ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴻⵚⵚⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵉⴽⴰⵜⴰⵔⴻⵏ-ⵏⵏⴻⵙ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⵜⴰⵙⵓⴷⴷⴻⵙⵜ ⵏ ⵡⴻⵖⵍⵉⴼ ⵏ ⵜⴻⵎⴳⵓⵔⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴽⴰ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ, ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵍⴻⵡⵚⴰⵢⴰⵜ ⴷ « ⵜⵓⵖⵜⵉⵙⵉⵏ » (ⵚⴰⵔⵉⵎⴰ) ⵉ ⵢⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ-ⵏⵏⴻⵙ ⴰⴽⴽⴻⵏ ⴰⴷ ⴷⴷⵎⴻⵏ ⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⵉ ⵓⵙⵙⴻⴼⵄⴻⵍ ⵏ ⵜⵙⵓⴷⴷⴻⵙⵜ-ⵏⵏⴻⵙ (ⵉⵙⵜⵔⴰⵜⵉⴵⵉⵢⵢⴰ) ⵏ ⵡⴻⵖⵍⵉⴼ ⴰⴷ ⵢⴻⵔⵔⴻⵏ ⵜⴰⵎⴳⵓⵔⵉ ⴷ ⵜⵉⴳⴻⵊⴷⵉⵜ ⵏ ⵓⵏⴻⵡⵡⴻⵄ ⴰⴷⴰⵎⵙⴰⵏ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷⴰⴽⴽⴻⵏ ⵜⴰⵏⴻⴼⵍⵉⵜ (ⵜⴰⵏⵎⵉⵢⴰ) ⵜⴰⵎⴳⵓⵔⴰⵏⵜ ⵜⴻⴹⴹⴻⴼ ⴰⵎⴽⴰⵏ ⵙ ⵡⴰⵣⴰⵍ-ⵏⵏⴻⵙ ⵢⴻⵔⵏⵓ ⵜⴻⵍⵍⴰ-ⴷ ⴷ ⵜⵓⵣⵡⵉⵔⵜ ⵜⴰⵎⴻⵇⵔⴰⵏⵜ ⴷⴻⴳ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⵉⴳⴰⵡⵜ ⵏ ⵓⵏⴰⴱⴰⴹ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵢⴰ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵏ ⵙⵉⵏ ⵏ ⵡⵓⵙⵙⴰⵏ ⴷ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵡⴻⵖⵍⵉⴼ-ⵏⵏⴻⵙ (ⵉⵏⴻⵎⵀⴰⵍⴻⵏ ⵏ ⵜⵡⵉⵍⴰⵢⵉⵏ ⴷ ⵢⵉⵎⴰⵙⴰⵢⴻⵏ ⵏ ⵡⵓⴷⵓⵙⴻⵏ ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵡⴻⵖⵍⵉⴼ), ⴷ ⴰⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⵉ ⵓⵇⴻⵢⵢⴻⵎ ⵏ ⵢⴻⵔⵎⵓⴷⴻⵏ (ⵏⴰⵛⴰⵟⴰⵜ) ⵏ ⵡⴻⵖⵍⵉⴼ ⴷ ⵓⵀⴻⵢⵢⵉ ⵏ ⵜⴻⵛⵔⴰⵡⵜ ⵜⵓⵎⵎⵉⴷⵜ ⵖⴻⴼ ⵜⴻⴳⵏⵉⵜ ⵏ ⵜⵉⴷⴻⵜ ⴰⵢⴷⴻⴳ ⵢⴻⵍⵍⴰ ⵡⴻⵃⵔⵉⵛ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ ⵉ ⵍⵎⴻⵏⴷ ⵏ ⵡⴻⵏⵊⴰⵕ ⵏ ⵡⴻⴱⵔⵉⴷ ⴰⴷ ⵢⴻⵜⵜⵡⴰⴹⴻⴼⵔⴻⵏ ⵙⴻⴳ-ⴰ ⵖⴻⵔ ⵙⴷⴰⵜ.
« ⵜⴰⵎⵙⴰⵍⵜ ⵜⴻⵔⵣⴰ ⴰⵄⴰⵡⴻⴷ ⵏ ⵓⵙⵙⴻⵎⴳⵓⵔⵉ (ⵜⴰⵚⵏⵉⵄ) ⵏ ⵜⵎⵓⵔⵜ ⵙ ⵜⵉⴷⴷⵉⵜ ⵜⴰⵎⴰⵢⵏⵓⵜ ⴰⴷ ⵢⴻⴵⴵⴻⵏ ⵜⴰⵎⴳⵓⵔⵉ ⵜⴰⵖⴻⵍⵏⴰⵡⵜ ⴰⴷ ⵜⵄⴰⵡⴻⴷ ⴰⴷ ⵜⴻⴹⴹⴻⴼ ⴰⵎⴽⴰⵏ ⵢⴻⵍⵀⴰⵏ ⴰⵢ ⵜⵓⴽⵍⴰⵍ ⴷⴻⴳ ⵜⴷⴰⵎⵙⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵙⴷⵓⵇⵇⴻⵙ ⵏ ⵜⴻⵎⴳⵔⵓⵔⵉ ⵜⴰⵖⴻⵍⵏⴰⵡⵜ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ-ⴰ ⴰⵢⴷⴻⴳ ⴰⵜⵉⴳ ⵏ ⵓⵒⵉⵜⵕⵓⵍ ⵢⴻⵖⵍⵉ ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⴷⴰⵎⵙⴰ ⵏ ⵜⵎⵓⵔⵜ ⵎⴰⵣⴰⵍ-ⵉⵜⵜ ⵜⴻⵜⵜⴽⴻⵍ ⵙ ⵡⴰⵟⴰⵙ ⵖⴻⴼ ⵢⴻⴷⵔⵉⵎⴻⵏ ⵏ ⵓⵒⵉⵜⵕⵓⵍ.
