ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵟⴰⵙ ⵏ ⵍⵖⴰⵛⵉ ⴰⵢ ⵉⵃⴻⴷⵕⴻⵏ ⴷⴻⴳ ⵜⴼⴰⵙⴽⴰ 1ⵓⵜ ⵏ « ⴱⵓⵏⴷⴰ ⵜⴰⵎⴻⵇⵔⴰⵏⵜ » ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⵊ
ⵍⴱⵓⵕⵊ ⴱⵓⵄⵕⵉⵕⵉⵊ – ⵜⴻⴱⴷⴰ ⵜⴼⴰⵙⴽⴰ ⵜⴰⵏⵖⵉⵡⴰⵏⵜ ⵜⴰⵎⴻⵣⵡⴰⵔⵓⵜ ⵏ ⵢⴻⴷⵍⴻⵙ, ⵏ ⵡⴰⴷⴷⴰⵍ ⴷ ⵜⵎⴻⵔⵔⵉⵜ ⵏ « ⴱⵓⵏⴷⴰ ⵜⴰⵎⴻⵇⵔⴰⵏⵜ » ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵖⵉⵡⴰⵏⵜ ⵏ ⴰⵢⵜ ⴵⴻⵄⴼⴻⵕ (ⴷⴻⴳ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ) ⵙ ⵡⴻⵃⴷⴰⵕ ⵏ ⵡⴰⵟⴰⵙ ⵏ ⵍⵖⴰⵛⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.
ⵜⴰⴷⵢⴰⵏⵜ-ⴰ ⵜⴰⴷⴻⵍⵙⴰⵏⵜ ⵜⴻⵍⵍⴰ-ⴷ ⴷⴻⴳ ⵜⴻⵎⵏⴰⴹⵜ ⵏ ⴱⵓⵏⴷⴰ ⵜⴰⵎⴻⵇⵔⴰⵏⵜ, ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵏⴰⴷⴷⴰⵍⴻⵏ ⴷ ⵢⵉⵏⴰⵥⵓⵔⴻⵏ ⵙⴻⴳ ⵡⴰⵟⴰⵙ ⵏ ⵜⵉⴷⴷⵓⴽⵍⵉⵡⵉⵏ ⵜⵉⴷⵉⴳⴰⵏⵉⵏ (ⵎⴰⵃⴰⵍⵍⵉⵢⵢⴰ) ⴰⵢ ⵉⵅⴻⴷⴷⵎⴷⴻⵏ ⴷⴻⴳ ⵜⵡⵉⵍⴰⵢⵜ-ⴰ ⵢⴻⵔⵏⵓ ⵓⵙⴰⵏ-ⴷ ⵖⴻⵔ-ⵙ ⴰⵟⴰⵙ ⵏ ⵍⵖⴰⵛⵉ.
ⴰⵟⴰⵙ ⵏ ⵢⴻⵔⵎⵓⴷⴻⵏ (ⵏⴰⵛⴰⵟⴰⵜ) ⵉⴷⴻⵍⵙⴰⵏⴻⵏ, ⵏ ⵡⴰⴷⴷⴰⵍ ⴷ ⵣⵣⵀⵓ ⴰⵢ ⴷ-ⵢⴻⵍⵍⴰⵏ ⴰⵎ ⵢⵉⵡⴻⵏ ⵏ ⵓⵎⴰⵔⴰⵟⵓⵏ ⴰⵢⴷⴻⴳ ⵜⵜⴻⴽⴽⴰⵏ 70 ⵏ ⵢⴻⵎⴷⴰⵏⴻⵏ ⵙⴻⴳ ⵡⴰⴽⴽ ⵍⴻⵄⵎⴰⵕ ⵙⴻⴳ ⵜⵉⴷⴷⵓⴽⵍⵉⵡⵉⵏ ⵏ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ.
ⵜⴻⵍⵍⴰ ⴷⴰⵖ, ⴷⴻⴳ ⵡⴰⵀⵉⵍ ⵏ ⵜⴻⴷⵢⴰⵏⵜ-ⴰ, ⵜⴻⵎⵍⵉⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴳⴰⵔ ⵢⵉⵎⴰⵔⵉⵔⴻⵏ ⵉⵇⴱⵓⵔⴻⵏ ⵏ ⵜⵖⵉⵡⴰⵏⵜ ⵏ ⴰⵢⵜ ⴵⴻⵄⴼⴻⵕ ⴷ ⵜⴻⵖⵍⴰⵎⵜ ⵏ ⵜⵉⴷⴷⵓⴽⵍⵉⵡⵉⵏ ⵜⵉⴷⵉⴳⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵢⴻⵎⵙⵓⴷⴷⵙⴻⵏ.
ⵜⴰⴼⴰⵙⴽⴰ-ⴰ ⴰⵢ ⵙⵙⵓⴷⴷⵙⴻⵏ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 71 ⵏ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945, ⴰⴷ ⴷ-ⵜⵉⵍⵉ ⴷⴻⴳ-ⵙ ⴷⴰⵖ ⵜⴻⵔⵣⵉ ⵖⴻⵔ ⵡⴻⵙⴱⵉⵟⴰⵔ ⴰⵙⴻⵔⴷⴰⵙⴰⵏ ⵏ ⵜⵡⵉⵍⴰⵢⵜ ⵜⵉⵙ 3 ⵏ ⵜⴻⴳⵔⴰⵡⵍⴰ ⴷⴻⴳ ⵉⴳⵀⵣ ⵏⴻⴱⴰⵜⵉ, ⴷⴻⴳ ⵡⴻⴷⵔⴰⵔ ⴰⵢ ⴷ-ⵉⵇⴻⵔⴱⴻⵏ ⵖⴻⵔ ⴱⵓⵏⴷⴰ ⵜⴰⵎⴻⵇⵔⴰⵏⵜ, ⴷ ⴰⵎⴽⴰⵏ ⴰⵢⴷⴻⴳ ⵍⵍⴰⵏ ⵢⴻⴼⵔⴰⵏ ⴷ ⵉⵎⴻⵇⵔⴰⵏⴻⵏ ⴰⵢⴷⴻⴳ ⵍⵍⴰⵏ ⵜⵜⵡⴰⴷⵉⵡⴰⵢⴻⵏ ⵢⵉⵙⴻⵔⴷⴰⵙⴻⵏ ⵉⵎⴻⵊⵔⴰⵃ ⵏ ⵜⴻⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ.
