ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰ ⴷ-ⵢⴻⵜⵜⵉⵍⵉ ⵡⴻⵃⵜⴰⵛ ⴰⴽⴽⴻⵏ ⴰⴷ ⵜⵜⵡⴰⴹⴹⴼⴻⵏ ⵡⵉⴷ ⵉⵕⴻⵊⵎⴻⵏ ⴰⵙⴰⴽⴰⵍ-ⵏⵏⵉ ⵏ ⵜⵖⴻⵔⴷⴰⵢⵜ
ⵜⴰⵖⴻⵔⴷⴰⵢⵜ – ⵢⴻⵜⵜⵡⴰⵔⵥⴻⵎ ⵡⴻⵃⵜⴰⵛ ⴰⴽⴽⴻⵏ ⴰⴷ ⴷ-ⴰⴼⴻⵏ ⵡⵉⴷ ⴰⵢ ⵉⵕⴻⵊⵎⴻⵏ ⵢⵉⵡⴻⵏ ⵏ ⵓⵙⴰⴽⴰⵍ (ⵃⴰⴼⵉⵍⴰ) ⴰⴳⵔⴻⵎⴷⵉⵏⴰⵏ ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ ⴷⴻⴳ ⵜⵖⴻⵔⴷⴰⵢⵜ « ⵉ ⵍⵎⴻⵏⴷ ⵏ ⵓⵄⴰⵇⴻⴱ-ⵏⵙⴻⵏ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⵏ ⵜⴻⴳⴷⵓⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵡⴰⵍⵉ ⵏ ⵜⵖⴻⵔⴷⴰⵢⵜ.
ⴷⴻⴳ ⵜⴳⴰⵔⴰ ⵏ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵏ ⵓⵙⵙⴻⴽⵜⴰⵣⴻⵍ (ⵜⴰⵇⵢⵉⵎ) ⵏ ⵜⴷⴰⵡⵙⴰ ⴷⴻⴳ ⵡⴻⵏⵥⵓⵍ, ⵉⵡⴻⴽⴽⴻⴷ-ⴷ ⵓⵡⴰⵍⵉ ⴰⵣⵣⴻⴷⵉⵏⴻ ⵎⴻⵛⵀⵔⵉ ⵍⴻⴱⵖⵉ ⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵉⵏⴰⴳⴷⵓⴷⴻⵏ ⴰⴽⴽⴻⵏ ⴰⴷ ⴹⴻⵎⵏⴻⵏ ⵜⴰⵖⴻⵍⵍⵉⵙⵜ ⵏ ⵢⴻⵎⴷⴰⵏⴻⵏ ⴷ ⵡⴰⵢⵍⴰ ⵉ ⵡⴰⴽⴽ ⵎⴻⴷⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴻⵇⵡⴰⵏⵉⵏ ⵏ ⵜⴻⴳⴷⵓⴷⴰ ⴰⴷ ⵜⵜⵡⴰⵙⴼⴻⵄⵍⴻⵏ ⵙ ⵍⴻⵡⵄⴰⵕⴰ-ⵏⵙⴻⵏⵜ ⵜⵓⵎⵎⵉⴷⵜ » ⵎⴳⴰⵍ ⴰⴽⴽ ⵉⵎⴷⴰⵏⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵛⵛⵖⴻⵍ-ⴰ ⵏ ⵜⴻⵊⵔⵉⵎⵜ ⴷ ⵓⵙⵙⴻⵅⵚⴻⵔ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⴻⵎⵙⵉⴽⵍⴻⵏ ⵏ ⵓⵙⴰⴽⴰⵍ-ⵏⵏⵉ.
ⵉⵕⴻⴳⴳⴻⵎ-ⴷ ⵎⴰⵙⵙ ⵎⴻⵛⵀⵔⵉ ⴷⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵃⵜⴰⵛ ⴷ « ⴰⵍⵇⴰⵢⴰⵏ ⵎⵍⵉⵃ » ⵙⵖⵓⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⴰⴼⴻⵏ ⵉⵎⴷⴰⵏⴻⵏ-ⴰ ⵓⵎⵉ ⵉⵙⴻⵎⵎⴰ « ⵉⵔⴻⴱⵔⴰⴱⴻⵏ » ⴰⵢ ⵉⴳⴰⵏ ⵜⴰⵊⵔⵉⵎⵜ-ⴰ « ⵜⵓⵄⵣⵉⵍⵜ » ⵢⴻⵔⵏⵓ, ⵎⵉ ⴷ-ⵜⵜⵡⴰⴹⴹⴼⴻⵏ, ⴰⴷ ⵄⴻⴷⴷⵉⵏ ⴷⴻⴳ ⵛⵛⵕⴻⵄ.
ⴰⵍⴰ ⵜⴰⵖⴷⴻⵎⵜ ⴰⵢ ⵉⵣⴻⵎⵔⴻⵏ ⴰⴷ ⵜⴻⵃⴽⴻⵎ ⵢⴻⵔⵏⵓ ⴰⴷ ⵜⵄⴰⵇⴻⴱ ⵢⴰⵍ ⵢⵉⵡⴻⵏ ⵙⴻⴳ ⵡⵉⴷ ⵢⴻⵜⵜⴻⴽⴽⴰⵏ, ⵖⴻⴼ ⵍⴻⵃⵙⴰⴱ ⵏ ⵓⵜⵜⴻⴽⴽⵉ-ⵏⵏⴻⵙ, ⵢⴻⵔⵏⵓ ⵖⴻⴼ ⵍⴻⵃⵙⴰⴱ ⵏ ⵜⵜⴱⵓⵜ ⴰⴽⵎⴰⵎ (ⵎⴰⵍⵎⵓⵙ) ⵢⴻⵔⵏⵓ ⴷⴻⴼⴼⵉⵔ ⵡⴻⵃⵜⴰⵛ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⴰⵖⴷⴻⵎⵜ ⴰⴷ ⵜⴻⴳ ⵛⵛⵖⴻⵍ-ⵏⵏⴻⵙ ⵙ ⵍⴻⵡⵄⴰⵕⴰ ⵢⴻⵔⵏⵓ ⵙ ⵜⴳⴰⴷⴷⴰ (ⵎⵓⵙⴰⵡⴰⵜ) ⵎⴳⴰⵍ ⵡⵉⴷ ⴰⵢ ⵉⴳⴰⵏ ⵜⴰⵊⵔⵉⵎⵜ-ⴰ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵃⴽⴻⵎ ⴰⴷ ⵢⴻⵜⵜⵡⴰⴷⴷⵎⴻⵏ ⵎⴳⴰⵍ-ⵏⵙⴻⵏ « ⴰⴷ ⴷ-ⵢⴻⵜⵜⵡⴰⴽⵛⴻⴼ ⵉ ⵡⴻⴳⴷⵓⴷ ».
