ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰ ⵜⴻⵙⵙⴻⴼⵔⴰⵢ ⵙⵒⴰⵛⴻⵅ ⴰⴷ ⵜⴰⵣⴻⵏ ⵜⴰⴽⴰⴱⵙⵓⵏⵜ ⵓⵔ ⵢⴻⵜⵜⵡⴰⵣⴻⴷⵖⴻⵏ ⵖⴻⵔ ⵎⴻⵖⵔⴻⵙ ⴷⴻⴳ 2018

ⵡⴰⵛⵉⵏⵜⵓⵏ – ⵍⴰ ⵜⴻⵙⵙⴻⴼⵔⴰⵢ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵙⵒⴰⵛⴻⵅ ⴰⴷ ⵜⴰⵣⴻⵏ ⵜⴰⴽⴰⴱⵙⵓⵏⵜ ⵓⵔ ⵢⴻⵜⵜⵡⴰⵣⴻⴷⵖⴻⵏ ⵖⴻⵔ ⵎⴻⵖⵔⴻⵙ ⴷⴻⴳ 2018 ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ. ⵜⴰⵕⵎⵉⵙⵜ-ⴰ ⵢⴻⵍⵍⴰⵏ ⴷⴻⴳ ⴽⴰⵍⵉⴼⵓⵕⵏⵢⴰ, ⵢⴻⵙⵙⴻⴱⴷⴻⴷ-ⵉⵜⵜ-ⵉⴷ ⵓⵎⵉⵍⵢⴰⵕⴷⵉⵕ ⴰⵎⴰⵔⵉⴽⴰⵏⵉ ⴻⵍⵧⵏ ⵎⵓⵙⴽ, ⵢⴻⵔⵏⵓ ⵍⴰ ⵜⴻⵙⵙⴰⵔⴰⵎ ⴰⴷ ⴷ-ⵜⴻⵙⵙⴻⴱⴷⴻⴷ ⵜⴰⵀⵔⴻⵙⵜ (ⵎⵓⵙⵜⴰⵡⵟⴰⵏⴰ) ⴷⴻⴳ ⵡⴻⵎⵜⵉⵡⴻⴳ ⵏ ⵎⴻⵖⵔⴻⵙ.

« ⵍⴰ ⵏⴻⵙⵙⴻⴼⵔⴰⵢ ⴰⴷ ⵏⴰⵣⴻⵏ (ⵜⴰⴽⴰⴱⵙⵓⵏⵜ) ⵏ ⴷⵔⴰⴳⵧⵏ ⵖⴻⵔ ⵎⴻⵖⵔⴻⵙ ⴷⴻⴳ 2018 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵏ ⵜⵡⵉⵜⵜⴻⵔ. ⵜⴰⴽⴰⴱⵙⵓⵏⵜ-ⴰ ⵏ « ⵔⴻⴷ ⴷⵔⴰⴳⵧⵏ » ⴷ ⵜⴰⵙⴻⵏⴼⴻⵍⵜ ⵢⴻⵜⵜⵡⴰⵙⵙⴻⵍⵀⴰⵏ ⵏ ⵜⴽⴰⴱⵙⵓⵍⵜ ⵏ ⴷⵔⴰⴳⵧⵏ ⴰⵢ ⵍⴰ ⵜⴻⵙⵙⴻⵇⴷⴰⵛ ⵢⴰⴳⵉ ⵜⴻⵕⵎⵉⵙⵜ-ⴰ ⵉ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⵖⴻⵔ ⵜⴻⵖⵙⴻⵔⵜ ⵜⴰⵍⵍⵓⵏⴰⵏⵜ (ⵎⴰⵃⴰⵟⵟⴰ ⴼⴰⴹⴰ’ⵉⵢⵢⴰ) ⵜⴰⴳⵔⴰⵖⵍⴰⵏⵜ.

