ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⴼⴰⵔ ⵏ ⵓⵙⴰⵏⴰⵢ ⴰⵖⴻⵍⵏⴰⵡ ⵎⴳⴰⵍ ⵜⵉⴹⴹⵓⵔⴼⴰ ⵏ ⴷⴷⵉⵏ ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⴰⵟⴰⵙ ⵏ ⵢⴻⵃⵔⵉⵛⴻⵏ (ⴰⵏⴻⵖⵍⴰⴼ)
ⵄⵉⵏ ⴷⴷⴻⴼⵍⴰ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵄⵉⵏ ⴷⴷⴻⴼⵍⴰ, ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵓⵙⴰⵏⴰⵢ (ⵎⴰⵔⵚⴰⴷ) ⴰⵖⴻⵍⵏⴰⵡ ⵎⴳⴰⵍ ⵜⵉⴹⴹⵓⵔⴼⴰ ⵏ ⴷⴷⵉⵏ ⵓⵔ ⵢⴻⵙⵙⴻⴼⴽ ⴰⴷ ⵢⴻⵔⵣⵓ ⴽⴰⵏ ⴰⵖⵍⵉⴼ-ⵏⵏⴻⵙ, ⵡⴰⵏⴰⴳ ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⴰⵟⴰⵙ ⵏ ⵢⴻⵃⵔⵉⵛⴻⵏ ⵏⵉⴹⴻⵏ.
« ⴰⵏⵏⴼⴰⵍ ⵙⴻⴳ ⵜⵙⴻⵎⵔⴻⵙⵜ ⵏ ⴷⴷⵉⵏ ⵓⵔ ⴷ-ⵢⴻⵜⵜⴱⴰⵏ ⴰⵍⴰ ⴷⴻⴳ ⵜⵎⴻⵙⴳⵉⴷⵉⵡⵉⵏ, ⵎⴰⵛⴰ ⵢⴻⵍⵍⴰ ⵓⵍⴰ ⴷⴻⴳ ⵜⵉⴷⴷⵓⴽⵍⵉⵡⵉⵏ », ⵉⵖⴻⵔⴱⴰⵣⴻⵏ ⴷ ⵢⴻⵖⵙⵓⵔⴻⵏ (ⵎⵓ’ⴰⵙⵙⴰⵙⴰⵜ) ⵏ ⵢⵉⵍⴻⵎⵥⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵉⵃⵓⵣⴰ ⵡⴰⵢⴰ ⴰⵃⵔⵉⵛ ⵏ ⵓⵙⵙⴻⵍⵖⵓ (ⵉⵄⵍⴰⵎ), ⴳⴰⵔ-ⴰⵙⴻⵏ ⵓⵍⴰ ⴷ ⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵉⵙⵙⴰ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵍⵉⵍⵉⵜ ⵖⴻⴼ ⵍⵎⴻⴷⵀⴻⴱ ⴰⵎⴰⴽⵉⴽⵉ ⴰⵢ ⵢⴻⴱⴷⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵄⵉⵏ ⴷⴷⴻⴼⵍⴰ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⴰⵜⴰⵏ ⴷⴻⴳ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵓⵏⴰⴱⴰⴹ, ⵢⴻⵔⵏⵓ ⵇⴻⴱⵍⴻⵏ-ⵜ ⵢⴰⴳⵉ ⴰⵛⵃⴰⵍ ⵏ ⵢⵉⵏⴻⵖⵍⴰⴼⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴽⵔⴰ ⵏ ⵢⴻⵖⵍⵉⴼⴻⵏ ⵙⵙⴰⵔⵎⴻⵏ ⵍⴻⵎⵎⴻⵔ ⴰⴷ ⵢⵉⵍⵉ ⵓⵙⴻⵏⴼⴰⵔ-ⴰ ⴷⴷⴰⵡ ⵍⴻⵄⵏⴰⵢⴰ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ.
« ⵍⵉⵙⵍⴰⵎ, ⵙⴻⴳ ⵡⴰⴽⴽⴻⵏ ⵢⴻⵛⴱⴻⵃ ⴰⵔⵎⵉ ⵓⵍⴰ ⴷ ⵡⵉⴷ ⵓⵔ ⵢⴻⵍⵍⵉⵏ ⴷ ⵉⵏⵙⴻⵍⵎⴻⵏ ⴹⴻⴼⵔⴻⵏ-ⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵉⵙⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴰⵢⴻⵏ ⴰⵢ ⴷ-ⵢⴻⵙⵏⵓⵍⴼⴰⵏ ⵜⵉⵙⵍⴰⵎⵓⴼⵓⴱⵉⵜ ⴷ ⴰⵏⵏⴼⴰⵍ ⴰⵢ ⵏⵏⴻⴼⵍⴻⵏ ⴽⵔⴰ ⵏ ⵢⵉⵏⵙⴻⵍⵎⴻⵏ ⵙⴻⴳ ⵡⴻⴱⵔⵉⴷ ⵏ ⵍⴻⵇⵔⴰⵏ ⴷ ⵡⴰⵡⴰⵍ ⵏ ⵓⵎⴰⵣⵓⵏ (ⵜⴰⵥⴰⵍⵍⵉⵜ ⴷ ⵙⵙⵍⴰⵎ ⵏ ⵕⴻⴱⴱⵉ ⴼⴻⵍⵍ-ⴰⵙ).
« ⴰⵙⴰⵏⴰⵢ ⴰⵖⴻⵍⵏⴰⵡ ⵎⴳⴰⵍ ⵜⵉⴹⴹⵓⵔⴼⴰ ⵏ ⴷⴷⵉⵏ, ⵓⵔ ⵢⴻⵍⵍⵉ ⵛⵛⴻⴽ ⵏⴻⵃⵡⴰⵊ-ⵉⵜ ⵉⵎⵉ ⴰⵢ ⵢⴻⵙⵄⴰ ⴷⴷⵓⵕ ⴰⴷ ⵢⵓⵔⴰⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⴰⴽⴽ ⵍⴻⵚⵏⴰⴼ ⵏ ⵡⴻⵏⵏⴼⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵉⵙⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵍⴷⵣⴰⵢⴻⵔ ⴰⴷ ⵜⵓⵖⴰⵍ ⴷ ⵜⴰⵎⵓⵔⵜ ⵜⴰⵄⵕⴰⴱⵜ ⵜⴰⵎⴻⵣⵡⴰⵔⵓⵜ ⴰⴷ ⵢⴻⵙⵄⵓⵏ ⴰⵙⴰⵏⴰⵢ ⴰⵎ ⵡⴰ ⵢⴻⵔⵏⵓ ⴰⵢⴰ ⴷ ⵜⴰⵖⴰⵡⵙⴰ ⴰⵢⵢⴻⵙ ⴰⴷ ⵜⵣⵓⵅⵅ ⵜⵎⵓⵔⵜ.
