ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴽⴽ ⵉⵅⴻⴷⴷⵉⵎⴻⵏ ⵢⴻⵔⵣⴰⵏ ⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴰⴷ ⴷ-ⵍⵀⵓⵏⵜ ⵢⵉⴷ-ⵙⴻⵏ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ (ⴰⵏⴻⵖⵍⴰⴼ)
ⵡⴻⵀⵕⴰⵏ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⴷⴰⴽⴽⴻⵏ ⵙⴻⴳ-ⴰ ⴷ ⴰⵙⴰⵡⴻⵏ ⴰⴷ ⵓⵖⴰⵍⴻⵏ ⴰⴽⴽ ⵢⵉⵎⴰⵀⵉⵍⴻⵏ ⵢⴻⵇⵇⵏⴻⵏ ⵖⴻⵔ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴰⴷ ⴷ-ⵍⵀⵓⵏⵜ ⵢⵉⴷ-ⵙⴻⵏ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⵢⴻⵔⵏⵓ ⴰⵡⴰⵏⴰⴽ (ⴷⴰⵡⵍⴰ) ⵢⴻⵙⵙⴻⴱⵖⴰⵙ ⵜⵜⴰⵡⵉⵍⴰⵜ ⵉⵖⴻⵍⵏⴰⵡⴻⵏ, ⴰⵎⴰ ⴷ ⵉⵏⴰⴳⴷⵓⴷⴻⵏ ⵏⴻⵖ ⴷ ⵓⵙⵍⵉⴳⴻⵏ ⴰⴽⴽⴻⵏ ⴰⴷ ⵙⵙⴻⴼⵜⵉⵏ ⴷⴻⴳ ⵡⴻⵏⵔⴰⵔ-ⴰⴽ. ⵏⵏⵉⴳ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴻⴳ ⴽⵓⵍⵍⴻⵛ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵀⵕⴰⵏ.
ⴰⵏⴻⵖⵍⴰⴼ, ⴰⵢ ⵉⴳⴰⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷ ⵓⵙⵙⴻⴼⵇⴻⴷ ⴷⴻⴳ ⵡⴻⵀⵕⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ 7 ⵏ ⵢⵉⵎⴻⵍⵢⵓⵏⴻⵏ ⵏ ⵜⴽⴻⵕⵕⵓⵙⵉⵏ ⴰⵢ ⵍⴰ ⵢⴻⵜⵜⴻⴷⴷⵓⵏ ⴷⴻⴳ ⵍⴻⵣⵣⴰⵢⴻⵔ, ⵙ ⵡⴰⵢⴰ, ⴰⵟⴰⵙ ⵏ ⵛⵛⵖⴻⵍ ⴰⵢ ⵢⴻⴳⴳⵓⵏⵉⵏ ⵍⴻⵣⵣⴰⵢⴻⵔ ⵢⴻⵔⵏⵓ ⵖⴻⴼ ⵡⴰⵢⴰ ⴰⵢ ⵍⴰ ⵢⴻⵙⵙⴻⴱⵖⴰⵙ ⵓⵡⴰⵏⴰⴽ ⵜⵉⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ ⴷ ⵜⵓⵙⵍⵉⴳⵉⵏ ⴰⴽⴽⴻⵏ ⴰⴷ ⵙⵙⴻⴼⵜⵉⵏⵜ ⴷⴻⴳ ⵡⴻⵏⵔⴰⵔ ⵏ ⵢⵉⵎⴰⵀⵉⵍⴻⵏ ⵏ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ.
« ⴷⴻⴼⴼⵉⵔ ⵡⴰⵢⴻⵏ ⵏⵡⴰⵍⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵏⴼⴰⵔ ⵏ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⵏⴻⵖⵜⴻⵙ (ⵇⴰⵔⵔⴰⵔⵏⴰ) ⴰⴷ ⵓⵖⴰⵍⴻⵏ ⵢⵉⵙⴻⵏⴼⴰⵔⴻⵏ ⵏ ⵢⴻⴱⵔⵉⴷⴻⵏ-ⴰ ⵙ ⵍⴻⴽⵎⴰⵍ-ⵏⵙⴻⵏ ⴷ ⵛⵛⵖⴻⵍ ⵏ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ. ⵏⴻⵙⵙⴻⴱⵖⴰⵙ ⵜⵉⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴰⴽⴽⴻⵏ ⴰⴷ ⵙⵙⴻⴼⵜⵉⵏⵜ ⵓⵍⴰ ⴷⴻⴳ ⵢⵉⵙⴻⵏⴼⴰⵔⴻⵏ ⵉⵡⵍⴰⵍⴻⵏ (ⴱⴰⵃⵔⵉⵢⵢⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵖⴻⴼ ⵓⵛⴰⵏⵟⵉ ⵏ ⵍⴻⴱⵏⵉ ⵏ ⵜⴽⵓⵕⵏⵉⵛⵜ ⵜⴰⵎⴰⵢⵏⵓⵜ.
ⴷⴻⴳ ⵓⵛⴰⵏⵟⵉ-ⵏⵏⵉ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵖⴻⴼ ⵓⵇⴰⴷⴻⵔ ⵏ ⵡⴰⴽⵓⴷ ⵏ ⵓⴼⴰⴽⵉ ⵏ ⵓⵙⴻⵏⴼⴰⵔ ⴷ ⵜⵖⴰⵔⴰ ⵏ ⵢⴻⴱⵔⵉⴷⴻⵏ ⴷ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ.
« ⵜⴰⵏⴻⴼⵍⵉⵜ (ⵜⴰⵏⵎⵉⵢⴰ) ⵏ ⵓⵥⴻⴹⴹⴰ ⵏ ⵢⴻⴱⵔⵉⴷⴻⵏ ⴷ ⴰⵃⵔⵉⵛ ⵙⴻⴳ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⵏ ⵡⴻⵀⵕⴰⵏ ⴰⵢ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴰⵛⴽⵓ ⵜⴰⵡⵉⵍⴰⵢⵜ-ⴰ ⵍⴰ ⵜⴻⵜⵜⴻⴷⴷⵓ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵜⵉⴷⵢⴰⵏⵉⵏ ⴷ ⵜⵉⵎⴻⵇⵔⴰⵏⵉⵏ ⴰⵎ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021. ⵙ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵏⵉⵍⵉ ⵏⴻⵡⵊⴻⴷ ⵙⴻⴳ ⵢⵉⴷⵉⵙ ⴰⴷⴰⵎⵙⴰⵏ, ⴰⵎⴻⵔⵔⴰⵢⴰⵏ ⴷ ⵓⴷⴻⵍⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⴰⵍⵍⵉⵜ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ-ⴰ ⵜⴻⵇⵇⴻⵏ ⵖⴻⵔ ⵜⵜⵉⵄⴰⴷⴰⵜ ⵉⵎⴻⵇⵔⴰⵏⴻⵏ ⵏⵉⴹⴻⵏ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵇⴰⴷⴻⵔ ⵡⴰⴽⵓⴷ ⵏ ⵓⴼⴰⴽⵉ ⵏ ⵢⵉⵙⴻⵏⴼⴰⵔⴻⵏ ⴷ ⵜⵖⴰⵔⴰ-ⵏⵙⴻⵏ.
