ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ ⵜⵍⴻⴳⴳⵉⵎⵜ: ⴷ ⵉⵍⴻⴳⴳⴰⵎⴻⵏ ⵏ ⵜⴻⵖⵍⴰⵎⵜ ⵜⴰⵙⴻⵔⴷⴰⵙⴰⵏⵜ ⴰⵢ ⴷ-ⵢⴻⴼⵔⵓⵔⵉⵏ

ⵍⴻⴱⵍⵉⴷⴰ – ⴷ ⵉⵍⴻⴳⴳⴰⵎⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⵙⴻⵔⴷⴰⵙⴰⵏⵜ ⵏ ⵜⵍⴻⴳⴳⵉⵎⵜ ⴰⵢ ⴷ-ⵢⴻⴼⵔⵓⵔⵉⵏ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⴷⴻⴳ ⵡⴻⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ ⵜⵍⴻⴳⴳⵉⵎⵜ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵣⴻⵇⵇⴰ ⵏ ⴱⴰⴰⵣⵉⵣ ⴷⴻⴳ ⵍⴻⴱⵍⵉⴷⴰ.

ⵜⴰⵖⵍⴰⵎⵜ ⵜⴰⵙⴻⵔⴷⴰⵙⴰⵏⵜ ⵜⴻⴹⵎⴻⵏ-ⴷ ⴰⵜⵜⴻⴽⴽⵉ ⵏ ⵇⵔⵉⴱ ⴰⴽⴽ ⵉⵍⴻⴳⴳⴰⵎⴻⵏ-ⵏⵏⴻⵙ ⴷⴻⴳ ⵜⵏⴻⴳⴳⴰⵔⵓⵜ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵍⴻⵜⵏⵉⵢⴻⵏ, ⵍⴰⴷⵖⴰ ⵙⵧⵍⵜⴰⵏⵉ ⵎⵧⵀⴰⵎⴻⴷ (49 ⵏ ⵢⵉⴽⵉⵍⵓⴳⵕⴰⵎⴻⵏ), ⴰⴳⴳⴰⵔ ⵛⵀⴻⵔⵉⴼ (75 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⴱⵧⵓⴳⵀⴻⵔⴰⵔⴰ ⵎⴰⴱⵔⵧⵓⴽ (91 ⵏ ⵢⵉⴽⵉⵍⵓⴳⵕⴰⵎⴻⵏ) ⴰⵢ ⵉⵄⴻⴷⴷⴰⵏ ⴰⴽⴽ ⵖⴻⵔ ⵜⵏⴻⴳⴳⴰⵔⵓⵜ.

ⵉⵎⴻⵏⵖⵉⵢⴻⵏ ⵏⵉⴹⴻⵏ ⴷ ⵡⵉⴷ ⵉⴼⵓⴽⴻⵏ ⵙ ⵓⵄⴻⴷⴷⵉ ⵏ ⵓⵍⴻⴳⴳⴰⵎ ⴼⴻⵜⵜⵉⵀ ⵏⴰⴱⵉⵍ (71 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⵍⴻⵎⴷⴻⵢⵢⴰ, ⴱⴻⴽⴽⵉ ⵏⴰⵛⴻⵔ (49 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⵍⴻⴱⵍⵉⴷⴰ, ⵎⵧⵓⵔⴰⴷ ⴰⴱⴷⴻⵍⵀⴰⴷⵉ (65 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⵡⴻⵀⵕⴰⵏ, ⴽⴻⵏⵏⵧⵓⵛⵀⴻ (56 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵏⵙⴰⵉⴷ ⵏⴰⵛⴻⵔⵔⴻⴷⵉⵏⴻ (64 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⴱⵓⵎⴻⵔⴷⴰⵙ, ⵛⵀⴰⵧⵓⵛⵀⴻ ⴼⴰⵢⵛⴰⵍ (64 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⵓⵃⵓⴷⴷⵓ ⴰⵖⴰⵔⵉⵎ ⴷ ⴳⵧⵓⵎⴻⵣⵉⴰⵏⴻ ⵔⴰⴼⵉⴽ (75 ⵏ ⵢⵉⴽⵉⵍⵓⴳⵕⴰⵎⴻⵏ) ⵏ ⴱⴳⴰⵢⴻⵜ.

ⴰⵃⴷⴰⵕ ⴰⵎⴻⵇⵔⴰⵏ ⵏ ⵍⵖⴰⵛⵉ ⴷⴻⴳ ⵜⵣⴻⵇⵇⴰ ⵏ ⴱⴰⴰⵣⵉⵣ ⴷ ⴰⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴰⵍⵉ ⵏ ⵡⴻⵙⵡⵉⵔ ⵏ ⵜⴻⵎⵙⵉⵣⵡⴻⵔⵜ-ⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵜⵡⵉⵍⴰⵏ (ⵜⵉⵇⵏⵉ) ⵎⵧⵓⵔⴰⴷ ⵎⴻⵣⵉⴰⵏⴻ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵏⴻⴳⴳⵓⵔⴰ-ⴰ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⴷ ⵜⴰⴳⵏⵉⵜ ⵉ ⵢⵉⵍⴻⴳⴳⴰⵎⴻⵏ-ⴰ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⴰⵙⵡⵉⵔ-ⵏⵙⴻⵏ ⴰⵜⵡⵉⵍⴰⵏ.

« ⵉⵎⴻⵏⵖⵉⵢⴻⵏ ⵏ ⵜⵏⴻⴳⴳⴰⵔⵓⵜ ⴰⴷ ⴷ-ⵉⵍⵉⵏ ⵙ ⵡⴻⵙⵡⴻⵔ ⵢⴻⵍⵀⴰⵏ ⵓⴳⴰⵔ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⵏⵡⴰⵍⴰ ⴰⵏⵏⴻⵔⵏⵉ ⵏ ⵡⴻⵙⵡⵉⵔ ⵙⴻⴳⵎⵉ ⴰⵢ ⴷ-ⵜⴻⴱⴷⴰ ⵜⴻⵎⵙⵉⵣⵡⴻⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⵔⴻⵎ ⴰⴷ ⴷ-ⵢⴰⵙ ⵡⵓⴳⴰⵔ ⵏ ⵍⵖⴰⵛⵉ ⴷⴻⴳ ⵡⴰⵙⵙ-ⴰ ⴰⵏⴻⴳⴳⴰⵔⵓ ⵏ ⵜⴻⵎⵙⵉⵣⵡⴻⵔⵜ.