ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⵎⴰⴳⴻⵔ ⴰⵎⴰⵜⵓ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⵢⴻⴼⴽⴰ ⴰⵔⵔⴰⵣ ⵓⵣⵣⵉⴳ ⵉ ⵓⵏⴰⴱⴰⴹ ⴰⴷⵣⴰⵢⵔⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵢⴻⵄⵣⴻⵎ ⵡⴻⵏⵎⴰⴳⴻⵔ ⴰⵎⴰⵜⵓ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⴰⴷ ⵢⴻⴼⴽ ⴰⵔⵔⴰⵣ ⵓⵣⵣⵉⴳ (ⵅⴰⵚⵚ) ⵉ ⵓⵏⴰⴱⴰⴹ (ⵃⵓⴽⵓⵎⴰ) ⴰⴷⵣⴰⵢⵔⵉ.
ⴰⵔⵔⴰⵣ-ⴰ ⴰⴷ ⵢⴻⵜⵜⵓⵏⴻⴼⴽ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵄⴻⵎⵎⴰⵏ (ⵍⵓⵕⴷⵓⵏ) ⵉ ⵓⵏⴰⴱⴰⴹ ⴰⴷⵣⴰⵢⵔⵉ, ⵢⴻⵔⵏⵓ ⴷ ⵜⴰⵏⴻⵖⵍⴰⴼⵜ ⵏ ⵜⴻⵎⵙⴻⵍⵜⵍⴻⵍⵜ ⵜⴰⵖⴻⵍⵏⴰⵡⵜ, ⵎⴰⵙⵙⴰ ⵎⵧⵓⵏⵉⴰ ⵎⴻⵙⵍⴻⵎ, ⴰⴷ ⵉⴽⴻⵍⵍⴻⴼ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⴽⴽⴻⵏ ⴰⴷ ⵜ-ⵉⴷ-ⵜⴻⴹⴹⴻⴼ.
«ⵜⵓⴽⵛⵉ ⵏ ⵡⴰⵔⵔⴰⵣ-ⴰ ⵉ ⵍⴻⵣⵣⴰⵢⴻⵔ ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵊⵎⵉⵍⵜ ⴰⵢ ⵔⵔⴰⵏⵜ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵏ ⵡⴻⵏⵎⴰⴳⴻⵔ-ⴰ ⵉ ⵢⵉⵙⵓⵔⵉⴼⴻⵏ ⴰⵢ ⵜⴳⴰ ⵜⵎⵓⵔⵜ-ⵏⵏⴻⵖ ⵖⴻⵔ ⵙⴷⴰⵜ ⴷⴻⴳ ⵡⴻⵙⴼⵓⵍⵎⴻⵏ (ⵉⵙⵜⵉⵇⵍⴰⵍⵉⵢⵢⴰ) ⵏ ⵜⵎⴻⵟⵟⵓⵜ ⴷⴻⴳ ⵡⴰⴽⴽ ⵉⵏⵓⵔⴰⵔ, ⴰⵎⴰ ⴷ ⵜⴰⵙⴻⵔⵜⵉⵜ ⵏⴻⵖ ⴷ ⵜⴰⴷⴰⵎⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⵏ ⵡⴻⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ.
ⵜⵉⵎⵍⵉⵍⵉⵢⵉⵏ ⵏ ⵡⴻⵏⵎⴰⴳⴻⵔ-ⴰ « ⴰⴷ ⴷ-ⵍⵀⵓⵏⵜ ⵙ ⵓⵙⴻⵏⵜⴻⵍ ⵏ ‘ⵜⵉⵙⴻⴷⵏⴰⵏ ⴷⴻⴳ ⵜⵙⴻⵔⵜⵉⵜ, ⴰⴼⴰⵔⴰ (ⵜⴰⵇⴰⴷⴷⵓⵎ) ⴰⵔⵓⵔⴰⴷ’, ⵢⴻⵔⵏⵓ ⴰⴷ ⴷ-ⵢⵉⵍⵉ ⴷⴻⴳ-ⵙⴻⵏⵜ ⵓⵡⴻⴽⴽⴻⴷ ⵖⴻⴼ ⴷⴷⵓⵕ ⵏ ⵜⵎⴻⵟⵟⵓⵜ ⵜⴰⵡⴰⵎⵏⵉⵜ ⴷⴻⴳ ⵡⴰⵀⵉⵍⴻⵏ ⵉⴳⵔⴰⵖⵍⴰⵏⴻⵏ ⴷ ⵜⴻⵎⵙⴰⵍ ⵜⵉⵎⵉⵔⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ (ⴱⴰⵢⴰⵏ).
ⴰⵏⵎⴰⴳⴻⵔ ⴰⵎⴰⵜⵓ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⵢⴻⵍⵍⴰ-ⴷ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⵎⵏⴰⴹⵜ ⵏ ⵡⴻⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ.
ⴰⵏⵎⴰⴳⴻⵔ-ⴰ ⴷ ⵍⵍⵙⴰⵙ ⵏ ⵓⵅⴻⴷⴷⵉⵎ ⴷ ⵡⴻⵎⵛⵉⵡⴻⵕ ⴰⵙⴻⵔⵜⴰⵏ ⵢⴻⵔⵏⵓ ⵢⴻⵜⵜⵉⵍⵉ-ⴷ ⵢⴰⵍ ⴰⵙⴻⴳⴳⴰⵙ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴰⵔ ⴰⵎⵏⴰⴹⴰⵏ ⵓⵎⵉ ⵙⴻⵎⵎⴰⵏ « ⴰⵙⵙⴻⵊⵀⴻⴷ ⵏ ⵡⴻⵙⴼⵓⵍⵎⴻⵏ ⵏ ⵜⵎⴻⵟⵟⵓⵜ ⴷⴻⴳ ⵢⴻⵎⵏⴰⵏ ⴷ ⵓⵜⵜⴻⴽⴽⵉ-ⵏⵏⴻⵙ ⴰⵙⴻⵔⵜⴰⵏ ».
