ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵃⴻⵎⵍⴰ ⵏ "ⵢⵉⵙⵓⴳⴰⵏ ⵉⵥⴻⵔⵡⴰⵍⴻⵏ" ⵜⴻⵍⵍⴰ-ⴷ ⵉ ⵓⵏⴻⵡⵡⴻⵄ ⵏ ⵜⴷⴰⵎⵙⴰ (ⴰⵏⴻⵖⵍⴰⴼ)

ⵜⵉⵒⴰⵣⴰ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵉⵒⴰⵣⴰ, ⴷⴰⴽⴽⴻⵏ ⵜⴰⵥⵔⵉⴳⵜ (ⵟⴰⴱⵄⴰ) ⵜⵉⵙ 4 ⵏ ⵜⵃⴻⵎⵍⴰ ⵏ ⵢⵉⵙⵓⴳⴰⵏ (ⵎⴰⵡⴰⵏⵉ’) ⵉⵥⴻⵔⵡⴰⵍⴻⵏ ⵜⴻⵍⵍⴰ-ⴷ ⵉ ⵓⵜⵜⴻⴽⴽⵉ ⵏ ⵢⵉⵙⵓⴳⴰⵏ ⴷⴻⴳ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵢⴰ ⴷⴻⴳ ⵢⵉⵡⴻⵏ ⵏ ⵡⴻⴳⵏⵉ ⵏ ⵕⵕⴰⴷⵢⵓ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴰⴳⴻⵏ ⵏ ⴳⵓⵔⴰⵢⴰ, ⵢⴻⵔⵏⵓ ⵃⴻⴷⵕⴻⵏ ⴷⴻⴳ-ⵙ ⴷⴰⵖ ⵢⵉⵏⴻⵖⵍⴰⴼⴻⵏ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⴷ ⵓⵎⴻⵙⵏⵉ (ⵏⴰⵇⵍ) ⴷ ⵓⵡⴰⵍⵉ ⵏ ⵜⵉⵒⴰⵣⴰ (ⵎⴰⵙⵙⴰⵡ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ ⴷ ⴰⴱⴷⴻⵍⴽⴰⴷⴻⵔ ⴽⴰⴷⵉ). ⵙ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷⴰⴽⴽⴻⵏ « ⴰⵙⴰⴳⴻⵏ ⴷ ⵜⴰⵍⵍⵓⵏⵜ ⵜⴰⴷⴰⵎⵙⴰⵏⵜ, ⵜⴰⵎⴻⵔⵔⴰⵢⴰⵏⵜ ⴷ ⵜⴻⵎⵙⴻⵏⵣⵉⵜ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵢⵓⵔⴰⵔ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ».

ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⴰⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵏ ⵡⴻⵃⵔⵉⵛ-ⴰ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⵡⴻⵎⴹⴰⵏ (ⵄⴰⴷⴰⴷ) ⵏ ⵢⵉⵙⵓⴳⴰⵏ ⵏ ⵡⴻⴳⵎⴰⵔ ⵖⴻⵔ 47 ⴷⴻⴳ 14 ⵏ ⵜⵡⵉⵍⴰⵢⵉⵏ, ⵢⵉⵍⵉ ⴰⵙⵙ-ⴰ, ⵍⴷⵣⴰⵢⴻⵔ ⵜⴻⵙⵄⴰ ⴰⵍⴰ 32 ⵙⴻⴳ ⵢⵉⵙⵓⴳⴰⵏ-ⴰ, ⴰⵎ ⵡⴰⴽⴽⴻⵏ ⴰⴷ ⴷ-ⵜⵜⵡⴰⵙⴷⵓⵇⵇⵙⴻⵏ 200 ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴷⴻⴳ ⵡⴻⵃⵔⵉⵛ ⵏ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ.

ⵉⵙⵡⵉ ⵏ ⵓⵏⴻⵄⵔⵓⴹ ⵏ ⵢⵉⵏⴻⵖⵍⴰⴼⴻⵏ ⵏ ⵢⴻⵃⵔⵉⵛⴻⵏ ⵏⵉⴹⴻⵏ ⴷⴻⴳ ⵜⵖⵉⵎⵉⵜ-ⴰ ⵏⴻⵜⵜⴰ ⴷ ⴰⵙⵙⴻⴼⵔⵓⵔⵉ ⵏ ⵜⵎⵓⵖⵍⵉ ⵜⵓⵛⵔⵉⴽⵜ.

ⵎⴰ ⴷ ⴰⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵃⵔⵉⵛ-ⵏⵏⴻⵙ ⵢⴻⴱⴳⴻⵙ-ⴷ ⴰⴽⴽⴻⵏ ⴰⴷ ⵢⴻⴱⵏⵓ ⵉⵙⵓⴳⴰⵏ ⵢⴻⵔⵏⵓ ⴰⴷ ⵜⴻⵏ-ⵢⴻⵇⵇⴻⵏ ⵖⴻⵔ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴷ ⵢⴻⴱⵔⵉⴷⴻⵏ ⵏ ⵡⵓⵣⵣⴰⵍ ⴰⴽⴽⴻⵏ ⴰⴷ ⵢⴻⵙⵙⵉⴼⵙⴻⵙ ⵜⵉⴷⴷⵉⵜ ⵏ ⵙⵙⴻⵍⵄⴰ ⵢⴻⵔⵏⵓ ⴰⴷ ⵜⴻⵙⵄⵓ ⵜⵎⵓⵔⵜ ⴰⵥⴻⴹⴹⴰ ⴰⵖⴻⵍⵏⴰⵡ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵜⵜⵡⴰⵏⴻⵡⵡⵄⴻⵏ.

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵧⵓⴰⵍⵉ, ⵢⴻⵙⵙⴻⴼⴽ ⴰⴷ ⵜⴻⵜⵜⵡⴻⴱⵏⵉ ⵜⴷⵓⵎⵚⵓⴽⵜ ⵜⴰⵜⵔⴰⵔⵜ ⴰⴷ ⵢⴻⴷⴷⵓⵏ ⴷ ⵜⴻⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ ⵢⴻⵔⵏⵓ ⴰⴷ ⵜⴻⵜⵜⵇⴰⴷⴰⵔ ⵜⴰⵡⴻⵏⵏⴰⴹⵜ.