ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵡⵡⴻⴹ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵖⴻⵔ ⵎⵓⵙⴽⵓ ⵉ ⵜⴻⵔⵣⵉ ⵜⵓⵏⵚⵉⴱⵜ

ⵎⵓⵙⴽⵓ – ⵢⴻⵡⵡⴻⴹ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ (ⵜⵉⵙ 9:40 ⵏ ⵜⵎⴻⴷⴷⵉⵜ ⵙ ⵡⴰⴽⵓⴷ ⴰⴷⵉⴳⴰⵏ) ⵖⴻⵔ ⵎⵓⵙⴽⵓ ⴰⴽⴽⴻⵏ ⴰⴷ ⵢⴻⴳ ⵜⵉⵔⵣⵉ ⵜⵓⵏⵚⵉⴱⵜ ⵙⴻⴳ ⵡⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⴼⵉⴷⵉⵕⴰⵍⵉⵜ ⵏ ⵔⵓⵙⵢⴰ, ⵙ ⵓⵏⴻⵄⵔⵓⴹ ⵏ ⵓⵙⴻⵍⵡⴰⵢ ⵏ ⵓⵏⴰⴱⴰⴹ ⴰⵔⵓⵙⵉ, ⴷⵎⵉⵜⵔⵉ ⵎⴻⴷⵠⴻⴷⴻⵠ.

ⵎⵉ ⵢⴻⵡⵡⴻⴹ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵙⵀⴻⵔⵎⴻⵜⵢⴻⵠⵧ, ⴷⴻⴳ ⵎⵓⵙⴽⵓ, ⴷ ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵔⵓⵙⵢⴰ, ⵎⵉⴽⵀⴰⵉⵍ ⴱⵧⴳⴷⴰⵏⵧⵠ, ⴰⵢ ⵢⴻⵎⵎⵓⴳⵔⴻⵏ ⵎⴰⵙⵙ ⵙⴻⵍⵍⴰⵍ ⵙ ⵡⴻⵃⴷⴰⵕ ⵏ ⵡⴻⵏⵎⴰⵀⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⵎⵓⵙⴽⵓ, ⵙⵎⴰⵉⵍ ⴰⵍⵍⴰⵧⵓⴰ, ⴷ ⵡⴻⵏⵎⴰⵀⴰⵍ ⵏ ⵜⴼⵉⴷⵉⵕⴰⵍⵉⵜ ⵜⴰⵔⵓⵙⵉⵜ ⴷⴻⴳ ⵍⴻⵣⵣⴰⵢⴻⵔ, ⴰⵍⴻⵅⴰⵏⴷⵔⴻ ⵣⵧⵍⵧⵜⵧⵠ.

ⵜⵉⵔⵣⵉ-ⴰ « ⴰⴷ ⵜⴻⴵⴵ ⴰⵏⴻⵖⵍⴰⴼ ⴰⵎⴻⵏⵣⵓ ⴰⴷ ⵢⴻⵙⵙⵉⵡⴻⵍ ⴷ ⵢⵉⴷⵓⴱⴰ ⵓⵏⵏⵉⴳⴻⵏ ⵏ ⵔⵓⵙⵢⴰ ⵉ ⵍⵎⴻⵏⴷ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⴷ ⵡⴰⵎⴻⴽ ⴰⴷ ⵜⵜⵡⴰⵙⵊⴻⵀⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵓⵏⴻⵖⵍⴰⴼ ⴰⵎⴻⵏⵣⵓ.

« ⵜⴰⵙⴻⵖⵔⵓⵜ ⵏ ⵜⵉⵛⵛⵓⵔⴽⴰ ⵜⴰⵙⵓⴷⴷⵙⴰⵏⵜ (ⵉⵙⵜⵔⴰⵜⵉⴵⵉⵢⵢⴰ) ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ 2001 ⴷⴻⴳ ⵎⵓⵙⴽⵓ » ⴰⴷ ⵜⴻⵜⵜⵡⴰⵙⵙⴻⴼⵄⴻⵍ ⵙ ⵡⴻⵙⵜⴻⵏⵢⵉ ⵏ ⵢⴻⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵉⵙⵉⵏⴷⵉⵙⴰⵏⴻⵏ « ⴰⴷ ⴷ-ⵢⴻⴳⵍⵓⵏ ⵙ ⵍⴼⴰⵢⴷⴰ » ⴷⴻⴳ ⵡⴻⵃⵔⵉⵛ ⵏ ⵜⴷⴰⵎⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ-ⴰ.

ⵙ ⵡⴰⵢⴰ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⴰ, ⴰⴷ ⴷ-ⵢⵉⵍⵉ ⴷⴰⵖ ⵡⴻⵏⵎⴰⴳⴻⵔ ⴰⴷⴰⵎⵙⴰⵏ « ⴰⴷ ⵢⴻⴵⴵⴻⵏ ⵜⵉⵕⵎⵉⵙⵉⵏ (ⵛⴰⵔⵉⴽⴰⵜ) ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵣⴻⵔⵡⴻⵏⵜ (ⵜⴰⴷⵔⵓⵙ) ⵜⵉⵍⴻⵎⵎⵉⵥⵉⵏ ⵏ ⵓⵙⵙⴻⴼⵜⵉ ⴷ ⵜⵉⵛⵛⵓⵔⴽⴰ ⴰⵢ ⵉⵣⴻⵎⵔⴻⵏ ⴰⴷ ⵔⵏⵓⵏⵜ ⴰⴷ ⵙⵊⴻⵀⴷⴻⵏⵜ ⴰⵙⵙⴰⵖⴻⵏ ⵜⴻⵏⵜ-ⵢⴻⵇⵇⵏⴻⵏ ⵢⴰⴳⵉ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵡⴻⵍⵖⵓ-ⴰ.