ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵊⵎⵉⵍⵜ ⵏ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⵉ ⵜⵏⴰⵥⵓⵔⵜ-ⵜⴰⵎⴻⴽⵍⴰⵜ ⵏⴰⵊⵡⴰ ⵙⴰⵔⴰⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵔⵔⴰ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵇⵚⴻⵔ ⵏ ⵢⴻⴷⵍⴻⵙ, ⵜⴰⵊⵎⵉⵍⵜ ⵉ ⵜⵏⴰⵥⵓⵔⵜ-ⵜⴰⵎⴻⴽⵍⴰⵜ ⵏⴰⵊⵡⴰ ⵙⴰⵔⴰⴰ ⵙ ⵡⴻⵃⴷⴰⵕ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵢⴻⴷⵍⴻⵙ ⴷ ⵜⵥⵓⵔⵉ.
ⵉ ⵡⴻⵙⵎⴻⴽⵜⵉ, ⵏⴰⵊⵡⴰ ⵙⴰⵔⴰⴰ ⵜⴻⴹⴹⴻⴼ-ⴷ ⴰⵔⵔⴰⵣ ⴷⴻⴳ ⵜⴼⴰⵙⴽⴰ ⵜⴰⵄⵕⴰⴱⵜ ⵜⵉⵙ ⵙⵏⴰⵜ ⵏ ⵜⵥⵓⵔⵉⵢⵉⵏ ⵜⵉⵎⵙⴰⵍⴰⵏⵉⵏ ⴷⴻⴳ ⴷⵓⴱⴰⵉ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ) ⴷⴻⴳ ⵡⴻⵎⴱⴻⵔ ⵏ 2015.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⴰⵊⵎⵉⵍⵜ ⵉ ⵜⵏⴰⵥⵓⵔⵜ-ⴰ ⴷ ⴰⵙⵏⴻⵎⵎⴻⵔ (ⵛⵓⴽⵔ) ⵖⴻⴼ ⵜⴻⴳⵣⵉ-ⵏⵏⴻⵙ (ⴷⴰⴽⴰ’) ⴷ ⵕⵕⵓⵃ-ⵏⵏⴻⵙ ⵏ ⵡⴻⵙⵏⵓⵍⴼⵓ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵊⵎⵉⵍⵜ-ⴰ ⴷ ⵜⵉⴳⴰⵡⵜ ⵜⴰⵎⴻⵥⵢⴰⵏⵜ ⵉ ⵜⵏⴰⵥⵓⵔⵜ-ⴰ ⴰⵢ ⵢⵓⴽⵍⴰⵍⴻⵏ ⵓⴳⴰⵔ ⵖⴻⴼ ⵜⵎⵓⵖⵍⵉ-ⵏⵏⴻⵙ ⵜⵓⵥⵥⵉⵍⵜ ⵖⴻⴼ ⵓⵎⴰⴹⴰⵍ.
ⵉⵡⴻⴽⴽⴻⴷ-ⴷ ⴷⴰⵖ ⵎⴰⵙⵙ ⵎⵉⵀⵧⵓⴱⵉ ⴰⵣⴰⵍ ⴰⵢ ⵢⴻⵜⵜⴰⴽⴼ ⵓⵡⴰⵏⴰⴽ (ⴷⴰⵡⵍⴰ) ⵉ ⵜⵥⵓⵔⵉ ⴷ ⵜⵙⴻⴽⵍⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵔⵔⴱⴻⵃ ⵏ ⵢⵉⵅⴻⴷⴷⵉⵎⴻⵏ ⵉⵏⴰⵥⵓⵔⴰⵏⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵡⴻⵣⵖⴰⵔ, ⴳⴰⵔ-ⴰⵙⴻⵏ 3 ⵏ ⵢⵉⵙⵓⵔⴰ ⵉⴷⵣⴰⵢⵔⵉⵢⴻⵏ ⴰⵢ ⴷ-ⵉⵔⴻⴱⵃⴻⵏ ⴰⵔⵔⴰⵣⴻⵏ ⴷⴻⴳ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵙⵙⵉⵏⵉⵎⴰ ⵏ ⵎⵧⵏⵜⵔⴻⴰⵍ (ⴽⴰⵏⴰⴷⴰ).
ⵎⴰ ⴷ ⵏⴰⵊⵡⴰ ⵙⴰⵏⴰⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⵜⴰⵊⵎⵉⵍⵜ-ⴰ ⴰⴷ ⵜⵜ-ⵜⴻⵙⵙⴻⴱⵖⴻⵙ ⴰⴽⴽⴻⵏ ⴰⴷ ⴷ-ⵜⴻⴼⴽ ⵓⴳⴰⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⴷⴰⵖ ⵜⵉⵖⵔⵉ ⵉ ⵓⵄⴰⵡⴻⵏ ⵏ ⵢⵉⵏⴰⵥⵓⵔⴻⵏ ⵉⵎⴻⵥⵢⴰⵏⴻⵏ.
ⵜⴰⵏⴰⵥⵓⵔⵜ-ⴰ, ⴰⵢ ⵉⵣⴻⴷⵖⴻⵏ ⴷⴻⴳ ⵙⴹⵉⴼ, ⵜⴻⵍⵍⴰ ⴷ ⵜⴰⵙⴻⵍⵎⴰⴷⵜ ⵏ ⵜⴰⵏⴳⵍⵉⵣⵉⵜ, ⵙⴰⴽⴽⵉⵏ ⵜⴻⴱⴷⴰ-ⴷ ⴰⵎⴻⵛⵡⴰⵕ-ⵏⵏⴻⵙ ⴷⴻⴳ ⵜⵥⵓⵔⵉⵢⵉⵏ ⵜⵉⵎⵙⴰⵍⴰⵏⵉⵏ ⴰⵢⴷⴻⴳ ⵜⴻⵙⵙⵓⴷⴷⴻⵙ ⴰⵛⵃⴰⵍ ⵏ ⵜⵣⵉⴽⴽⵏⵉⵏ ⴷⴻⴳ ⵍⴻⵣⵣⴰⵢⴻⵔ, ⵜⵓⵏⴻⵙ, ⵎⴻⵕⵕⵓⴽ ⴷ ⴼⵕⴰⵏⵙⴰ.
