ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴽⴽ ⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵙⵙⴻⵔⴱⴰⵃⴻⵏ ⴰⴷ ⴽⴻⵎⵎⵍⴻⵏ (ⴱⴻⵏⴽⵀⴰⵍⴼⴰ)
ⴱⴳⴰⵢⴻⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴰⵍⴼⴰ, ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ ⵏ ⴱⴳⴰⵢⴻⵜ ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⴰⵏⴰⴱⴰⴹ (ⵃⵓⴽⵓⵎⴰ) ⵢⴻⴱⵖⴰ ⴰⴷ ⵉⴽⴻⵎⵎⴻⵍ ⴷⴻⴳ ⵡⴰⵀⵉⵍ-ⵏⵏⴻⵙ ⵏ ⵜⵏⴻⴼⵍⵉⵜ (ⵜⴰⵏⵎⵉⵢⴰ) « ⴰⴽⴽ ⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵙⵙⴻⵔⴱⴰⵃⴻⵏ ⵉⴷⵔⵉⵎⴻⵏ ⵏⴻⵖ ⵡⵉⴷ ⵢⴻⵇⵇⵏⴻⵏ ⵖⴻⵔ ⵜⴷⵓⵎⵚⵓⴽⵉⵏ ⴰⴷ ⵉⵄⴰⵡⵏⴻⵏ ⴰⵏⵏⴻⵔⵏⵉ ⴰⴷⴰⵎⵙⴰⵏ ».
« ⴰⴽⴽ ⵉⵙⴻⵏⴼⴰⵔⵏⴻ ⴰⵢ ⵉⵣⴻⵎⵔⴻⵏ ⴰⴷ ⵙⵊⴻⵀⴷⴻⵏ ⴰⵏⵏⴻⵔⵏⵉ ⴰⴷ ⴽⴻⵎⵎⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵜⴻⵙⵎⵉⵍⵜ (ⵍⴰⴵⵏⴰ) ⵢⴻⵎⵎⵓⵣⵣⴳⴻⵏ ⵉ « ⵡⴻⴼⵔⴰⵏ ⵏ ⵢⵉⵙⴻⵏⴼⴰⵔⴻⵏ ⴰⴷ ⵢⴻⵜⵜⵡⴰⵙⵎⴻⵏⵢⵉⴼⴻⵏ ⵖⴻⴼ ⵡⵉⵢⴰⴹ ». ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵡⵉⵔ ⵏ ⵢⵉⵙⵙⴻⴼⵜⵉⵢⴻⵏ ⵡⵓⵖⵓⵔ ⵜⴻⵡⵡⴻⴹ ⵍⴻⵣⵣⴰⵢⴻⵔ ⴰⵔ ⵉⵎⵉⵔ-ⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷ ⵏⴻⵜⵜⴰ ⴰⵢ ⴷ ⴰⵙⵡⵉⵔ ⴰⵎⴻⵇⵔⴰⵏ ⴰⴽⴽ ⴷⴻⴳ ⵜⵎⵓⵔⴰ ⵏ ⵡⴻⴳⵔⴰⴽⴰⵍ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵡⴰⵏⴰⴽ ⵉⵄⴻⵡⵡⴻⵍ ⴰⴷ ⵉⴽⴻⵎⵎⴻⵍ ⵜⵉⴷⴷⵉⵜ-ⴰ ⵓⵍⴰ ⵎⴰ ⵢⴻⵏⵇⴻⵙ ⵓⵎⴻⴷⵅⵓⵍ ⵏ ⵓⵒⵉⵜⵕⵓⵍ ⴷ ⵍⴳⴰⵣ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⵏⴽⵀⴰⵍⴼⴰ ⴷⴰⴽⴽⴻⵏ ⵜⴰⵎⵓⵔⵜ ⵜⴻⵙⵙⴻⴱⴳⴻⵙ ⵜⵉⵖⴱⵓⵍⴰ (ⵎⴰⵡⴰⵔⵉⴷ) ⵜⵉⵎⵍⴻⵍⵍⴰⵢⵉⵏ, ⵍⴰⴷⵖⴰ ⴰⵊⵎⴰⵄ ⵏ ⵍⴻⵖⵔⴰⵎⴰ ⵢⴻⵅⴹⴰⵏ ⴰⵒⵉⵜⵕⵓⵍ ⴷ ⵍⴳⴰⵣ ⴷ ⵓⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ ⴰⵏⴰⴳⴷⵓⴷ, ⵢⴻⵔⵏⵓ ⵙ ⵡⴰⵢⴰ ⴰⵢ ⵍⴰ ⵢⴻⵙⵙⴻⴼⵔⴰⵢ ⵓⵡⴰⵏⴰⴽ (ⴷⴰⵡⵍⴰ) ⴰⴷ ⵢⴻⵙⵙⴻⵇⴷⴻⵛ ⵉⴷⵔⵉⵎⴻⵏ ⵙ ⵡⴻⴱⵔⵉⴷ ⵓⵚⵡⵉⴱ.