« ⴷⵔⴰⴳⵧⵏ ⵜⵉⵙ 2 ⵜⴻⵜⵜⵡⴰⵅⴷⴻⵎ-ⴷ ⴰⴽⴽⴻⵏ ⴰⴷ ⵜⴻⵣⵎⴻⵔ ⴰⴷ ⵜⴻⵔⵙ ⵖⴻⴼ ⵢⴰⵍ ⴰⵎⴽⴰⵏ ⴷⴻⴳ ⵓⵏⴰⴳⵔⴰⵡ ⴰⴼⵓⴽⴰⵏ ⵢⴻⵔⵏⵓ ⴰⵣⵣⵓⵏ ⵏ ⵔⴻⴷ ⴷⵔⴰⴳⵧⵏ ⵖⴻⵔ ⵎⴻⵖⵔⴻⵙ ⴰⴷ ⴷ-ⵢⵉⵍⵉ ⴷ ⴰⴼⴼⵓⴳ ⴰⵎⴻⵣⵡⴰⵔⵓ ⵏ ⵡⴰⵔⵔⴰⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⵖ ⵓⵏⴻⵎⵀⴰⵍ ⵏ ⵙⵒⴰⵛⴻⵅ ⴷⴰⴽⴽⴻⵏ ⵓⵔ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴰⵣⴻⵏ ⵉⵎⵙⴰⵍⵍⵓⵏⴻⵏ (ⵔⵓⵡⵡⴰⴷ ⴼⴰⴹⴰ’) ⴷⴻⴳ ⵜⴽⴰⴱⵙⵓⵏⵜ-ⴰ ⵉⵃⴻⵕⵙⴻⵏ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵓⵍⴰⵢⵖⴻⵔ ⵎⴰ ⵜⵜⵡⴰⵣⵏⴻⵏ ⵢⴻⵎⵙⴰⵍⵍⵓⵏⴻⵏ ⴰⴽⴽⵉⵏ ⵉ ⵜⴻⵎⵏⴰⴹⵜ ⵢⴻⵍⵍⴰⵏ ⴳⴰⵔ ⵡⴰⴽⴰⵍ ⴷ ⵡⴰⵢⵢⵓⵔ, ⴰⵛⴽⵓ ⵜⴰⴽⴰⴱⵙⵓⵏⵜ-ⴰ ⵓⵔ ⵜⵡⴰⵜⴰ ⵉ ⵓⵙⵙⵉⴽⴻⵍ (ⵙⴰⴼⴰⵔ) ⴰⴷ ⵉⵄⴻⴹⴹⵍⴻⵏ. ⵉⵅⴻⴱⴱⴻⵔ-ⴷ ⴷⴰⵖ ⴷⴰⴽⴽⴻⵏ ⵜⴰⴽⴰⴱⵙⵓⵏⵜ ⵏ ⴷⵔⴰⴳⵧⵏ ⵜⵉⵙ ⵙⵏⴰⵜ ⵎⴻⵖⵖⵔⴻⵜ ⴰⵏⴻⵛⵜ ⵏ ⵜⴽⴻⵕⵕⵓⵙⵜ ⵜⴰⴽⴰⵏⵔⴰⵔⵜ.

ⴷⴻⴳ ⵛⵜⴻⵎⴱⴻⵕ ⴰⴷ ⵢⴻⵔⵏⵓ ⴰⴷ ⴷ-ⵢⴻⴼⴽ ⴻⵍⵧⵏ ⵎⵓⵙⴽ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⵡⴰⴼⴼⵓⴳ ⵏ « ⵔⴻⴷ ⴷⵔⴰⴳⵧⵏ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴰⵔ-ⵏⵏⴻⵙ ⵏ « ⵎⴰⵔⵙ ⵛⵧⵍⵧⵏⵉⴰⵍ ⵜⵔⴰⵏⵙⵒⵧⵔⵜⴻⵔ ». ⴰⴷ ⴷ-ⵢⵉⵍⵉ ⵡⴰⵢⴰ ⴷⴻⴳ ⵓⵙⴰⵔⴰⴳ ⴰⵙⵏⴰⵍⵍⵓⵏⴰⵏ ⴰⴳⵔⴰⵖⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⴳⵓⴰⴷⴰⵍⴰⵊⴰⵔⴰ, ⴷⴻⴳ ⵎⵉⴽⵙⵉⴽ.

