ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵟⴰⵙ ⵏ ⵍⴻⵙⵍⴰⵃ ⴷ ⵍⵄⵓⵍⴰ ⴰⵢ ⴷ-ⵓⴼⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ (ⵜⴰⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴼⴰⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ (ⴵⴰⵢⵛ) ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⴱⵉⵔ-ⴷⵀⴻⵔ, ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⵢⵉⵡⴻⵏ ⵏ ⵓⵙⴻⴳⴼⴻⵔ (ⵎⴰⵅⴱⴰ’) ⴰⵢⴷⴻⴳ ⵍⵍⴰⵏ 131 ⵏ ⵍⴻⵙⵍⴰⵃⴰⵜ ⵏ ⵡⴻⵎⴳⴰⵔⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) ⵢⴻⵔⵏⵓ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵢⴻⵙⵙⴰⵡⴹⴻⵏ ⵖⴻⵔ ⵜⵎⴻⵏⵖⵉⵡⵜ ⵏ 14 ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵡⴰⵢⵢⵓⵔ ⵏ ⵎⴻⵖⵔⴻⵙ ⵏ 2016 ⴷⴻⴳ ⵡⴻⵃⵔⵉⵛ ⴰⵎⴻⵀⵍⴰⵏ ⵏ ⵡⴰⴷ ⵙⵓⴼ/ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4, ⵢⴻⵔⵏⵓ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵜⵖⴰⵔⴰ ⴰⵢⴷⴻⴳ ⴷ-ⵜⴻⵜⵜⵡⴰⵍⵇⴻⴹ ⵢⵉⵡⴻⵜ ⵏ ⵍⵄⵓⵍⴰ ⴷ ⵜⴰⵎⴻⵇⵔⴰⵏⵜ ⵏ ⵍⴻⵙⵍⴰⵃⴰⵜ ⴷ ⵍⵄⵓⵍⴰ ⴰⵙⵙ ⵏ 15 ⵢⴻⴱⵔⵉⵔ 2016, ⵙⵙⴰⵡⴹⴻⵏⵜ ⵜⵙⴻⵏⵙⴰⵔ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵓⴼⴻⵜⵜⴻⵛ ⴷ ⵓⵏⴰⴷⵉ ⴷⴻⴳ ⵜⴻⵎⵏⴰⴹⵜ ⵏ ⴱⵉⵔ-ⴷⵀⴻⵔ, ⵜⴰⵡⵉⵍⴰⵢⵜ ⵏ ⵡⴰⴷ ⵙⵓⴼ, ⴰⴽⴽⴻⵏ ⴰⴷ ⴷ-ⵜⴰⴼ ⴰⵙⴻⴳⴼⴻⵔ ⴰⵢⴷⴻⴳ ⵍⵍⴰⵏ 131 ⵏ ⵍⴻⵙⵍⴰⵃⴰⵜ ⵏ ⵡⴻⵎⴳⴰⵔⵓ ⵏ ⵍⴻⵚⵏⴰⴼ ⵢⴻⵎⴳⴻⵔⵔⴰⴷⴻⵏ, ⵜⴰⵙⵎⴻⴽⵜⴰ ⴷ ⵜⴰⵎⴻⵇⵔⴰⵏⵜ ⵏ ⵍⵄⵓⵍⴰ ⵏ ⵍⴻⵙⵍⴰⵃ ⴷ 14 ⵏ ⵜⵜⴰⵡⵉⵍⴰⵜ ⵏ ⵜⴻⵖⵡⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵙⵍⴰⵃ, ⵍⵍⴰⵏ-ⴷ ⴳⴰⵔ-ⴰⵙ « 3 ⵏ ⵢⵉⵎⵓⵔⵟⵉⵢⴻⵏ ⵏ ⵍⵇⵉⵙ ⵏ 60 ⵏ ⵢⵉⵎⵉⵍⵉⵎⵉⵜⵔⴻⵏ, 2 ⵏ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ ⵏ ⵚⵚⴻⵏⴼ ⵏ ⴼⵎ ⵙ 4 ⵏ ⵢⴻⵎⵔⵓⴷⴻⵏ ⵏ ⵓⴱⴻⴷⴷⴻⵍ, 2 ⵏ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ ⵏ ⵚⵚⴻⵏⴼ ⵏ ⵔⵒⴽ, 4 ⵏ ⵢⴻⵎⵣⴻⵍⵍⵉⵢⴻⵏ ⵏ ⵜⵎⴻⵥⴷⵉⵢⵉⵏ ⵏ ⵚⵚⴻⵏⴼ ⵏ ⵔⵒⴳ-7, 2 ⵏ ⵢⴻⵎⵣⴻⵍⵍⵉⵢⴻⵏ ⵏ ⵜⵎⴻⵥⴷⵉⵢⵉⵏ ⵏ ⵚⵚⴻⵏⴼ ⵏ ⵔⵒⴳ-5, 117 ⵏ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ, 1 ⵏ ⵓⴱⴻⵛⴽⵉⴹ ⵙ ⵜⴰⵙⵉⵜ ⵏ ⵓⵃⴰⴽⴻⵕ, 310 ⵏ ⵢⵉⵙⴻⵞⵞⴰⵕⴻⵏ ⵏ ⵔⵔⵚⴰⵚ ⵏ ⵓⴱⴻⵛⴽⵉⴹ ⵏ ⴽⴰⵍⴰⵛⵀⵏⵉⴽⵧⵠ, 9 ⵏ ⵢⵉⵙⴻⵞⵞⴰⵕⴻⵏ ⵏ ⵔⵔⵚⴰⵚ ⵏ ⵜⵎⵉⵟⵔⴰⵢⵓⵣⵉⵏ ⵏ ⵔⵒⴽ, 51 ⵏ ⵢⵉⵛⴻⴽⴽⴻⵏ ⵏ ⵢⵉⴱⴻⵛⴽⵉⴹⴻⵏ ⵏ ⴽⴰⵍⴰⵛⵀⵏⵉⴽⵧⵠ ⴷ ⵜⵛⵓⵍⵍⵉⴹⵜ ⵢⴻⵙⵄⴰⵏ ⵉⵙⵟⴻⵔⴹⴰⵇⴻⵏ ⵏ ⵜⵔⵉⵙⵉⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵄⵓⵍⴰ ⵏ ⵍⴻⵙⵍⴰⵃ, ⵍⴻⵇⴹⴻⵏ-ⴷ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ « 70 ⵏ ⵍⴱⵓⵎⴱⴰⵜ ⵏ ⵢⵉⵎⵓⵔⵟⵉⵢⴻⵏ ⵏ 60 ⵏ ⵢⵉⵎⵉⵍⵉⵎⵉⵜⵔⴻⵏ, 68 ⵏ ⵜⵕⴻⵎⵎⴰⵏⵉⵏ ⵏ ⵜⵓⵎⵎⵖⴰ ⴷ ⵓⵃⵓⴷⴷⵓ, 125 ⵏ ⵜⵎⴻⵥⴷⵉⵢⵉⵏ ⵏ ⵍⴱⵓⵎⴱⴰⵜ ⵏ ⵢⵉⵎⵓⵔⵟⵉⵢⴻⵏ ⵏ 60 ⵏ ⵢⵉⵎⵉⵍⵉⵎⵉⵜⵔⴻⵏ, 127 ⵏ ⵜⵎⴻⵥⴷⵉⵢⵉⵏ ⵏ ⵔⵒⴳ-7 ⵙ 84 ⵏ ⵜⵜⴻⵄⴱⴻⵢⵢⴰⵜ, 4 ⵏ ⵜⵎⴻⵙⴽⵓⵔⵉⵏ ⵏ ⵓⴳⴰⵜⵓ ⵏ ⵡⴻⵙⵜⴻⵔⴹⴻⵇ ⵏ ⵍⴱⵓⵎⴱⴰⵜ, 6 ⵏ ⵍⵎⵉⵏⴰⵜ ⵏ ⵢⵉⴳⵓⵍⵍⴰ (ⴷⴰⴱⴱⴰⴱⴰⵜ), ⵜⴰⵙⵎⴻⴽⵜⴰ ⵜⴰⵎⴻⵇⵔⴰⵏⵜ ⵏ ⵔⵔⵚⴰⵚ ⵏ ⵍⴻⵇⵢⴰⵙ ⵢⴻⵎⴳⴻⵔⵔⴰⴷⴻⵏ, ⴷ 14 ⵏ ⵜⵜⴰⵡⵉⵍⴰⵜ ⵏ ⵜⴻⵖⵡⴰⵍⵜ ⴷ ⵜⵖⴰⵡⵙⵉⵡⵉⵏ ⵢⴻⵇⵇⵏⴻⵏ ⵖⴻⵔ-ⵙⴻⵏ ».

ⵖⴻⴼ ⵍⴻⵃⵙⴰⴱ ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, « ⵉⴳⵎⴰⴹ-ⴰ ⵙⵙⴽⴰⵏⴰⵢⴻⵏ-ⴷ, ⵜⵉⴽⴽⴻⵍⵜ ⵏⵉⴹⴻⵏ, ⴰⵄⴻⵡⵡⴻⵍ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴷ ⵢⵉⵎⴻⵥⵍⴰ ⵢⴻⵎⴳⴻⵔⵔⴰⴷⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⴽⴽⴻⵏ ⴰⴷ ⵙⵅⴻⵚⵔⴻⵏ ⴰⴽⴽ ⵉⵏⴻⵄⵔⵓⴹⴻⵏ ⵏ ⵡⴻⵣⴳⴰⵔ ⵉ ⵜⵍⵉⵙⴰ ⵜⵉⵖⴻⵍⵏⴰⵡⵉⵏ ⴷ ⵡⴻⵙⵙⵡⴰⵖ ⵏ ⵜⵓⵎⵎⴷⴰ ⵜⴰⴽⴰⵍⴰⵏⵜ ⵜⴰⵖⴻⵍⵏⴰⵡⵜ ».