« ⴰⵢⴰ ⵓⵔ ⵢⴻⴱⵖⵉ ⴰⴷ ⴷ-ⵢⵉⵏⵉ ⴷⴰⴽⴽⴻⵏ ⵓⵔ ⵏⴻⵙⵙⴻⵇⴷⴰⵛ ⴰⵎⴻⴷⵅⵓⵍ ⵏ ⵓⵒⵉⵜⵕⵓⵍ, ⵎⴰⵛⴰ ⵍⴼⴰⵢⴷⴰ ⵏ ⵡⴰⵢⴰ ⴷ ⴰⵃⵔⴰⵣ ⵏ ⵜⵎⵓⵔⵜ ⵙⴻⴳ ⵍⵎⴰⴹⴻⵔⵔⴰ ⵏ ⵜⴻⵣⵖⵉⵏⵜ (ⴰⵣⵎⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵢⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ-ⵏⵏⴻⵙ ⴷ ⵢⴻⵎⵡⴻⴽⴽⵍⴻⵏ ⵏ ⵜⵙⵉⴹⴻⵏⵜ (ⵎⵓⵃⴰⵙⴰⴱⴰ) ⴰⵢ ⴷ-ⵢⴻⵎⵍⴰⵍⴻⵏ ⴷⴻⴳ ⵓⵙⴰⵔⴰⴳ ⴷⴻⴳ ⵜⴻⵙⴷⴰⵡⵉⵜ ⵏ « ⴰⴱⴷⴻⵔⴰⵀⵎⴰⵏⴻ ⵎⵉⵔⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⵙⵙⴻⴱⴳⴻⵙ ⵏ ⵜⴻⵖⴱⵓⵍⴰ », ⴳⴰⵔ-ⴰⵙⴻⵏⵜ ⵓⵍⴰ ⴷ ⵉⴷⵔⵉⵎⴻⵏ ⵏ ⵜⵜⵊⴰⵕⴰ ⵓⵔ ⵢⴻⵜⵜⵅⴻⵍⵍⵉⵚⴻⵏ ⵍⴻⵖⵔⴰⵎⴰ, ⴷ ⵓⵔⴻⴹⴹⴰⵍ ⵏ ⵢⴻⴷⵔⵉⵎⴻⵏ ⵙⴻⴳ ⵙⴷⴰⵅⴻⵍ ⵏ ⵜⵎⵓⵔⵜ ⴷ ⴰⵢⴻⵏ ⴰⴷ ⴷ-ⵢⴻⴳⵍⵓⵏ ⵙ ⵍⴼⴰⵢⴷⴰ ⵢⴻⵔⵏⵓ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⵉⴷⵔⴻⵎ ⵏ ⵓⵏⵏⴻⵔⵏⵉ ⴷ ⵜⵏⴻⴼⵍⵉⵜ ⵙ ⵓⵎⴰⵜⴰ ».