ⵍⴰ ⵜⴻⵙⵙⴻⴼⵔⴰⵢ ⵜⴻⵕⵎⵉⵙⵜ ⵏ ⵙⵒⴰⵛⴻⵅ ⴷⴰⵖ ⴰⴷ ⵜⴰⵣⴻⵏ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵜⴰⵙⴻⵏⴼⴻⵍⵜ ⵜⴰⵎⴰⵥⴰⵢⵜ ⵏ ⵜⵎⴻⵥⴷⵉⵜ-ⵏⵏⴻⵙ ⵏ ⴼⴰⵍⵛⵧⵏ 9 ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ. ⴷ ⵜⵉⵏ ⴰⵢ ⴷ ⵜⵉⵎⴻⵥⴷⵉⵜ ⴰⴷ ⵢⴰⵣⵏⴻⵏ ⵜⴰⴽⴰⴱⵙⵓⵏⵜ ⵏ ⵔⴻⴷ ⴷⵔⴰⴳⵧⵏ.

ⵏⴰⵙⴰ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴰⵣⴻⵏ ⵜⴰⴽⴰⴱⵙⵓⵏⵜ ⵢⴻⵜⵜⵡⴰⵣⴻⴷⵖⴻⵏ ⵖⴻⵔ ⵎⴻⵖⵔⴻⵙ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2030, ⵢⴻⵔⵏⵓ ⵜⴻⵏⵏⴰ-ⴷ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⴰⴷ ⵜⵄⴰⵡⴻⵏ ⵜⴰⵕⵎⵉⵙⵜ ⵏ ⵙⵒⴰⵛⴻⵅ ⵙⴻⴳ ⵢⵉⴷⵉⵙ ⴰⵜⵡⵉⵍⴰⵏ (ⵜⵉⵇⵏⵉ) ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵡⴰⴼⴼⵓⴳ ⵏ ⵜⴽⴰⴱⵙⵓⵏⵜ-ⴰ ⴰⴷ ⵢⴰⵡⴹⴻⵏ ⵖⴻⵔ ⵡⴻⵎⵜⵉⵡⴻⴳ ⵏ ⵎⴻⵖⵔⴻⵙ.

ⴻⵍⵧⵏ ⵎⵓⵙⴽ ⵢⴻⵙⵙⴻⴱⴷⴻⴷ-ⴷ ⴷⴰⵖ ⵜⴻⵙⵍⴰ ⵎⵧⵜⵧⵔⵙ, ⴷ ⵢⵉⵡⴻⵜ ⵏ ⵜⴻⵕⵎⵉⵙⵜ ⴰⵢ ⴷ-ⵉⵅⴻⴷⴷⵎⴻⵏ ⵜⵉⴽⴻⵕⵕⵓⵙⵉⵏ ⵏ ⵜⵔⵉⵙⵉⵜⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴰⵙⵙⴻⵏ ⴷⴰⵖ ⵙ ⵡⴻⵙⵏⵓⵍⴼⵓ ⵏ ⵜⴻⵕⵎⵉⵙⵜ ⵏ ⵒⴰⵢⵒⴰⵍ, ⵢⵉⵖⴰⵍⴻⵏ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵅⴻⵍⵍⴻⵚ ⵏ ⵉⵏⵜⴻⵔⵏⴻⵜ, ⴷ ⵜⴻⵕⵎⵉⵙⵉⵏ ⵏ ⴻⴱⴰⵢ. ⴷⴻⴳ 2002 ⴰⵢ ⴷ-ⵢⴻⵙⵏⵓⵍⴼⴰ ⵙⵒⴰⵛⴻⵅ.

