ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵡⴻⵔⴼⴰⴷ ⵏ ⵜⵥⴰⵢⴰⵏⵉⵏ: 3 ⵏ ⵜⴰⵣⵍⵖⵉⵡⵉⵏ ⵉ ⵍⴻⵣⵣⴰⵢⴻⵔ

ⵢⴰⵧⵓⵏⴷⴻ– ⵜⴻⵔⴱⴻⵃ-ⴷ ⵜⵏⴰⴷⴷⴰⵍⵜ ⵜⴰⴷⵣⴰⵢⵔⵉⵜ ⵉⴽⵔⴰⵎ ⵛⵀⴻⵔⵔⴰⵔⴰ 3 ⵏ ⵜⵣⴰⵍⵖⵉⵡⵉⵏ (1 ⵏ ⵡⴻⵥⵔⴻⴼ ⴷ ⵙⵏⴰⵜ ⵏ ⵡⴻⴱⵕⵓⵏⵣ) ⴷⴻⴳ ⵢⴰⵧⵓⵏⴷⴻ, ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵡⴻⵔⴼⴰⴷ ⵏ ⵜⵥⴰⵢⴰⵏⵉⵏ (ⵉⵎⴻⵇⵔⴰⵏⴻⵏ) ⵢⴻⵍⵍⴰⵏ ⴷ ⵜⴰⴳⵏⵉⵜ ⵉ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016.

ⵛⵀⴻⵔⵔⴰⵔⴰ ⵜⴻⵜⵜⴻⴽⴽⴰ ⴷⴻⴳ ⵜⴰⴳⴳⴰⵢⵜ (ⴼⵉ’ⴰ) ⵏ 69 ⵏ ⵢⵉⴽⵉⵍⵓⴳⵕⴰⵎⴻⵏ ⵢⴻⵔⵏⵓ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ-ⵏⵏⴻⵙ ⵏ ⵡⴻⵥⵔⴻⴼ ⵎⵉ ⵜⴻⵔⴼⴻⴷ ⴰⴼⴻⴳⴳⴰⴳ ⵏ 183 ⵏ ⵢⵉⴽⵉⵍⵓⴳⵕⴰⵎⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵉⵣⴰⵍⵖⵉⵡⵉⵏ ⵏ ⵡⴻⴱⵕⵓⵏⵣ ⵜⴻⵔⴱⴻⵃ-ⵉⵜⴻⵏⵜ-ⵉⴷ ⴷⴻⴳ ⵓⵎⵓⵙⵙⵓ ⵏ « ⵡⴻⵃⵡⴰⵚ » (80 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵓⵎⵓⵙⵙⵓ ⵏ « ⵓⵙⵙⴻⵔⵙⵉ ⵖⴻⴼ ⵜⵓⵢⴰⵜ ⴷ ⵓⵣⴻⵍⵍⵉ » ⵙ ⵍⵎⵉⵣⴰⵏ ⵏ 103 ⵏ ⵢⵉⴽⵉⵍⵓⴳⵕⴰⵎⴻⵏ.

ⵜⵉⵣⴰⵍⵖⵉⵡⵉⵏ ⵏ ⵡⵓⵔⴻⵖ ⴷⴻⴳ ⵜⴰⴳⴳⴰⵢⵜ-ⴰ ⵚⴰⵃⴻⵏⵜ-ⴷ ⵜⴰⴽⴰⵎⵔⵓⵏⵉⵜ ⴼⵧⵓⵧⴷⵊⵉ ⵙⵧⵏⴽⴱⵧⵓ (81 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵓⵎⵓⵙⵙⵓ ⵏ ⵡⴻⵃⵡⴰⵚ) 105 ⵏ ⵢⵉⴽⵉⵍⵓⴳⵕⴰⵎⴻⵏ (ⴷⴻⴳ ⵓⵙⴻⵏⵏⴻⴷ ⵖⴻⴼ ⵜⵓⵢⴰⵜ ⴻⴷ ⵓⵣⴻⵍⵍⵉ) ⴷ 186 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵡⵓⵖⵔⵉⴷ.

ⴷⴻⴳ ⵜⴰⴳⴳⴰⵢⵜ-ⴰ ⴷⴰⵖ, ⵎⴰⴳⵀⵏⵉⴰ ⵀⴰⵎⵎⴰⴷⵉ ⵜⵓⵙⴰ-ⴷ ⴷ ⵜⵉⵙ 6 ⴷⴻⴳ ⵓⵎⵓⵙⵙⵓ ⵏ ⵡⴻⵃⵡⴰⵚ (72 ⵏ ⵢⵉⴽⵉⵍⵓⴳⵕⴰⵎⴻⵏ), ⴰⵎⵓⵙⵙⵓ ⵏ ⵓⵙⴻⵏⵏⴻⴷ ⵖⴻⴼ ⵜⵓⵢⴰⵜ ⴷ ⵓⵣⴻⵍⵍⵉ (90 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ 162 ⵏ ⵢⵉⴽⵉⵍⵓⴳⵕⴰⵎⴻⵏ (ⵓⵖⵔⵉⴷ).

ⵎⴰ ⴷ ⵜⵉⵍⴻⵎⵥⵉⵜ ⴱⴻⵏⵎⵉⵍⵧⵓⴷ ⵎⴻⵔⵢⴻⵎ ⵏⴰⴷⴰ (58 ⵏ ⵢⵉⴽⵉⵍⵓⴳⵕⴰⵎⴻⵏ) ⵜⵓⵙⴰ-ⴷ ⴷ ⵜⵉⵙ 4 ⴷⴻⴳ ⵜⴰⴳⴳⴰⵢⵜ-ⵏⵏⴻⵙ ⴷⴻⴳ ⵓⵙⴻⵏⵏⴻⴷ ⵖⴻⴼ ⵜⵓⵢⴰⵜ ⴷ ⵓⵣⴻⵍⵍⵉ (91 ⵏ ⵢⵉⴽⵉⵍⵓⴳⵕⴰⵎⴻⵏ) ⵢⴻⵔⵏⵓ ⴷ ⵜⵉⵙ 5 ⴷⴻⴳ ⵓⵎⵓⵙⵙⵓ ⵏ ⵡⴻⵃⵡⴰⵚ (73 ⵏ ⵢⵉⴽⵉⵍⵓⴳⵕⴰⵎⴻⵏ). ⵎⴰ ⴷⴻⴳ ⵡⵓⵖⵔⵉⴷ ⵙ ⵙⵉⵏ ⵏ ⵢⵉⵎⵓⵙⵙⴰ, ⵜⴻⵙⵙⴰⵡⴻⴹ ⴰⴷ ⵜⴻⵔⴼⴻⴷ 164 ⵏ ⵢⵉⴽⵉⵍⵓⴳⵕⴰⵎⴻⵏ ⵢⴻⵔⵏⵓ ⵜⴻⵙⵙⴰⵡⴻⴹ ⵙ ⵢⴻⴳⵎⴰⴹ-ⴰ ⴰⴷ ⵜⴻⵔⵥ ⵙⵉⵏ ⵏ ⵢⴻⴽⵍⵉⵙⴻⵏ (ⴰⵔⵇⴰⵎ ⵇⵉⵢⴰⵙⵉⵢⵢⴰ) ⵉⴷⵣⴰⵢⵔⵉⵢⴻⵏ.