ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵃⵔⵉⵛ ⵏ ⵜⴽⴻⵔⵔⴰⵣⵜ ⵢⴻⵞⵞⴰ 97% ⵙⴻⴳ ⵓⵎⴰⵔⵓⴷ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵚⴻⵔⵔⴻⴼ ⵡⴻⵖⵍⵉⴼ ⵏ ⵜⴽⴻⵔⵔⴰⵣⵜ 217 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵙⴻⴳⴳⴰⵙ ⴰⴷⵔⵉⵎⴰⵏ ⵏ 2013 ⵙⴻⴳ ⴳⴰⵔ 222 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⴰⵙ-ⴷ-ⵢⴻⵜⵜⵓⵏⴻⴼⴽⴻⵏ ⴷ ⴰⵎⴰⵔⵓⴷ (ⵎⵉⵣⴰⵏⵉⵢⵢⴰ), ⴷⵖⴰ ⵙ ⵡⴰⵢⴰ, ⵜⵜⵡⴰⵚⴻⵔⵔⴼⴻⵏ 97,74% ⵙⴻⴳ ⵓⵎⴰⵔⵓⴷ ⵏ ⵜⴽⴻⵔⵔⴰⵣⵜ ⴷⴻⴳ 2013.

ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⴷ-ⵢⴻⵍⵍⴰⵏ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⵏ ⵓⵎⴰⵔⵓⴷ (ⵜⴰⵙⵡⵉⵢⴰⵜ ⴰⵍ-ⵎⵉⵣⴰⵏⵉⵢⵢⴰ) ⵏ 2013 ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⵏ ⵜⴽⴻⵔⵔⴰⵣⵜ ⴷⴷⴰⵡ ⵜⵙⴻⵍⵡⵉⵜ ⵏ ⵎⴰⵀⴷⵊⵧⵓⴱ ⴱⴻⴷⴷⴰ, ⴰⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴷⴰⴽⴽⴻⵏ ⴰⵃⵔⵉⵛ-ⴰ ⵉⵚⴻⵔⵔⴻⴼ 140 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵙ ⵓⵚⴻⵔⵔⴻⴼ ⵓⵙⵔⵉⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⴷⵉ ⴷ ⵓⴽⴻⴼⴼⴰⵢ ⵏ ⵓⵎⴻⵏⵖⵓⴷ.

ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⵣⴰⵍ ⵏ 75 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵓⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ ⵏ ⵡⴻⵃⵔⵉⵛ-ⴰ ⴷ ⵜⵉⵖⵉⵏ ⵏ ⵜⵜⴰⵡⵉⵍⴰⵜ.

ⵢⴻⵏⵏⴰ-ⴷ ⴷⴰⴽⴽⴻⵏ ⴰⵀⵉⵍⴻⵏ-ⴰ ⴷ ⵡⵉⴷ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⵉ ⵜⴽⴻⵔⵔⴰⵣⵜ ⵙ ⵜⵓⴽⵛⵉ ⵏ 190 ⵏ ⵢⴻⵖⵜⴰⵙⴻⵏ ⵏ ⵓⵙⵙⵉⴷⵔⴻⵎ (ⵇⴰⵔⴰⵔ ⵜⴰⵎⵡⵉⵍ) ⵙ ⵡⴰⵣⴰⵍ ⵏ 10,8 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ 294.000 ⵏ ⵢⵉⵇⴻⵟⵟⴰⵔⴻⵏ ⴷⴻⴳ 37 ⵏ ⵜⵡⵉⵍⴰⵢⵉⵏ, ⴷ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⴰⵢ ⴷ-ⵢⴻⵙⵇⴰⵎⴻⵏ 5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.

ⴳⴰⵔ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵜⵜⵡⴰⵙⴼⴻⵄⵍⴻⵏ ⴷⴻⴳ 2013, ⵢⴻⴱⴷⴻⵔ-ⴷ ⵓⵏⴻⵖⵍⴰⴼ ⴷⴰⵖ ⴰⵙⵙⴻⴱⴷⴻⴷ ⵏ ⵍⴼⵉⵔⵎⴰⵜ ⵏ ⵜⵓⵥⵓⵜ ⴷ ⵜⴽⴻⵙⵙⴰⵡⵜ ⵙ ⵡⵇⴱⴰⵍ ⵏ 565 ⵏ ⵢⵉⴽⴰⵔⴰⵎⴻⵏ ⴷⴻⴳ 8 ⵏ ⵜⵡⵉⵍⴰⵢⵉⵏ. ⵍⴼⵉⵔⵎⴰⵜ-ⴰ ⴹⴹⴼⴻⵏⵜ ⴰⵊⴻⵎⵎⴰⵍ ⵏ 68.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ.

ⴰⵃⵔⵉⵛ ⵏ ⵜⴼⴻⵍⵍⴰⵃⵜ ⵉⵄⴰⵡⴻⴷ ⴷⴰⵖ ⵉⵀⴻⵢⵢⴰ-ⴷ 3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⵉ ⵜⴽⴻⵙⵙⴰⵡⵜ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵙⵜⴻⵏⵢⴰⵏ ⵍⴻⵄⵇⵓⴷⴰⵜ ⵏ ⵓⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ ⴳⴰⵔ ⵡⴻⵖⵍⵉⴼ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵜⴻⵙⵎⴻⴷⵏⴰ ⵏ ⵓⴳⴰⵎⴰ.