜ ⴷ ⵜⴰⵡⴻⵄⵕⴰⵏⵜ » ⵉ ⵜⴻⵎⵏⴰⴹⵜ ⵏ ⵍⵎⴻⵖⵔⴻⴱ ⴰⵄⵕⴰⴱ ⴰⵢ ⵍⴰ ⵢⴻⵜⵜⵇⴰⴱⴰⵍⴻⵏ « ⵉⵛⵇⵉⵔⵔⵡⴻⵏ (ⵜⴰⵃⴰⴷⴷⵉⵢⴰⵜ) ⴷ ⵉⵎⴻⵇⵔⴰⵏⴻⵏ ⴷⴻⴳ ⵡⴻⵃⵔⵉⵛ ⵏ ⵜⵖⴻⵍⵍⵉⵙⵜ ⵖⴻⴼ ⵍⴵⴰⵍ ⵏ ⵜⴻⴷⵢⴰⵏⵉⵏ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⵜⴻⵎⵏⴰⴹⵜ ⵜⴰⵄⵕⴰⴱⵜ ⴷ ⵙⵙⴰⵃⴻⵍ, ⴷ ⵜⵉⴷⵢⴰⵏⵉⵏ ⴰⵢ ⴷ-ⵢⴻⴳⵍⴰⵏ ⵙ ⵢⵉⵏⴻⵍⴽⴰⵎⴻⵏ ⵖⴻⴼ ⵜⵎⵓⵔⴰ-ⵏⵏⴻⵖ ⵏ ⵍⵎⴻⵖⵔⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ », ⵢⴻⵔⵏⵓ ⴰⵢⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ « ⵉⵃⴻⵜⵜⴻⵎ-ⴷ ⴼⴻⵍⵍ-ⴰⵖ ⴰⴷ ⵜ-ⵏⵇⴰⴱⴻⵍ ⵙ ⵜⵎⴰⵙⵉⵜ ⴷ ⵡⴻⵖⵜⴰⵙ ⵉ ⵓⵙⵙⴻⴵⵀⴻⴷ ⵏ ⵡⴻⵎⵄⴰⵡⴻⵏ-ⵏⵏⴻⵖ ⴰⵙⵉⵏⴷⵉⵙⴰⵏ ⴷ ⵡⴻⵎⵏⴰⴹⴰⵏ ».
« ⴰⵢⴰ ⴰⴷ ⴷ-ⵢⵉⵍⵉ ⵙ ⵓⵀⴻⵢⵢⵉ ⵏ ⵓⵖⴰⵡⴰⵙ ⵓⵃⵕⵉⵛ ⴰⴷ ⵉⵔⴻⴳⵍⴻⵏ ⴰⴱⵔⵉⴷ ⵉ ⵢⵉⵔⴻⴱⵔⴰⴱⴻⵏ, ⵍⴻⵙⵍⴰⵃ-ⵏⵙⴻⵏ, ⵍⵄⵓⵍⴰ ⵏ ⵢⵉⵎⴻⵏⵖⵉ, ⵍⴱⵓⵎⴱⴰⵜ ⴷ ⵜⴻⵀⵢⵓⴼⵉⵏ-ⵏⵙⴻⵏ ⴰⴽⴽⴻⵏ ⴰⴷ ⴷ-ⴰⴷⴼⴻⵏ ⵖⴻⵔ ⵜⵎⵓⵔⴰ, ⵍⴰⴷⵖⴰ ⵉⵎⵉ ⴰⵢⴰ ⴷ ⴰⵎⵉⵀⵉ ⵉ ⵜⴰⵍⵡⵉⵜ, ⵉⵖⴻⵔⴼⴰⵏ ⴷ ⵜⴷⴰⵎⵙⵉⵡⵉⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴱⴻⴷⵧⵓⵉ.
ⵉⵃⴻⵜⵜⴻⵜ-ⴷ ⴷⴰⵖ ⵓⵏⴻⵖⵍⴰⴼ ⵖⴻⴼ ⵜⵎⵓⵔⴰ ⵏ ⵜⴷⵓⴽⵍⵉ ⵏ ⵍⵎⴻⵖⵔⴻⴱ ⴰⵄⵕⴰⴱ ⴰⴽⴽⴻⵏ ⴰⴷ ⵙⴵⴻⵀⴷⴻⵏⵜ ⴰⵎⵄⴰⵡⴻⵏ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ ⴷ ⵛⵛⵕⴻⵄ ⴰⴽⴽⴻⵏ ⴰⴷ ⴷ-ⵙⴷⵓⵇⵇⵙⴻⵏⵜ ⵉⵎⵜⴰⵡⴰⵢⴻⵏ ⵉⵙⵉⵏⴷⵉⵙⴰⵏⴻⵏ ⴷ ⵡⵉⴷ ⵏ ⵜⴷⵓⴽⵍⵉ ⵏ ⵍⵎⴻⵖⵔⴻⴱ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ ⵢⵉⵃⴻⵣⵣⵉⴱⴻⵏ ⵏ ⵓⵅⴻⴷⴷⵉⵎ ⴷⴻⴳ ⵡⴻⵏⵔⴰⵔ ⵉ ⵡⴻⵎⵄⴰⵡⴻⵏ ⴰⵎⴻⵍⵍⵉⵍ ⴳⴰⵔ ⵜⵎⵓⵔⴰ-ⴰ ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⴰⵖⴻⵍⵏⴰⵡ ⴷ ⵡⴻⴳⵔⴰⵖⵍⴰⵏ ⵎⴳⴰⵍ ⵔⵔⴻⴱⵔⴰⴱ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
