ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴰⵡⴻⵍ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷ ⵓⵏⴻⵖⵍⴰⴼ ⵉⵎⴰⵕⴰⵜⵉ ⵏ ⵜⴻⵥⵡⴻⵔⵜ ⵖⴻⴼ ⵓⵙⵙⴻⴵⵀⴻⴷ ⵏ ⵜⵉⵛⵛⵓⵔⴽⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵓⵏⴻⵖⵍⴰⴼ ⵉⵎⴰⵕⴰⵜⵉ ⵏ ⵜⴻⵥⵡⴻⵔⵜ (ⵟⴰⵇⴰ), ⵙⵓⵀⴰⵉⵍ ⴱⵉⵏ ⵎⵧⵀⴰⵎⴻⴷ ⴰⵍ-ⵎⴰⵣⵔⵧⵓⴻⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ.
ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷⴷⵓⵕⵜ ⴷⴻⴼⴼⵉⵔ ⵡⴻⵏⵎⴰⴳⴻⵔ-ⵏⵏⵉ ⴰⵎⴻⵣⵡⴰⵔⵓ ⵏ ⵜⵖⴰⵡⵙⵉⵡⵉⵏ ⵜⵉⴷⵣⴰⵢⵔⵉⵢⵉⵏ-ⵜⵉⵎⴰⵕⴰⵜⵉⵢⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⴰⴱⵓ ⴷⵀⴰⴱⵉ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴰⵍⵇⴻⵢ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵡⴻⵃⵔⵉⵛ ⵏ ⵜⴻⵎⴳⵓⵔⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ (ⴱⴰⵢⴰⵏ).
ⴰⵙⵇⴻⵔⴷⴻⵛ-ⴰ ⵢⴻⵍⵍⴰ-ⴷ ⵙ ⵡⴻⵃⴷⴰⵕ ⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵢⴻⵖⵍⵉⴼⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⵢⴻⵔⵏⵓ ⵢⴻⵍⵍⴰ-ⴷ ⴷⴻⴳ-ⵙ ⵡⴰⵡⴰⵍ ⵖⴻⴼ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⴷ ⵜⵜⴰⵡⵉⵍⴰⵜ ⵏ ⵓⵙⵙⴻⴵⵀⴻⴷ-ⵏⵙⴻⵏ ⵙ ⵓⵙⵙⴻⵄⵊⴻⵍ ⵏ ⵢⵉⵙⴻⵏⴼⴰⵔⴻⵏ ⴰⵢⵖⴻⴼ ⵍⴰ ⴷ-ⵢⴻⵜⵜⵉⵍⵉ ⵓⵅⴻⴷⴷⵉⵎ ⵉⵎⵉⵔ-ⴰ.
ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵖⴻⴼ « ⵡⴰⵙⵙⴰⵖⴻⵏ ⵉⵣⴰⴷⴻⵏ ⵢⴻⵇⵇⵏⴻⵏ ⵍⴻⵣⵣⴰⵢⴻⵔ ⵖⴻⵔ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴰⵏⴻⴳⴳⴰⵔⵓⵜ ⵖⴻⴼ ⴰⴱⵓ ⴷⵀⴰⴱⵉ « ⵜⴻⴳⵍⴰ-ⴷ ⵙ ⵢⴻⴳⵎⴰⴹ ⵉⴽⵎⴰⵎⴻⵏ (ⵎⴰⵍⵎⵓⵙⴰ) ⵙ ⵡⴻⵙⵜⴻⵏⵢⵉ ⵏ ⵡⴰⵟⴰⵙ ⵏ ⵢⴻⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵏⵏⵉⴳ ⵡⴻⵎⵛⵉⵡⴻⵕ ⵖⴻⴼ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵢⴻⵔⵣⴰⵏ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ».
ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵉⵄⴻⵡⵡⴻⵍ ⵏⴻⵜⵜⴰ ⵙ ⵜⵉⵎⵎⴰⴷ-ⵏⵏⴻⵙ ⴰⴷ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵍⵄⴰⵀⴻⴷ ⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴽⴽⴻⵏ ⴰⴷ ⴷⴷⵓⵏ ⵢⵉⵙⴻⵏⴼⴰⵔⴻⵏ-ⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵡⴻⵚⵚⴰ « ⴰⴷ ⴷ-ⵙⴱⴻⴷⴷⴻⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵜⴰⵙⴻⵇⵇⴰⵎⵓⵜ ⵜⴰⵖⵍⵉⴼⴰⵏⵜ ⴰⴷ ⴷ-ⵢⴻⵍⵀⵓⵏ ⵙ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⵉⵃⴻⴱⵙⴻⵏ ⵉⵙⴻⵏⴼⴰⵔⴻⵏ-ⴰ ⵢⴻⵔⵏⵓ ⴰⴷ ⴷ-ⵜⵀⴻⵢⵢⵉ ⴰⵖⴰⵡⴰⵙ ⵉ ⵢⵉⵙⵙⴻⴼⵜⵉⵢⴻⵏ ⵉⵎⴰⵕⴰⵜⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ».
