ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴰⵣⵉⵖⵜ, ⴷ ⵢⵉⵡⴻⵏ ⵡⴰⵍⵍⴰⵍ ⵏ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ

ⵜⵉⵣⵉ ⵓⵣⵣⵓ – ⴰⵙⵎⴻⵏⴹⴻⵡ ⵏ ⵜⵎⴰⵣⵉⵖⵜ ⴰⴽⴽⴻⴷ ⵓⵙⴻⵏⴼⴰⵔ ⵏ ⵓⵙⵎⴰⵜⵓ ⵏ ⵓⵙⴻⵍⵎⴻⴷ-ⵉⵙ ⴷⴻⴳ ⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⵢⴻⵙⵙⴻⴼⴽ ⴰⴷ ⵢⴰⵡⵉ ⴰⵃⴰⵔⴻⴱ ⴰⴽⴽⴻⴷ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵉⵣⵉ ⵓⵣⵣⵓ ⵓⵎⴵⴰⵀⴻⴷ ⵙⵉ ⵧⵓⴰⵍⵉ ⴰïⵜ ⴰⵀⵎⴻⴷ.

ⵢⴻⵎⵀⴻⵍ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵜⴻⴷⵢⴰⵏⵉⵏ ⵏ 8 ⵎⴰⵢⵓ 1945 ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵎⵓⵍⵓⴷ ⴰⵜ ⵎⵄⴻⵎⵎⴻⵔ, ⵢⴻⵏⵏⴰ-ⴷ ⵓⴼⴻⵙⵢⴰⵏ ⴰⵇⴱⵓⵔ ⵏ ⵜⵔⴻⴷⵙⴰ ⵏ ⵓⵙⵍⴻⵍⵍⵉ ⵜⴰⵖⴻⵍⵏⴰⵡⵜ (ⴰⵍⵏ) ⴷⴰⴽⴽⴻⵏ ⵜⴰⵎⴰⵣⵉⵖⵜ ⴷ ⵜⵓⵜⵍⴰⵢⵜ ⵏ ⵓⵖⵔⴻⴼ ⴰⴽⴽ, ⴰⵙⵜⴻⵄⵔⴻⴼ ⵢⴻⵙ-ⵙ ’’ⴷ ⵜⵉⵔⵉⵔⵉⵜ ⵏ ⵢⵉⵡⴻⵏ ⵏ ⵍⵡⴻⵔⵜ ⵓⵛⵔⵉⴽ ⵏ ⵢⵉⵣⵣⴰⵢⵔⵉⵢⴻⵏ ⴰⴽⴽ’’.

ⴰⵖⵔⴻⴼ ⴰⵣⵣⴰⵢⵔⵉ ⵢⴻⵣⴳⴰ ⵉⵍⴻⵃⵃⵓ ⴷⴻⴳ ⵓⴽⴰⵜⴰⵔ ⵏ ⵜⴷⵓⴽⵍⵉ ⵏ ⵢⵉⴷⵓⵔⵔⴰⵏ-ⵉⵙ, ⴷⵖⴰ ⵙⴻⴳ ⴷ-ⵜⴻⴹⵔⴰ ⵜⴰⵍⵓⴼⵜ-ⵏⵏⵉ ⵏ 8 ⵎⴰⵢⵓ 1945, ⴷ ⴰⵢⴰ ⵉ ⵜ-ⵢⴻⵙⵙⴰⵡⴹⴻⵏ ⴰⴷ ⴷ-ⵢⴰⵡⵉ ⴰⵣⴰⵔⵓⴳ-ⵉⵙ ⴰⴽⴽⴻⴷ ⵜⵓⵟⵟⴼⴰ ⴳⴰⵔ ⵉⴼⴰⵙⵙⴻⵏ-ⵉⵙ ⵏ ⵜⵏⴰⵢⴰ-ⵙ, ⵉ ⴷⴻ-ⵢⴻⵏⵏⴰ.

ⵜⴻⵙⵏⴻⴱⴳⵉ-ⵜ-ⵉⴷ ⵜⵉⴷⴷⵓⴽⵍⴰ ⵏ ⵜⵡⵉⵍⴰⵢⵜ ⵏ ⵢⵉⴳⴻⵔⴷⴰⵏ ⵏ ⵢⵉⵎⴵⵓⵀⴰⴷ, ⵢⴻⵣⵣⵉⵔⴻⴳ-ⴷ ⴰïⵜ ⴰⵀⵎⴻⴷ ⴷⴰⴽⴽⴻⵏ ⵉⵣⵣⴰⵢⵔⵉⵢⴻⵏ ⴱⴷⴰⵏ ⴳⴻⵣⵣⵉⵏ ⵜⵉⵎⵙⴰⵍ ⴰⵍⵎⴻⵏⴷ ‘’ⵏ ⵓⵎⴰⵀⵉⵍ ⵙ ⵜⴻⴷⵔⵓⵜ ⵉ ⵎⵎⴰⵀⵍⴻⵏ ⵢⵉⵎⴻⵖⵏⴰⵙⴻⵏ ⵏ ⵓⴽⴰⴱⴰⵔ ⵏ ⵓⵖⵔⴻⴼ ⴰⵣⵣⴰⵢⵔⵉ (ⵒⵒⴰ) ⵉ ⴷ-ⵉⵍⵓⵍⴻⵏ ⴷⴻⴳ ⵓⵙⴻⴳⴳⴰⵙ ⵏ 1937 ⵉ ⵢⴻⵍⵍⴰⵏ ⵉⵜⴻⵥⵥⵓ ⵜⵉⴽⵜⵉⵡⵉⵏ ⵏ ⵓⵣⴰⵔⵓⴳ’’.