ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
135 ⵏ ⵜⴻⴽⵡⴰⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵛⴰⵙⵏⵧⵙ ⴰⵢ ⵉⵔⴻⵥⵎⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ
ⴳⴰⵍⵎⴰ, – ⵔⴻⵥⵎⴻⵏⵜ, ⵎⴰ ⵓⵍⴰⵛ, 135 ⵏ ⵜⴻⴽⵡⴰⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ (ⵛⴰⵙⵏⵧⵙ) ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⴽⴻⵔⵔⴰⵣⴻⵏ ⵏ ⵜⴻⵎⵏⴰⴹⵉⵏ ⵏ ⵓⴳⴰⵎⴰ ⴰⴷ ⴷ-ⵙⴼⴰⵢⴷⵉⵏ ⵙⴻⴳ-ⵙⴻⵏⵜ ⵙ ⵜⴻⴼⵙⴻⵙ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴳⴰⵍⵎⴰ, ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ-ⴰ, ⵛⵀⴰⵡⴽⵉ ⴰⵛⵀⴻⵓⴽ.
ⴰⵔⵥⴰⵎ ⵏ ⵜⴻⴽⵡⴰⵜⵉⵏ-ⴰ ⵢⴻⵍⵍⴰ-ⴷ ⵙ ⵓⵇⴰⴷⴻⵔ ⵏ ⵡⴻⵎⵜⴰⵡⴰ ⴰⵢ ⵢⴻⵙⵜⴻⵏⵢⴰ ⵓⵙⴻⵏⴷⵓⵇ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ (ⵛⴰⵙⵏⵧⵙ) ⴷ ⵓⵙⴻⵏⴷⵓⵇ ⴰⵎⵏⴰⴹⴰⵏ ⵏ ⵜⵎⵉⵍⴰⵍⵜ ⵜⴰⵏⴽⴻⵔⵔⴰⵣⵜ (ⵛⵔⵎⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴻⴳ ⵢⵉⵡⴻⵏ ⵏ ⵡⴻⴳⵔⴰⵡ ⴰⵎⴰⵜⵓ ⴰⵢ ⴷ-ⵢⴻⵍⵍⴰⵏ ⵉ ⵓⵄⴰⵡⴻⴷ ⵏ ⵡⴻⴼⵔⴰⵏ ⵏ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵜⵡⵉⵍⴰⵜ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴽⴻⵔⵔⴰⵣⴻⵏ ⵉⴷⵣⴰⵢⵔⵉⵢⴻⵏ.
ⵉⵡⴻⴽⴽⴻⴷ-ⴷ ⵎⴰⵙⵙ ⴰⵛⵀⴻⵓⴽ ⴷⴰⴽⴽⴻⵏ ⵜⵉⴽⵡⴰⵜⵉⵏ-ⴰ ⴰⴷ ⵙⵙⵉⴼⴻⵙⵙⴻⵏⵜ ⵜⴰⴳⵏⵉⵜ ⵖⴻⴼ ⵢⵉⴽⴻⵔⵔⴰⵣⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵡⴻⵃⵔⵉⵛ-ⵏⵙⴻⵏ. ⴷⴻⴳ ⵙⵉⵏ ⵏ ⵡⴰⵢⵢⵓⵔⴻⵏ-ⴰ ⵉⵏⴻⴳⴳⵓⵔⴰ, ⵎⵎⴻⵕⴽⴰⵏ-ⴷ 20.000 ⵏ ⵢⵉⴽⴻⵔⵔⴰⵣⴻⵏ ⵖⴻⵔ ⵓⵙⴻⵏⴷⵓⵇ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵙⴰⵢ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵎⴹⴰⵏ (ⵄⴰⴷⴰⴷ) ⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵏⴷⵓⵇ ⵢⴻⵡⵡⴻⴹ, ⵉⵎⵉⵔ-ⴰ, ⵖⴻⵔ 160.000 ⵏ ⵢⵉⴽⴻⵔⵔⴰⵣⴻⵏ ⵙⴻⴳ ⴳⴰⵔ ⵓⵎⴻⵍⵢⵓⵏ ⵏ ⵢⵉⴽⴻⵔⵔⴰⵣⴻⵏ ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵜⵎⵓⵔⵜ ⵏ ⵍⴷⵣⴰⵢⴻⵔ.
ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵙⴻⵏⴷⵓⵇ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⵢⴻⴱⴷⴰ-ⴷ, ⵙⴻⴳ ⵎⴻⵍⵎⵉ ⴽⴰⵏ, ⵢⵉⵡⴻⵜ ⵏ ⵜⵃⴻⵎⵍⴰ ⴷ ⵜⴰⵎⴻⵇⵔⴰⵏⵜ, ⵙ ⵡⴻⵎⵄⴰⵡⴻⵏ ⴷ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴽⴻⵔⵔⴰⵣⴻⵏ ⵉⴷⵣⴰⵢⵔⵉⵢⴻⵏ, ⵉ ⵡⴻⵙⵃⵓⵍⴼⵓ ⵏ ⵢⵉⴽⴻⵔⵔⴰⵣⴻⵏ ⵖⴻⴼ ⵍⴼⴰⵢⴷⴰⵜ ⵢⴻⵍⵍⴰⵏ ⴷⴻⴳ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵓⵎⴰⵙⴰⵢ-ⴰ.
