ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵏⴷⴰⵡⵜ 2016 ⵙ ⵜⵎⴰⵣⵉⵖⵜ ⵜⴻⵡⵊⴻⴷ

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⵜⴰⵎⴻⵏⴷⴰⵡⵜ ⵢⴻⵜⵜⵡⴰⵇⴻⴱⵍⴻⵏ ⴷⵉ ⴼⵓⵕⴰⵔ 2016 ⴰⵜⵜⴰⵏ ⵜⴻⵡⵊⴻⴷ ⵙⴻⴳ ⵡⴰⵙⵙ ⵏ ⵍⴰⵕⴻⴱⵄⴰ ⴷ ⴰⴼⴻⵍⵍⴰ ⵙ ⵜⵓⵜⵍⴰⵢⵜ ⵏ ⵜⵎⴰⵣⵉⵖⵜ ⴰⵎⴰ ⴷⵉ ⵍⴽⴰⵖⴻⴹ ⵏⴻⵖ ⵙ ⵜⵜⴰⵡⵉⵍ ⴰⵏⴻⵎⴹⴰⵢⴰⵏ, ⴰⵢⴰⴳⵉ ⴷⴰⵢⴻⵏ ⵢⴻⵅⴷⴻⵎ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ).

ⵜⴰⵙⵓⵇⵇⵉⵍⵜ-ⴰⴳⵉ ⵢⴻⵍⵍⴰⵏ ⵙ ⵓⵙⴻⴽⴽⵉⵍ ⴰⵍⴰⵟⵉⵏⵉ ⵜⴻⴽⵛⴻⵎ ⵓ ⵜⴻⵡⵊⴻⴷ ⴷⴻⴳ ⵡⴰⴷⴻⴳ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⴰⴽⴽ ⴷ ⵡⵉⵏ ⵏ ⵜⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴻⵃⵔⵉⵛ « ⵉⴷⵍⵉⵙⴻⵏ ⵏ ⵜⵏⴻⴳⴳⴰ ».

ⴷⴻⴳ-ⵙ 45 ⵏ ⵜⵡⵕⵉⵇⵉⵏ, ⵜⴰⵎⴻⵏⴷⴰⵡⵜ ⵢⵓⵔⴰⵏ ⵙ ⵜⵓⵜⵍⴰⵢⵜ ⵏ ⵜⵎⴰⵣⵉⵖⵜ , ⴷⴻⴳ-ⵙ 218 ⵉⵎⴰⴳⵔⴰⴷⴻⵏ, ⵜⵜⵡⴻⴱⴹⴰⵏ ⵖⴻⴼ 4 ⵏ ⵢⵉⵣⵡⴰⵍ ⴰⴽⴽ ⴷ 11 ⵏ ⵢⴻⵅⴼⴰⵡⴻⵏ ⵏ ⵡⴻⴹⵕⵉⵙ ⴰⴳⴻⵊⴷⴰⵢⴰⵏ ⵏ ⵓⵡⴰⵏⴻⴽ ⵢⴻⵜⵜⵡⴰⵇⴻⴱⵍⴻⵏ ⴷⵉ ⴼⵓⵕⴰⵔ ⵢⴻⵣⵔⵉⵏ ⵙⵖⵓⵔ ⵙⵏⴰⵜ ⵏ ⵜⴻⵅⵅⴰⵎⵉⵏ ⵏ ⵡⵓⵎⵏⵉ.

ⵜⴰⵎⴻⵏⴷⴰⵡⵜ-ⴰⴳⵉ ⵢⴻⵜⵜⵡⴰⵇⴻⴱⵍⴻⵏ ⵜⵓⵔⴰ ⴷⴻⴳ ⵓⵎⴰⴳⵔⴰⴷ-ⵉⵏⴻⵙ ⵡⵉⵙ 4 ⴱⴻⵍⵍⵉ ⵜⴰⵎⴰⵣⵉⵖⵜ ⴷⴰⵖⴻⵏ ⴷ ⵜⵓⵜⵍⴰⵢⵜ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ, ⴰⵡⴰⵏⴻⴽ ⴰⴷ ⵢⴻⵅⴷⴻⵎ ⵖⴻⴼ ⵓⵏⴻⴳⵎⵓ-ⵉⵏⴻⵙ ⴷⵉ ⵢⴰⴽⴽ ⵜⴰⵏⵜⴰⵍⵉⵡⵉⵏ-ⵉⵏⴻⵙ ⵢⴻⵍⵍⴰⵏ ⴷⴻⴳ ⵡⴰⴽⴰⵍ ⵏ ⵜⵎⵓⵔⵜ.

ⵢⴻⵍⵍⴰ ⴷⴰⵖⴻⵏ ⴷⴻⴳ ⵓⵙⵓⵔⵔⵉⴼ-ⴰⴳⵉ ⵏ ⵓⵏⴻⴳⵎⵓ ⵏ ⵜⵓⵜⵍⴰⵢⵜ, ⴰⵙⴱⴻⴷⴷⵉ ⵏ ⵜⴽⴰⴷⵉⵎⵉⵜ ⵜⴰⵣⵣⴰⵢⵔⵉⵜ ⵏ ⵜⵓⵜⵍⴰⵢⵜ ⵏ ⵜⵎⴰⵣⵉⵖⵜ ⵢⴻⵇⵇⵏⴻⵏ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. ⴰⴷ ⵜⴻⵅⴷⴻⵎ ⵙ ⵡⴰⵢⴻⵏ ⴰⴽⴽ ⵢⴻⵍⵍⴰⵏ ⴷⵉ ⵜⴻⵣⵔⴰⵡⵉⵏ ⵏ ⵢⵉⵎⵓⵙⵏⴰⵡⴻⵏ ⴷ ⵓⵏⴰⴷⵉ ⵖⴻⴼ ⵢⵉⴱⴻⵔⴷⴰⵏ ⵓⵏⴻⴳⵎⵓ ⵏ ⵜⵎⴰⵣⵉⵖⵜ.