ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵉⵀⵧⵓⴱⵉ: ⵜⴻⵍⵍⴰ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵉ ⵓⵙⵜⴰⵏ ⵏ ⵢⵉⴷⴳⴰⵏ ⵉⵙⴻⵏⵣⵉⴽⴰⵏⴻⵏ
ⵜⵉⴱⴻⵙⴽⴻⵔⵜ – ⵢⴻⵎⵎⵓⴽⴻⵏ-ⴷ ⵓⵖⵍⵉⴼ ⵏ ⵢⵉⴷⵍⴻⵙ ⴰⴽⴽⴻⵏ ⴰⴷ ⵙⵎⴻⵔⵙⴻⵏ ⵢⵉⵡⴻⵜ ⵏ ’’ⵜⵎⵓⵖⵍⵉ ⵜⴰⵎⴰⵢⵏⵓⵜ’’ ⴰⵔⴰ ⵉⵙⴻⵜⵏⴻⵏ ⵉⴷⴳⴰⵏ ⵉⵙⴻⵏⵣⵉⴽⴰⵏⴻⵏ ⵡⴰⵔ ⵎⴰ ⵢⴻⵍⵍⴰ-ⴷ ⵓⵃⴰⵔⴻⴼ ⵏⴻⵖ ⴰⵃⴱⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴱⴻⵙⴽⴻⵔⵜ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ.
ⵎⵉ ⵢⴻⵔⵣⴰ ⵙ ⴰⴷⴻⴳ ⴰⵙⴻⵏⵣⵉⴽⴰⵏ ⵉ ⵓⵎⵉ ⵜⵜⵉⵏⵉⵏ ⵜⴰⵀⵓⴷⴰ, ⵉ ⴷ-ⵢⴻⵣⴳⴰⵏ ⴷⴻⴳ ⵓⴷⴻⴳ ⵢⴻⵍⵍⴰⵏ ⴷⴻⴳ 24 ⵉⴽⵉⵍⵓⵎⵉⵜⵔⴻⵏ ⴰⴳⵎⵓⴹ ⵏ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ, ⵢⴻⵙⵙⴻⴷⴷⵉ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴷⴰⴽⴽⴻⵏ ‘’ⵜⴰⵎⵓⵖⵍⵉ-ⴰ ⵜⴰⵎⴰⵢⵏⵓⵜ ⵜⴻⵔⵙ ⵖⴻⴼ ⵜⴻⴳⵎⵉ ⴰⵔⴰ ⵢⴻⴼⵖⴻⵏ ⵖⴻⵔ ⵜⵔⵓⵙⵉ ⵏ ⵢⵉⵡⴻⵜ ⵏ ⵜⴽⴻⵔⴹⵉⵡⵜ ⵜⴰⵙⴻⵏⵣⵉⴽⴰⵏⵜ ⵜⴰⵖⴻⵍⵏⴰⵡⵜ ⵏ ⵢⵉⴷⴳⴻⵏ ⵉⵙⴻⵏⵣⵉⴽⴰⵏⴻⵏ, ⴷⴻⴳ ⵢⵉⵡⴻⵏ ⵏ ⵢⵉⵙⵡⵉ, ⵉⴷⴻⴳ ⴰⵔⴰ ⵏⴻⵙⵙⵉⵏⴻⴼ ⵉ ⵓⵥⴻⵔⵔⴻⴱ ⵏ ⵢⵉⵎⴻⴹⵇⴰⵏ ⵉ ⵓⵔ ⵏⴻⵔⵙ ⴷ ⵉⴷⴳⴻⵏ ⵉⵙⴻⵏⵣⵉⴽⴰⵏⴻⵏ.
ⵢⴻⵔⵏⴰ ⵢⴻⵏⵏⴰ-ⴷ, ⴷⴻⴳ ⵜⵎⵓⵖⵍⵉ-ⵏⵏⵉ, ⵉⵙⴻⴼⴽⴰ ⵏ ⵜⴻⴷⴱⴻⵍ ⴰⴷ ⴰⵖ-ⵙⵙⵉⵡⴻⴹⴻⵏ ⴰⴷ ⵏⵥⴻⵔ ⴰⵏⴷⴰ ⵍⵍⴰⵏ ⴰⴽⴽ ⵢⵉⴷⴳⴻⵏ ⵉⵙⴻⵏⵣⵉⴽⴰⵏⴻⵏ, ⴰⴽⴽⴻⵏ ⴰⴷ ⵏⴻⵙⵜⴻⵏ ⵙⴻⴳ ⵢⵉⵡⴻⵏ ⵏ ⵢⵉⴷⵉⵙ, ⵙⴻⴳ ⵢⵉⴷⵉⵙ ⵏⵏⵉⴹⴻⵏ ⴰⴷ ⵏⴻⵙⵙⴻⴹⵔⵓ ⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ ⴷⴻⴳ ⵡⴰⴽⴽ ⴰⴽⴰⵍ ⵏ ⵜⵎⵓⵔⵜ.
