ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵔⵡⵉ ⵓⵙⴻⴷⴷⵓ ⵏ ⵜⵎⴰⵛⵉⵏⵉⵏ ⵙⴻⴳ ⵓⵙⵓⵏⴷⴻⴷ ⵏ ⵢⵉⵎⴻⵙⵏⴰⵢⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⴷⴷⵓ ⵏ ⵜⵎⴰⵛⵉⵏⵉⵏ ⴷⴻⴳ ⵜⵎⴰⵏⴻⵖⵜ ⵢⴻⵔⵡⵉ ⴰⵙⵙ ⵏ ⵍⵃⴻⴷⴷ ⴰⵍⵎⴻⴷ ⵏ ⵓⵙⵓⵏⴷⴻⴷ ⵏ ⵢⵉⵎⴻⵙⵏⴰⵢⴻⵏ ⵏ ⵜⵎⴰⵛⵉⵏⵉⵏ, ⵉ ⵜⵡⴰⵍⴰ ⵜⵏⴻⴳⴳⴰ.
ⵚⵚⴱⴻⵃ ⵣⵉⴽ ⵉ ⵢⴻⵃⴱⴻⵙ ⵓⵙⴻⴷⴷⵓ ⵏ ⵜⵎⴰⵛⵉⵏⵉ ⴷⴻⴳ ⵜⵎⴰⵏⴻⵖⵜ ⴰⵍⵎⴻⵏⴷ ⵏ ⵓⵙⵓⵏⴷⴻⴷ ⵏ ⵢⵉⵎⴻⵙⵏⴰⵢⴻⵏ ⵡⴰⵔ ⵎⴰ ⵄⴻⴳⴳⵏⴻⵏ-ⴷ ⵉ ⵢⵉⵎⵙⴻⵎⵔⴰⵙⴻⵏ ⵏ ⵜⵎⴰⵛⵉⵏⵜ.
ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵏ ⵜⵎⴰⵛⵉⵏⵉⵏ (ⵙⵏⵜⴼ), ⵢⴰⵛⵉⵏⴻ ⴱⴻⵏⴷⵊⴰⴱⴰⵍⵍⴰⵀ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⴷⴰⴽⴽⴻⵏ ⵉⵎⴻⵙⵏⵉⵢⴻⵏ ⵏ ⵜⵎⴰⵛⵉⵏⵉⵏ ⵅⴻⴷⴷⵎⴻⵏ ⴰⵙⵓⵏⴷⴻⴷ ⴷⴻⴳ ⵜⵡⵉⵍⴰⵢⵉⵏ ⵏ ⵇⵚⴻⵏⵟⵉⵏⴰ, ⵡⴻⵀⵔⴰⵏ ⴰⴽⴽⴻⴷ ⵜⵎⴰⵏⴻⵖⵜ ⵡⴰⵔ ⴰⵄⴻⴳⴳⴻⵏ.
ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵏ ⵜⴼⵉⴷⵉⵔⴰⵍⵉⵜ, ⵉⵎⵙⵓⵏⴷⴰⴷ ⵙⵙⵓⵜⵓⵔⴻⵏ ⴰⴽⴽⴻⵏ ⴰⴷ ⴰⵙⴻⵏ-ⵔⵏⵓⵏ ⴷⴻⴳ ⵙⵙⵓⵎⴰ ⵏ ⵜⴵⴻⵔⵏⴰⵏⵜ, ⴰⵅⴻⵍⵍⴻⵚ ⵏ ⵢⵉⵅⴻⴷⴷⴰⵎⴻⵏ ⵎⵉ ⴰⵔⴰ ⵅⴻⴷⵎⴻⵏ ⴷⴻⴳ ⵡⵓⵙⵙⴰⵏ ⵏ ⵜⵖⵉⵎⵉⵜ (ⵍⴵⴻⵎⵄⴰ ⴰⴽⴽⴻⴷ ⵙⵙⴻⴱⵜ) ⴰⴽⴽⴻⴷ ⵡⵓⵙⵙⴰⵏ ⵏ ⵜⵎⴻⵖⵔⵉⵡⵉⵏ ⵜⵓⵏⵚⵉⴱⵉⵏ ⴰⴽⴽⴻⴷ ⵜⵎⴻⵔⵏⴰ ⵏ ⵙⵙⵓⵎⴰ ⵉ ⵓⵅⴻⴷⴷⵉⵎ ⵏ ⵢⵉⴹ.
