ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴷⵓⴽⴽⴻⵍ ⵏ ⵡⴰⵟⴰⵙ ⵏ ⵜⴻⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ ⴷ ⵓⴱⴻⴷⴷⴻⵍ ⵏ ⵢⵉⵥⵓⵢⴰⵔ ⵏ ⵜⵉⵢⴰⴹ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 8 ⵏ ⵜⴻⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ (ⵛⴰⵔⵉⴽⴰⵜ ⵄⵓⵎⵓⵎⵉⵢⵢⴰ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴰⵢ ⵢⴻⵜⵜⵡⴰⵙⴷⵓⴽⴽⵍⴻⵏ ⴷⴻⴳ 4 ⵏ ⵜⴻⵕⵎⵉⵙⵉⵏ, ⵎⴰ ⴷ 3 ⵏ ⵜⴻⵕⵎⵉⵙⵉⵏ ⵏⵉⴹⴻⵏ ⴱⴻⴷⴷⵍⴻⵏ-ⴰⵙⴻⵏⵜ ⵉⵥⵓⵢⴰⵔ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵍⵀⵓ ⵓⵙⵙⴻⴼⵔⴻⴽ ⵏ ⵓⵚⴻⵔⵔⴻⴼ-ⵏⵙⴻⵏⵜ ⵏ ⵢⴻⴷⵔⵉⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵜⴻⵙⵎⵉⵍⵜ ⵜⴰⴷⴰⵎⵙⴰⵏⵜ ⴷ ⵜⴻⴷⵔⵉⵎⴰⵏⵜ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.

ⵙ ⵡⴰⵢⴰ, ⵜⴰⵕⵎⵉⵙⵜ ⵏ ⵓⵙⵙⴻⴼⵔⴻⴽ ⵏ ⵡⵓⵍⵣⵓⵣ ⵏ ⵓⵊⴻⵎⵎⴰⵍ ⵜⴻⵜⵜⵡⴰⵙⴷⵓⴽⴽⴻⵍ ⴷ ⵜⴻⵕⵎⵉⵙⵜ ⵏ ⵓⵙⵙⴻⴼⵔⴻⴽ ⵏ ⵜⵏⴻⵖⵔⴰⵙ (ⵎⴰⵙⴰⵍⵉⵅ). ⵜⴰⵕⵎⵉⵙⵜ ⵏ ⵡⴻⵙⵎⴰⵍ ⴷ ⵓⵃⵓⴷⴷⵓ ⵏ ⵢⵉⵔⵉ ⵏ ⵢⵉⵍⴻⵍ ⵜⴻⵜⵜⵡⴰⵙⴷⵓⴽⴽⴻⵍ ⴷ ⵜⴻⵕⵎⵉⵙⵜ ⵏ ⵡⵓⵖⵓⵙ ⴰⵎⴷⵉⵏⴰⵏ ⵏ ⵍⴻⵣⵣⴰⵢⴻⵔ, ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ-ⴰ ⴰⵢ ⴷ-ⵉⵇⴻⴷⴷⴻⵎ ⵓⵏⴻⵎⵀⴰⵍ ⵏ ⵜⴻⴷⴱⴻⵍⵜ ⴷ ⵡⴻⵙⵡⴰⴹ ⵏ ⵓⵙⵙⴻⴼⵔⴻⴽ ⴷ ⵜⵙⴻⵏⵙⴻⵍⴽⵉⵎⵜ, ⴱⵧⵓⵙⵙⵧⵓⴰⵍⵉⵎ ⴰⴱⴷⴻⵔⵔⴰⵀⵎⴰⵏⴻ, ⵉ ⵡⵓⴼⵔⵉⵏⴻⵏ ⵏ ⵡⴻⴳⵔⴰⵡ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴰⴳⵏⵓⵜ ⵏ ⵡⴻⴳⵔⴰⵡ-ⴰ.

ⴰⵙⴷⵓⴽⴽⴻⵍ-ⴰ ⵉⵃⵓⵣⴰ ⴷⴰⵖ ⴰⴷⵉⵡⴰⵏ ⵏ ⵓⵀⴻⵢⵢⵉ ⵏ ⵍⵃⴰⵎⵎⴰ (ⵃⵓⵙⵉⵏ ⴷⴰⵢ) ⴰⵢ ⵢⴻⵜⵜⵡⴰⵙⴷⵓⴽⴽⵍⴻⵏ ⴷ ⵜⵏⴻⴳⴳⴰ ⵏ ⵓⵀⴻⵢⵢⵉ ⴷ ⵡⴻⵙⵖⵉⵡⴻⵙ ⴰⵎⴷⵉⵏⴰⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ. ⵎⴰ ⴷ ⴰⵎⴻⵥⵍⵓ ⵏ ⵜⴰⵍⵍⴰⵍⵜ ⵜⴰⵙⵏⴰⵊⵢⴰⵏⵜ ⵏ ⵜⵓⵄⵊⵉⵍⵉⵏ (ⵙⴰⵎⵓ ⴰⵏⵎⴻⵜⵜⵉ) ⵢⴻⵜⵜⵡⴰⵙⴷⵓⴽⴽⴻⵍ ⴷ ⵜⵏⴰⵔⵉⵜ ⵏ ⵜⴰⵍⵍⴰⵍⵜ ⵜⴰⵏⵎⴻⵜⵜⵉⵜ ⵏ ⵍⴻⵣⵣⴰⵢⴻⵔ (ⴱⴰⵙⵎⴰ).

ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ-ⴰ, ⴰⵙⴷⵓⴽⴽⴻⵍ-ⴰ ⵓⵔ ⴷ-ⵉⴳⴻⵍⵍⵓ ⵙ ⵍⴰⵜⴻⵕ ⵏ ⴷⵉⵔⵉ ⵖⴻⴼ ⵢⵉⵅⴻⴷⴷⴰⵎⴻⵏ ⵏ ⵜⴻⵕⵎⵉⵙⵉⵏ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵕⵎⵉⵙⵉⵏ ⵓⵎⵉ ⵜⵜⵡⴰⴱⴻⴷⴷⵍⴻⵏ ⵢⵉⵥⵓⵢⴰⵔ, ⵜⴰⵎⴻⵣⵡⴰⵔⵓⵜ ⴷ ⵜⴰⵕⵎⵉⵙⵜ ⵏ ⵓⵙⵙⴻⴼⵔⴻⴽ ⵏ ⵡⵓⵔⵜⵉ ⵏ ⵜⴻⵔⵎⵉⵜⵉⵏ ⵏ ⵍⵃⴰⵎⵎⴰ ⵢⴻⵍⵍⴰⵏ ⴷ ⵜⴰⵕⵎⵉⵙⵜ ⵜⴰⴷⴻⴱⵍⴰⵏⵜ, ⵎⴰⵛⴰ ⴰⴷ ⵜⵓⵖⴰⵍ ⴷ ⵜⴰⵕⵎⵉⵙⵜ ⵜⴰⵎⴳⵓⵔⴰⵏⵜ-ⵜⴰⵎⵙⴻⵏⵣⵓⵜ (ⵚⵉⵏⴰⵄⵉⵢⵢⴰ-ⵜⵉⴵⴰⵔⵉⵢⵢⴰ), ⵎⴰ ⴷ ⵜⵉⵕⵎⵉⵙⵉⵏ ⵏⵉⴹⴻⵏ ⴰⴷ ⵉⴱⴻⴷⴷⵍⴻⵏ ⴷ ⵏⴻⵜⵛⵧⵎ ⴷ ⴻⵅⵜⵔⴰⵏⴻⵜ.