ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⴰⵜⴻⵏⵜ ⴷⴻⴳ ⵜⵇⴰⵛⵓⵛⵜ ⴷⴻⴳ ⵓⵍⴻⵇⵇⴻⵎ ⵏ ⵜⴻⴳⵥⴰⵍ

ⵜⴰⴱⴰⵜⴻⵏⵜ – ⵢⴻⵏⵏⴰ-ⴷ ⵡⴻⵒⵕⵓⴼⵉⵙⵓⵔ ⵀⵧⵛⵉⵏⴻ ⵛⵀⴰⵧⵓⵛⵀⴻ, ⵉⵖⴻⴼ ⵏ ⵓⵎⴻⵥⵍⵓ ⵏ ⵓⵛⴻⵍⵍⴻⵃ ⵏ ⵢⴻⴷⵎⴰⵔⴻⵏ ⴷⴻⴳ ⵡⴻⵙⴱⵉⵟⴰⵔ ⵏ ⵎⵓⵙⵜⴰⵒⵀⴰ ⴱⴰⵛⵀⴰ (ⵍⴻⵣⵣⴰⵢⴻⵔ), ⴷⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵜⴱⴰⵜⴻⵏⵜ ⴰⵜⵜⴰⵏ ⴷⴻⴳ ⵜⵇⴰⵛⵓⵛⵜ ⴷⴻⴳ ⵓⵍⴻⵇⵇⴻⵎ ⵏ ⵜⴻⴳⵥⴰⵍ.

ⵉⵎⵙⵓⵊⵊⵉⵢⴻⵏ ⵉⵍⴻⵎⵥⵉⵢⴻⵏ ⵏ ⵡⴻⵙⴱⵉⵟⴰⵔ ⵏ ⵜⴱⴰⵜⴻⵏⵜ ⵙⵙⴰⵡⴹⴻⵏ ⴰⴷ ⵍⴻⵇⵇⵎⴻⵏ 50 ⵏ ⵜⴻⴳⵥⴰⵍ ⵉ ⵢⵉⵎⵓⴹⵉⵏⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵡⴰⵛⵃⴰⵍ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵢⴻⵔⵏⵓ ⵍⴰ ⵙⵙⴻⴼⵔⴰⵢⴻⵏ ⴰⴷ ⵔⵏⵓⵏ ⴰⴷ ⴳⴻⵏ ⴳⴰⵔ 65 ⴷ 70 ⵏ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵏ ⵓⵍⴻⵇⵇⴻⵎ ⴰⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵒⵕⵓⴼⵉⵙⵓⵔ ⵛⵀⴰⵧⵓⵛⵀⴻ ⵎⵉ ⵢⴻⴱⴷⴰ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵏ ⵡⴻⵡⵔⴰⵙ ⵡⵉⵙ 5 ⵉ ⵓⵍⴻⵇⵇⴻⵎ ⵏ ⵜⴻⴳⵥⴰⵍ.

ⵢⴻⵏⵏⴰ-ⴷ ⴷⴰⵖ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵢⴰⵍ ⴰⵢⵢⵓⵔ, ⵜⵜⵉⵍⵉⵏⵜ-ⴷ ⴳⴰⵔ 5 ⴷ 6 ⵏ ⵜⴻⵎⵀⴰⵍ ⵏ ⵓⵍⴻⵇⵇⴻⵎ ⵏ ⵜⴻⴳⵥⴰⵍ ⴷⴻⴳ ⵡⴻⵙⴱⵉⵟⴰⵔ ⴰⵙⴷⴰⵡⴰⵏ ⵏ ⵜⴱⴰⵜⴻⵏⵜ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⴱⴻⵖⵙⴻⵏ ⵢⴻⵎⵙⵓⵊⵊⵉⵢⴻⵏ ⴷ ⵜⴻⴷⴱⴻⵍⵜ ⵏ ⵡⴻⵙⴱⵉⵟⴰⵔ-ⴰ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵢⴰ.

ⵢⴻⵏⵏⴰ-ⴷ ⵡⴻⵒⵕⵓⴼⵉⵙⵓⵔ ⵛⵀⴰⵧⵓⵛⵀⴻ ⴷⴰⴽⴽⴻⵏ ⵍⴰ ⵢⴻⵜⵜⵡⴰⵍⵉ ⴰⵍⴻⵇⵇⴻⵎ ⵏ ⵜⴻⴳⵥⴰⵍ ⵢⴻⵙⵄⴰ ⴰⵣⴻⴽⴽⴰ ⵢⴻⵍⵀⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⵎⵉⵔ-ⴰ ⵍⵍⴰⵏ 5 ⵏ ⵢⵉⵎⴻⵥⵍⴰ ⵏ ⵓⴷⴰⵡⵉ ⵏ ⵜⴻⴳⵥⴰⵍ ⴰⵢ ⵢⴻⵜⵜⴳⵣⴻⵏ ⵜⵉⵎⵀⴰⵍ ⵏ ⵜⴻⴳⵥⴰⵍ, ⵢⵉⵍⵉ ⴷⴻⴳ 1990, ⵍⴷⵣⴰⵢⴻⵔ ⵜⴻⵍⵍⴰ ⵜⴻⵙⵄⴰ ⴰⵍⴰ ⵙⵉⵏ ⵏ ⵢⵉⵎⴻⵥⵍⴰ ⴰⵢ ⵢⴻⵜⵜⴳⴻⵏ ⴰⵢⴰ.

ⵎⴰ ⴷ ⵉⵖⴻⴼ ⵏ ⵓⵎⴻⵥⵍⵓ ⵏ ⵜⴻⵙⵏⴰⵊⵢⴰ (ⵟⵉⴱⴱ) ⵏ ⵜⴻⴳⵥⴰⵍ ⵏ ⵡⴻⵙⴱⵉⵟⴰⵔ ⵏ ⵜⴱⴰⵜⴻⵏⵜ, ⴰⴷⵓⴽⵜⵓⵔ ⴰⵀⵎⴻⴷ ⴱⵧⵓⴽⴰⵔⵧⵓⵔⴰ, ⵢⴻⵏⵏⴰ-ⴰⵖ-ⴷ ⴷⴰⴽⴽⴻⵏ ⵡⵉⴷ ⵉⵅⴻⴷⴷⵎⴻⵏ ⴷⴻⴳ ⵓⵎⴻⵥⵍⵓ-ⴰ ⵍⴰ ⵜⵜⵏⴰⴷⵉⵏ ⴰⴷ ⵙⵄⵓⵏ ⵓⴳⴰⵔ ⵏ ⵜⵜⴻⵊⵕⵉⴱⴰ ⴷⴻⴳ ⵓⵍⴻⵇⵇⴻⵎ ⵏ ⵜⴻⴳⵥⴰⵍ, ⵢⴻⵔⵏⵓ « ⵙⴻⴳ ⵎⴰⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⴰⵙⴰⵡⴻⵏ », ⴰⴷ ⵓⵖⴰⵍⴻⵏⵜ ⵜⴻⴳⵥⴰⵍ ⵣⴻⵎⵔⴻⵏⵜ ⴰⴷ ⴷ-ⵜⵜⵡⴰⴽⴽⵙⴻⵏⵜ ⵙⴻⴳ ⵢⵉⵎⵓⴹⵉⵏⴻⵏ ⵉⵎⵚⴻⴷⴷⵇⴻⵏ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵏ ⵜⵎⴻⵜⵜⴰⵏⵜ ⵏ ⵡⴰⵍⵍⴰⵖ.