ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵛⵉⵔⵉ ⵓⵔⴱⵉⵃ ⵏ ⵜⵎⴻⵥⴷⵉⵜ ⵜⴰⵎⴻⵣⵡⴰⵔⵓⵜ ⵏ ⵙⵧⵢⵧⵓⵣ ⵙⴻⴳ ⵓⵣⴰⴷⵓⵔ ⴰⵎⴰⵢⵏⵓ ⵏ ⵓⵛⵉⵔⵉ ⵏ ⵠⵧⵙⵜⵧⵜⵛⵀⵏⵢ

ⵠⵧⵙⵜⵧⵜⵛⵀⵏⵢ (ⵔⵓⵙⵢⴰ) – ⵜⴻⵇⵍⴻⵄ ⵜⵎⴻⵥⴷⵉⵜ (ⵚⴰⵔⵓⵅ) ⵏ ⵙⵧⵢⵧⵓⵣ 2.1 ⵡⴰⵔ ⵓⴳⵓⵔⴻⵏ, ⴰⵙⵙ ⵏ ⵍⴻⵅⵎⵉⵙ ⵜⴰⵚⴻⴱⵃⵜ, ⵙⴻⴳ ⵓⵣⴰⴷⵓⵔ ⵏ ⵓⵛⵉⵔⵉ (ⵇⴰⵄⵉⴷⴰⵜ ⵉⵟⵍⴰⵇ) ⵏ ⵠⵧⵙⵜⵧⵜⵛⵀⵏⵢ. ⴷ ⵡⴰ ⴰⵢ ⴷ ⴰⵛⵉⵔⵉ ⵓⵔⴱⵉⵃ ⴰⵎⴻⵣⵡⴰⵔⵓ ⵙⴻⴳ ⵓⵣⴰⴷⵓⵔ-ⴰ, ⵢⴻⵔⵏⵓ ⵉⵙⵡⵉ ⵏ ⵜⵎⴻⵥⴷⵉⵜ-ⴰ ⵏ ⵙⵧⵢⵧⵓⵣ ⴷ ⴰⵙⵙⴻⵔⵙⵉ ⵏ 3 ⵏ ⵢⵉⴳⴻⵏⵙⴰⵜⴻⵏ ⵓⵙⵙⵏⴰⵏⴻⵏ ⴷⴻⴳ ⵜⴰⵍⵍⵓⵏⵜ.

« ⴰⵛⵉⵔⵉ ⵏ ⵜⵎⴻⵥⴷⵉⵜ-ⵏⵏⵉ ⵢⴻⵍⵍⴰ-ⴷ ⵙ ⵔⵔⴱⴻⵃ » ⴷⴻⴳ ⵡⴰⴽⵓⴷ-ⵏⵏⵉ ⴰⵢ ⵢⴻⵜⵜⵡⴰⵙⵙⴻⴼⵔⴰⵏ, ⵖⴻⴼ ⵜⵉⵙ 11:01 ⵏ ⵜⵚⴻⴱⵃⵉⵜ (ⵜⵉⵙ 2:01 ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵜⴰⵍⵍⵓⵏⴰⵏⵜ (ⵡⴰⴽⴰⵍⴰ ⴼⴰⴹⴰ’ⵉⵢⵢⴰ) ⵜⴰⵔⵓⵙⵉⵜ ⵏ ⵔⵧⵙⴽⵧⵙⵎⵧⵙ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

ⵜⵉⵔⴻⴳⵡⴰ ⵜⵉⵔⵓⵙⵉⵢⵉⵏ ⵏ ⵜⵍⵉⵥⵔⵉ ⵙⵙⴻⴽⵏⴻⵏⵜ-ⴷ ⵜⵉⵎⴻⵥⴷⵉⵜ-ⵏⵏⵉ ⵎⵉ ⵜⴻⵇⵍⴻⵄ ⴷⴻⴳ ⵢⵉⴳⴻⵏⵏⵉ ⵢⴻⵚⴼⴰⵏ.

