ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ ⵢⴻⵔⵏⴰ ⵙ 3 ⵏ ⵜⵉⴽⴽⴰⵍ ⴷⴻⴳ ⴼⵕⴰⵏⵙⴰ (ⴰⵕⴰⴱⵓⵍ)

ⵒⴰⵔⵉⵙ – ⵢⴻⵔⵏⴰ ⵡⴻⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ ⴷⴻⴳ ⴼⵕⴰⵏⵙⴰ ⵙ 3 ⵏ ⵜⵉⴽⴽⴰⵍ ⴷⴻⴳ 2015, ⵍⴰⴷⵖⴰ ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵜⵉⵔⴻⵎⵎⴰⵖⵉⵏ (ⵉⵔⵀⴰⴱⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⴻⵏⵏⴰⵢⴻⵔ ⴷ ⵡⴻⵎⴱⴻⵔ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵛⵉⵡⴻⵕ ⵖⴻⴼ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.

ⴷⴻⴳ 2014, ⵍⵍⴰⵏ-ⴷ 133 ⵏ ⵍⴻⵛⵖⴰⵍ ⵏ ⵡⴻⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ, ⵙⴰⴽⴽⵉⵏ ⵡⵡⴹⴻⵏ ⵖⴻⵔ 429 ⴷⴻⴳ 2015. ⵙ ⵡⴰⵢⴰ, ⵔⵏⴰⵏ ⵍⴻⵛⵖⴰⵍ-ⴰ ⵙ 223%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ ⴰⵙⴻⴳⵙⴰⵏ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵜⴻⵎⵙⵉⵔⵉⵜ (ⵄⵓⵏⵚⵓⵔⵉⵢⵢⴰ), ⵜⴰⵎⴳⴻⵍⵙⴰⵎⵉⵜ (ⵎⵓⵄⴰⴷⴰⵜ ⵍⵉ-ⵙⵙⴰⵎⵉⵢⵢⴰ) ⴷ ⵡⴻⴽⵕⴰⵀ ⵏ ⵢⵉⴱⴻⵕⵕⴰⵏⵉⵢⴻⵏ. ⵢⴻⵏⵏⴰ-ⴷ ⴷⴰⵖ ⵓⵕⴰⴱⵓⵍ-ⴰ ⴷⴰⴽⴽⴻⵏ ⵍⴻⵛⵖⴰⵍ ⵉⵎⴳⴻⵍⵙⴰⵎⵉⵢⴻⵏ ⵓⵖⴰⵍⴻⵏ ⵖⴻⵔ ⴷⴻⴼⴼⵉⵔ ⵙ 5,1% (ⵙⴻⴳ 851 ⵖⴻⵔ 808), ⵎⴰ ⴷ ⵍⴻⵛⵖⴰⵍ ⵉⵎⵙⵉⵔⵉⵢⴻⵏ ⵔⵏⴰⵏ ⵙ 17,5% (ⵙⴻⴳ 678 ⴷⴻⴳ 2014 ⵖⴻⵔ 797 ⴷⴻⴳ 2015).

ⵜⴰⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵛⵉⵡⴻⵕ ⵖⴻⴼ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵍⴻⵛⵖⴰⵍ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵜⴻⵎⵙⵉⵔⵉⵜ, ⵜⴰⵎⴳⴻⵍⵙⴰⵎⵉⵜ ⴷ ⵡⴻⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ ⵔⵏⴰⵏ ⵙ 22,4% ⵙ ⵓⵊⴻⵎⵎⴰⵍ. ⵙ ⵡⴰⵢⴰ, ⴷⴻⴳ 2014, ⵍⵍⴰⵏ 1.662 ⵏ ⵍⴻⵛⵖⴰⵍ ⵏ ⵚⵚⴻⵏⴼ-ⴰ, ⵎⴰ ⴷⴻⴳ 2015, ⵡⵡⴹⴻⵏ ⵖⴻⵔ 2.034, ⵢⴻⵔⵏⵓ ⵢⴻⵏⵏⴰ-ⴷ ⵓⵕⴰⴱⵓⵍ-ⴰ ⴷⴰⴽⴽⴻⵏ ⵡⴻⵔⴵⵉⵏ ⵡⵡⴹⴻⵏ ⵍⴻⵛⵖⴰⵍ-ⴰ ⵖⴻⵔ ⵜⵇⴰⵛⵓⵛⵜ-ⴰ.

ⵜⴻⵔⵏⴰ-ⴷ ⴷⴰⵖ ⵜⵙⴻⵇⵇⴰⵎⵓⵜ-ⴰ ⴷⴰⴽⴽⴻⵏ ⵙⵉⵎⴰⵍ ⵍⴰ ⵜⴻⵜⵜⵏⴻⵔⵏⵉ ⵜⴻⵔⵏⴻⴳⴳⴰ (ⵉⵏⵃⵉⵔⴰⴼ) ⵜⴰⵎⵙⵉⵔⵉⵜ.

ⴷⴻⴳ 2015, ⵢⴻⵍⵍⴰ-ⴷ ⵡⴰⵢⴰ ⵙ ⵓⵙⵙⴻⵅⵚⴻⵔ ⵏ ⵢⵉⵎⵓⴽⴰⵏ ⵏ ⵡⴻⵄⴱⴰⴷ (1.000 ⵙⴻⴳ 2.500 ⵏ ⵢⵉⵎⵓⴽⴰⵏ ⵏ ⵡⴻⵄⴱⴰⴷ ⴰⵢ ⵢⴻⵃⵔⴻⵣ ⵓⵡⴰⵏⴰⴽ), ⵢⴻⵔⵏⵓ ⴰⵙⵙⴻⴼⵙⴻⴷ-ⴰ ⵢⴻⵜⵜⵉⵍⵉ-ⴷ ⵙ ⵜⵉⵔⴰⵡⵜ ⵙ ⵙⵙⴱⵉⵖⴰ ⴷⴻⴳ ⵢⵉⵖⴻⵔⴱⴰⵏ ⵏ ⵢⵉⵎⵓⴽⴰⵏ-ⴰ, ⴰⵙⵙⴻⵔⵙⵉ ⵏ ⵢⵉⵥⴻⵎⴰⵏ ⵏ ⵢⵉⵍⴼⴰⵏ, ⴰⵕⵊⴰⵎ ⵙ ⵜⵇⴻⵔⵄⵓⵏⵉⵏ ⵏ ⵜⵎⴻⵙ ⴷ ⵓⵙⵙⴻⵔⵖⵉ-ⵏⵙⴻⵏ.

ⵢⵉⵡⴻⵜ ⵙⴻⴳ ⵜⴻⴷⵢⴰⵏⵉⵏ-ⴰ ⴷ ⴰⵙⵙⴻⵔⵖⵉ, ⴰⵙⵙ ⵏ ⵙⵙⴻⴱⵜ, ⵏ ⵢⵉⵡⴻⵜ ⵏ ⵜⵣⴻⵇⵇⴰ ⵏ ⵜⵥⴰⵍⵍⵉⵜ ⴷⴻⴳ ⴰⵊⴰⵛⵛⵉⵧ (ⵛⵧⵔⵙⵉⵛⴰ), ⴽⵔⴰ ⴽⴰⵏ ⵏ ⵡⴰⵢⵢⵓⵔⴻⵏ ⴷⴻⴼⴼⵉⵔ ⵎⴰ ⵜⴻⵜⵜⵡⴰⵙⵙⴻⴼⵙⴻⴷ ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⴷⴻⴳ ⵜⴻⵎⴷⵉⵏⵜ-ⴰ.