ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⴳⴻⵏ ⵏ ⵛⴻⵔⵛⴰⵍ: « ⵏⴻⵣⵎⴻⵔ ⴰⴷ ⵏⴻⵙⵙⵉⴷⵔⴻⵎ ⴰⵙⴻⵏⴼⴰⵔ-ⴰ ⵡⴰⵔ ⵉⴷⵔⵉⵎⴻⵏ ⵏ ⵍⵅⴻⵣⵏⴰ » (ⴰⵏⴻⵖⵍⴰⴼ)
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵓⵙⴰⴳⴻⵏ (ⵎⵉⵏⴰ’) ⵏ ⵛⴻⵔⵛⴰⵍ (ⴷⴻⴳ ⵜⵉⵒⴰⵣⴰ) ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⵙⵉⴷⵔⴻⵎ ⵡⴰⵔ ⵍⴻⵎⵄⴰⵡⵏⴰ ⵏ ⵍⵅⴻⵣⵏⴰ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ).
« ⵏⴻⵣⵎⴻⵔ ⴰⴷ ⵏⴻⵙⵙⵉⴷⵔⴻⵎ ⴰⵙⴻⵏⴼⴰⵔ ⵏ ⵓⵙⴰⴳⴻⵏ ⴰⴷ ⵢⴻⵜⵜⵡⴻⴱⵏⵓⵏ ⴷⴻⴳ ⵛⴻⵔⵛⴰⵍ ⵡⴰⵔ ⵎⴰ ⵏⴻⵜⵜⴽⴻⵍ ⵖⴻⴼ ⵍⵅⴻⵣⵏⴰ ⵜⴰⵏⴰⴳⴷⵓⴷⵜ, ⴰⵛⴽⵓ ⵡⴰ ⴷ ⴰⵔⵎⵓⴷ ⴰⵔⴰⵔⴰⵢ (ⵏⴰⵛⴰⵟ ⵎⵓⵔⴱⵉⵃ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵡⴻⵔⴽⴰⴷ ⴷ ⵡⴻⵙⵏⴻⴼⵍⵉ ⴳⴰⵔ ⵜⴻⴷⴱⴻⵍⵜ ⵏ ⵢⵉⵙⵓⴳⴰⵏ ⵏ ⵍⴻⵣⵣⴰⵢⴻⵔ ⴷ ⵜⴼⵉⴷⵉⵕⴰⵍⵉⵜ ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⵓⴳⴰⵏ ⵢⴻⵇⵇⵏⴻⵏ ⵖⴻⵔ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ.
ⵢⴻⵔⵏⴰ-ⴷ ⵎⴰⵙⵙ ⴱⵧⵓⴷⵊⴻⵎⴰⴰ ⵜⴰⵍⴰⵉ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⴱⴷⵓ ⴰⵖⴻⵍⵍⴻⵜ ⵏ ⵓⵙⴰⴳⴻⵏ-ⴰ ⴷⴻⴳ 2021, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴷ ⵡⴰ ⴰⴷ ⵢⵓⵖⴰⵍⴻⵏ ⴷ ⴰⵙⴰⴳⴻⵏ ⴰⵎⴻⵇⵔⴰⵏ ⴰⴽⴽ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵅⴻⴱⴱⴻⵔ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⴰ ⴷ-ⵢⴻⵜⵜⵡⴰⵀⴻⵢⵢⴰⵢ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⴰⵎⴰⵢⵏⵓ ⵏ ⵢⵉⵙⵓⴳⴰⵏ ⵉ ⵍⵎⴻⵏⴷ ⵏ ⵓⵙⵙⵉⴷⴻⴼ ⵏ ⵜⴻⴷⵔⵉⵎⵜ ⴷ ⵡⴻⵙⵏⵓⵍⴼⵓ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ. « ⵉⵙⵓⴳⴰⵏ ⵜⵜⵡⴰⵙⵙⵓⴷⴷⵓⵙⴻⵏ ⵉ ⵍⵎⴻⵏⴷ ⵏ ⵓⵙⵙⵉⴼⵙⴻⵙ ⵏ ⵓⵙⵙⵉⴵⴻⵡ (ⵜⴰⵚⴷⵉⵔ) ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵓⴽⴰⵜⴰⵔ ⵏ ⵡⴻⵙⵏⴻⴼⵍⵉ ⵏ ⵜⴷⴰⵎⵙⴰ ⵢⴻⵅⴹⴰⵏ ⵜⵉⵎⴻⵔⵖⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⴷ-ⵜⴻⴳ « ⵉⴳⵏⵉⵔⴻⵏ ⵉⵣⴻⴳⵣⴰⵡⴻⵏ » ⵉ ⵓⵙⵙⵉⴵⴻⵡ ⵏ ⵙⵙⴻⵍⵄⴰ ⴷ ⵓⵙⵙⵉⴼⵙⴻⵙ-ⵏⵏⴻⵙ.
