ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⵏ ⴱⵧⵓⵜⴻⴼⵍⵉⴽⴰ ⵢⴻⵙⵏⴻⵎⵎⴻⵔ ⵎⴰⵙ ⵧⵓⵢⴰⵀⵉⴰ ⴰⵍⵎⴻⵏⴷ ⵏ ⵡⴻⴼⵔⴰⵏ-ⵉⵏⴻⵙ ⴷ ⴰⵎⴰⵔⴰⵢ ⴰⵎⴰⵜⵓ ⵏ ⵔⵏⴷ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵓⵔⴰ ⵉⵣⴻⵏ ⵓⵙⵏⴻⵎⵎⴻⵔ ⵉ ⵎⴰⵙ ⴰⵀⵎⴻⴷ ⵧⵓⵢⴰⵀⵉⴰ, ⴰⵍⵎⴻⵏⴷ ⵏ ⵡⴻⴼⵔⴰⵏ-ⵉⵏⴻⵙ ⴰⵙⵙ ⵏ ⵍⴰⵅⵎⵉⵙ, ⴷ ⴰⵎⴰⵔⴰⵢ ⴰⵎⴰⵜⵓ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⵔⵏⴷ).
"ⴹⴻⴼⴼⵕⴻⵖ ⴰⴽⴽⴻⵏ ⵉⵡⴰⵜⴰ ⴰⴼⵔⴰⵏ-ⵉⵏⴻⴽ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜⵜ ⴷⴻⴳ ⴷ-ⵜⵓⴼⵔⴰⵔ ⵜⵓⴳⴷⵓⵜ ⴰⴽⴽⴻⵏ ⴰⴷ ⵜⵉⵍⵉⴹ ⵖⴻⴼ ⵢⵉⵅⴻⴼ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⵔⵏⴷ), ⴰⴽⴰⴱⴰⵔ-ⴰⴳⵉ ⵢⴻⵍⵍⴰⵏ ⵢⴻⵣⴳⴰ ⵢⴻⵜⵜⴱⴻⴷⴷⴰ ⵙ ⵜⴻⴽⵜⵉⵡⵉⵏ ⵉⵜⴻⴷⴷⵓⵏ ⴷⵉ ⵜⵉⵔⵏⵉ ⵜⴰⵖⴻⵍⵏⴰⵡⵜ ⵢⴻⵜⵜⵓⴼⴼⵔⴰⵔⴻⵏ ⵙ ⵜⴻⵣⴷⴻⴳ ⴷ ⵍⴰⵄⵇⴻⵍ ⴷ ⵍⵎⴰⵄⵇⵓⵍ, ⴰⵢⴰⴳⵉ ⴰⴽⴽ ⴷⵉ ⵍⴼⴰⵢⴷⵉ ⵜⴰⴼⴻⵔⴷⵉⵜ ⵏ ⵜⵎⵓⵔⵜ ⵉ ⵜⴻⵔⵔⴰⵎ ⵏⵏⵉⴳ-ⵙ ⵏ ⴽⵔⴰ ⵎⴰ ⵢⴻⵍⵍⴰ, ⴷⴻⴳ ⵓⵙⵓⵔⵔⵉⴼ ⵏ ⵡⴰⵀⵉⵍ ⴰⵙⴻⵔⵜⴰⵏ ⴰⵏⵎⴻⵜⵜⴰⵏ ⵢⴻⵜⵜⵡⴰⵍⴻⵇⵇⵎⴻⵏ ⴰⴽⴽ ⴷ ⵍⵡⴰⵇⵜ", ⵉ ⵢⵓⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵢⵉⵣⴻⵏ-ⵉⵏⴻⵙ.
"ⵓⵎⵎⵏⴻⵖ ⴱⴻⵍⵍⵉ ⵜⵉⵎⴰⵖⵏⴰⵙⵉⵏ ⴷ ⵢⵉⵎⴰⵖⵏⴰⵙⴻⵏ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⵔⵏⴷ), ⵢⴻⵜⵜⵡⴰⵙⵙⵏⴻⵏ ⵙ ⵜⴻⵔⵎⵉⵜ ⵜⴰⵎⵓⵇⵇⵕⴰⵏⵜ ⴷⴻⴳ ⵡⴰⵏⵏⴰⵔ ⵏ ⵜⵙⴻⵔⵜⵉⵜ ⴰⴽⴽ ⴷ ⵓⵎⴻⵢⴻⵣ-ⵏⵙⴻⵏ ⵉⵡⴰⵜⴰⵏ, ⴷ ⴰⴽⴽⴻⵏ ⴰⴷ ⴰⴽ-ⴼⴻⵔⵏⴻⵏ ⵖⴻⴼ ⵢⵉⵅⴻⴼ ⵓⴽⴰⴱⴰⵔ-ⵏⵙⴻⵏ, ⴰⵛⴽⵓ ⵓⵎⵎⵏⴻⵏ ⴱⴻⵍⵍⵉ ⵜⵓⴼⵔⴰⵔⵉⵜ-ⴰⴳⵉ-ⵉⵏⴻⴽ ⵜⴰⵎⵓⵇⵇⵕⴰⵏⵜ ⴰⴷ ⵜⵇⴰⴱⴻⵍ ⴰⴽⴽ ⵉⵛⵇⵉⵕⵕⵉⵡⴻⵏ ⵢⴻⵔⴵⴰⵏ ⵜⴰⵎⵓⵔⵜ-ⵏⵏⴻⵖ", ⵉⴽⴻⵎⵎⴻⵍ ⵢⴻⵏⵏⴰ ⵓⵎⵓⵇⵇⵕⴰⵏ ⵏ ⴷⴷⴻⵡⵍⴰ.
