ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ ⴳⴰⵔ 6 ⴷ 7 ⵎⴰⵢⵓ ⴷⴻⴳ ⵡⴻⵀⵕⴰⵏ

ⵡⴻⵀⵕⴰⵏ – ⵜⴰⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ (ⴰⴷⴷⴰⵢⴻⵏ, ⵉⵇⵛⵉⵛⴻⵏ) ⴰⴷ ⴷ-ⵜⵉⵍⵉ ⵓⵙⵙⴰⵏ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⵙⵙⴰⵏⵢⴰ (ⵡⴻⵀⵕⴰⵏ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⵎⵖⵓⵏⵜ (ⵔⴰⴱⵉⵟⴰ) ⴷ-ⵢⴻⵍⵀⴰⵏ ⴷ ⵓⵙⵙⵓⴷⴷⴻⵙ-ⵏⵏⴻⵙ (ⵜⴰⵏⴹⵉⵎ).

ⴰⵎⵙⵉⵣⵡⴻⵔ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴰⵢ ⴷ-ⵜⴻⵙⵙⵓⴷⴷⴻⵙ ⵜⴻⵎⵖⵓⵏⵜ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ ⵏ ⵡⴻⵀⵕⴰⵏ ⵙ ⵡⴻⵎⵄⴰⵡⴻⵏ ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ ⵉⵛⴻⵔⴽⴻⵏ ⴷ ⵜⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵡⴻⵀⵕⴰⵏ, ⴰⴷ ⴷ-ⵎⵍⵉⵍⴻⵏ ⴷⴻⴳ-ⵙ 220 ⵏ ⵢⵉⵏⴰⴷⴷⴰⵍⴻⵏ ⵉⵎⴻⵥⵢⴰⵏⴻⵏ ⵏ ⵜⵉⵖⵉⵍⵜ ⵜⵉⵍⴻⵍⵍⵉⵜ ⴷ ⵜⵉⵖⵉⵍⵜ ⵜⴰⴳⵔⵉⴳⵉⵜ-ⵜⴰⵕⵓⵎⴰⵏⵉⵜ ⵙⴻⴳ 13 ⵏ ⵜⴻⵎⵖⵓⵏⵉⵏ ⵏ ⵜⵡⵉⵍⴰⵢⵜ, ⵢⴻⵔⵏⵓ ⵉⵏⴰⴷⴷⴰⵍⴻⵏ-ⴰ ⵙⴻⴳ ⵡⵉⴷ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵜⵡⵉⵍⴰⵢⵉⵏ-ⵏⵙⴻⵏ.

ⵜⵉⵎⵖⵓⵏⵉⵏ ⴰⴷ ⵢⴻⵜⵜⴻⴽⴽⵉⵏ ⴷ ⵜⵉⴷ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵄⴻⵏⵏⴰⴱⴰ, ⵟⵟⴰⵔⴻⴼ, ⵙⴽⵉⴽⴷⴰ, ⵍⴱⵓⵕⵊ ⴱⵓⵄⵕⵉⵕⵉⵊ, ⵙⴹⵉⴼ, ⵜⵓⴱⵉⵔⴻⵜ, ⴱⴳⴰⵢⴻⵜ, ⵜⵉⵒⴰⵣⴰ, ⵍⴻⴱⵍⵉⴷⴰ, ⵛⵛⵍⴻⴼ, ⵎⴻⵙⵜⵖⴰⵏⴻⵎ ⴷ ⵡⴻⵀⵕⴰⵏ.

ⴰⵙⵙ ⴰⵎⴻⵣⵡⴰⵔⵓ ⵏ ⵡⴻⵎⵙⵉⵣⵡⴻⵔ-ⴰ ⴰⴷ ⴷ-ⵢⵉⵍⵉ ⵉ 5 ⵏ ⵍⵎⵉⵣⴰⵏⴰⵜ ⵢⴻⵎⴳⴻⵔⵔⴰⴷⴻⵏ, ⵎⴰ ⴷ ⴰⵙⵙ ⵡⵉⵙ ⵙⵉⵏ ⴷ ⵡⵉⵏ ⴰⵢⴷⴻⴳ ⴰⴷ ⴷ-ⴰⴷⴼⴻⵏ 5 ⵏ ⵍⵎⵉⵣⴰⵏⴰⵜ ⵏⵉⴹⴻⵏ.