ⵜⴰⵕⵎⵉⵙⵜ-ⴰ ⵜⴻⵙⵙⴰⵡⴻⴹ ⴰⴷ ⵜⴻⴳ ⵙⵏⴰⵜ ⵏ ⵜⵖⴰⵡⵙⵉⵡⵉⵏ ⴷⴻⴳ ⵓⵎⴻⵣⵔⵓⵢ ⵏ ⵡⴰⴼⴼⵓⴳ ⴰⵍⵍⵓⵏⴰⵏ. ⵜⴰⵎⴻⵣⵡⴰⵔⵓⵜ, ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⵙⴻⵔⵙ ⴰⵏⵏⴰⴳ (ⵟⴰⴱⴰⵇ) ⵏ ⵜⵎⴻⵥⴷⵉⵜ ⵖⴻⴼ ⵍⵇⴰⵄⴰ, ⵎⴰ ⴷ ⵜⵉⵙ ⵙⵏⴰⵜ, ⴷ ⴰⵙⵙⴻⵔⵙⵉ ⵏ ⵡⴰⵏⵏⴰⴳ ⵏ ⵜⵎⴻⵥⴷⵉⵜ ⵖⴻⴼ ⵓⵖⴻⵔⵔⴰⴱⵓ ⴷⴻⴳ ⵓⴳⴰⵔⴰⵡ ⴰⵟⵍⴰⵙⵉ. ⵙ ⵡⴰⵢⴰ, ⵍⴰ ⵢⴻⵙⵙⴻⴼⵔⴰⵢ ⴻⵍⵧⵏ ⵎⵓⵙⴽ ⴰⴷ ⵢⴻⵙⵙⴻⵏⵇⴻⵙ ⵙ ⵡⴰⵟⴰⵙ ⴰⵢⴻⵏ ⴰⵢ ⴷ-ⵢⴻⵙⵇⴰⵎⴰⵢ ⵡⴰⵣⵣⵓⵏ ⵏ ⵜⵎⴻⵥⴷⵉⵢⵉⵏ.

ⵜⴰⵕⵎⵉⵙⵜ ⵏ ⵙⵒⴰⵛⴻⵅ ⵍⴰ ⵜⴻⵙⵙⴰⵡⴰⴹ, ⴰⵙⵙ-ⴰ, ⵙⵙⴻⵍⵄⴰ ⵖⴻⵔ ⵜⴻⵕⵎⵉⵙⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵍⴼⴰⵢⴷⴰ ⵏ ⵏⴰⵙⴰ ⵡⵓⴽⵓⴷ ⵜⴻⵙⵜⴻⵏⵢⴰ ⴰⴳⴰⵜⵓ (ⵄⴰⵇⴷ) ⵏ ⵙⵉⵏ ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ.

ⵜⴰⵕⵎⵉⵙⵜ-ⴰ ⵜⴳⴰ ⵉⴳⵓⵜⴰ ⴷⴰⵖ ⴷ ⵏⴰⵙⴰ ⴷ ⴱⵧⴻⵉⵏⴳ ⴷⴻⴳ 2014 ⵉ ⵓⵙⵙⵉⵡⴻⴹ ⵏ ⵢⴻⵎⵙⴰⵍⵍⵓⵏⴻⵏ ⵖⴻⵔ ⵜⴻⵖⵙⴻⵔⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ. ⴰⵣⴰⵍ ⵏ ⵍⴻⵄⵇⵓⴷⴰⵜ-ⴰ ⵢⴻⵡⵡⴻⴹ ⵖⴻⵔ 2,6 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ.

ⵜⴰⵙⴻⵏⴼⴻⵍⵜ ⵢⴻⵜⵜⵡⴰⵣⴻⴷⵖⴻⵏ ⵏ ⴷⵔⴰⴳⵧⵏ ⴰⴷ ⵜⴻⵜⵜⵡⴰⵣⴻⵏ ⵖⴻⵔ ⵜⴻⵖⵙⴻⵔⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵜⴳⴰⵔⴰ ⵏ 2017 ⴰⴽⴽⴻⵏ ⴰⴷ ⵜⵜ-ⵄⴻⵔⴹⴻⵏ ⵎⴰ ⵜⴻⵣⵎⴻⵔ ⴰⴷ ⵜⴻⵙⵙⵉⵡⴻⴹ ⵉⵎⴷⴰⵏⴻⵏ.