ⵏⴰⵇⴰⵍ ⵙⵙⴻⴼⵔⴰⵏ ⴰⴷ ⴰⵛⵉⵔⴻⵏ ⵜⵉⵎⴻⵥⴷⵉⵜ-ⴰ ⴰⵙⵙ ⵏ ⵍⴰⵕⴻⴱⵄⴰ ⵜⴰⵚⴻⴱⵃⵉⵜ ⴷⴻⴳ ⵡⴰⴽⵓⴷ-ⵏⵏⵉ, ⵎⴰⵛⴰ ⵢⴻⵜⵜⵡⴰⵡⴻⵅⵅⴻⵔ. ⵜⵉⵎⴻⵥⴷⵉⵜ-ⴰ ⵜⴻⵜⵜⵡⴰⵛⵉⵔ ⵙ ⵡⴻⵃⴷⴰⵕ ⵏ ⵓⵙⴻⵍⵡⴰⵢ ⵠⵍⴰⴷⵉⵎⵉⵔ ⵒⵓⵜⵉⵏ.

ⴰⵙⴻⵍⵡⴰⵢ ⵒⵓⵜⵉⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵛⵛⵉⵍ ⵏ ⵡⴰⴽⴽ ⵍⴻⵅⵚⴰⵔⴰⵜ ⴰⵢ ⴷ-ⵢⴻⵍⵍⴰⵏ, ⵔⵓⵙⵢⴰ ⵜⴻⵜⵜⵖⵉⵎⵉ-ⴷ ⴷ ⵏⴻⵜⵜⴰⵜ ⴰⵢ ⴷ ⵜⴰⵏⴻⵣⵎⴰⵔⵜ ⵜⴰⵏⴻⵖⵎⴰⵔⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴹⴰⵏ (ⵄⴰⴷⴰⴷ) ⵏ ⵜⵎⴻⵥⴷⵉⵢⵉⵏ ⵢⴻⵜⵜⵡⴰⵛⵉⵔⴻⵏ ⵖⴻⵔ ⵜⴰⵍⵍⵓⵏⵜ.

ⴰⵣⴰⴷⵓⵔ ⵏ ⵓⵛⵉⵔⵉ ⵏ ⵠⵧⵍⵧⵜⵛⵀⵏⵢ ⵢⴻⵜⵜⵡⴻⴱⵏⴰ ⴰⴽⴽⴻⵏ ⴰⴷ ⴷ-ⵢⴻⵅⵍⴻⴼ ⴰⵣⴰⴷⵓⵔ ⵏ ⴱⴰⵉⴽⵧⵏⵧⵓⵔ ⵢⴻⵍⵍⴰⵏ ⴷⴻⴳ ⴽⴰⵣⴰⵅⴻⵙⵜⴰⵏ. ⴰⵏⴻⴳⴳⴰⵔⵓ-ⴰ ⵜⴻⴽⵔⴰ-ⵜ ⵔⵓⵙⵢⴰ ⵙ 115 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⵉ ⵓⵙⴻⴳⴳⴰⵙ ⵙⴻⴳ ⵡⴰⵙⵎⵉ ⴰⵢ ⵜⴻⵖⵍⵉ ⵜⴷⵓⴽⵍⵉ ⵜⴰⵙⵓⵠⵢⴰⵜⵉⵜ ⴰⴽⴽⴻⵏ ⴰⴷ ⵜⴻⵛⵛⵉⵔ ⵙⴻⴳ-ⵙ ⵜⵉⵎⴻⵥⴷⵉⵜ-ⵏⵏⴻⵙ ⵏ ⵙⵧⵢⵧⵓⵣ, ⵢⴻⵔⵏⵓ ⴷ ⵜⵉⵎⴻⵥⴷⵉⵜ-ⴰ ⴰⵢ ⵢⵓⵖⴰⵍⴻⵏ ⴷ ⵜⵜⴰⵡⵉⵍ ⴰⵡⵃⵉⴷ ⵉ ⵓⵙⵙⵉⵡⴻⴹ ⵏ ⵢⴻⵎⴷⴰⵏⴻⵏ ⵖⴻⵔ ⵜⴻⵖⵙⴻⵔⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ.