ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵎⵎⵓⴳⴻⵔ ⵎⴰⵙⵙ ⵎⵉⵀⵧⵓⴱⵉ ⴰⵏⴻⵖⵍⴰⴼ ⵓⵕⴷⵓⵏⵉ ⴰⵇⴱⵓⵔ ⵏ ⵓⵙⵙⴻⵍⵖⵓ, ⵙⴰⵎⵉⵔ ⵎⵧⵜⴰⵡⵉⴻ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⴻⵖⵍⴰⴼ ⵓⵕⴷⵓⵏⵉ ⴰⵇⴱⵓⵔ ⵏ ⵓⵙⵙⴻⵍⵖⵓ, ⴰⵎⴰⵔⵓ-ⴰⵏⴻⵖⵎⴰⵙ ⴷ ⵓⴷⵉⵒⵍⵓⵎⴰⵜⵉ, ⴰⴷⵓⴽⵜⵓⵔ ⵙⴰⵎⵉⵔ ⵎⵧⵜⴰⵡⵉⴻ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵡⴻⵎⵢⴰⴳⴻⵔ-ⴰ, ⵉⵡⴻⴽⴽⴻⴷ ⵎⴰⵙⵙ ⵎⵧⵜⴰⵡⵉⴻ ⵖⴻⴼ ⵡⴰⵙⵙⴰⵖⴻⵏ ⵉⵣⴰⴷⴻⵏ ⵢⴻⵍⵍⴰⵏ ⴳⴰⵔ ⵍⵓⵕⴷⵓⵏ ⴷ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⵏⴼⴰⵍⵉ ⵍⴻⵇⴷⴻⵔ ⴰⵢ ⵢⴻⵜⵜⵇⴰⴷⴰⵔ ⴰⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⵏ ⵍⴻⵣⵣⴰⵢⴻⵔ ⴰⵢⵖⴻⴼ ⴷ-ⵢⴻⵏⵏⴰ « ⵡⴰ ⴷ ⵉⵙⴻⵖ ⵏ ⵡⴰⵄⵕⴰⴱⴻⵏ, ⵍⴰⴷⵖⴰ ⵉⵎⵉ ⴰⵢ ⴷ-ⵢⴻⵍⵍⴰ ⴷⴻⴼⴼⵉⵔ ⵡⴻⵎⴳⴰⵔⵓ ⴰⵄⵕⴰⴱ-ⵉⵙⵕⴰⵢⵉⵍⵉ ⵏ 1948 ».
ⵜⵉⵔⵣⵉ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵉⴳⴰ ⵎⴰⵙⵙ ⵎⵧⵜⴰⵡⵉⴻ ⵖⴻⴼ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵎⴻⵣⵡⵓⵔⴰ ⴰⵢⴷⴻⴳ ⵜⴻⵡⵡⵉ ⵍⴻⵣⵣⴰⵢⴻⵔ ⴰⵣⴰⵔⵓⴳ (ⵉⵙⵜⵉⵇⵍⴰⵍ), ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵜⵜⵙⴻⵎⵎⵉ-ⴰⵙ ⵉ ⵍⴻⵣⵣⴰⵢⴻⵔ, ⴷⴻⴳ ⵢⵉⵎⴰⴳⵔⴰⴷⴻⵏ ⴷ ⵢⵉⵔⵓⵒⵓⵕⵟⴰⵊⴻⵏ-ⵏⵏⴻⵙ « ⵓⵎⴻⴳ (ⵓⵙⵟⵓⵔⴰ) ⵏ ⵜⵍⴻⵍⵍⵉ ⴷⴻⴳ ⵍⵇⴻⵔⵏ ⵡⵉⵙ 20 ».
ⴰⵎⴰⵔⵓ-ⴰ ⵢⵓⵔⴰ-ⴷ ⴰⵛⵃⴰⵍ ⴷ ⴰⴷⵍⵉⵙ ⵖⴻⴼ ⵜⵙⴻⵔⵜⵉⵜ ⴷ ⵓⵎⴻⵣⵔⵓⵢ, ⵍⴰⴷⵖⴰ ⵖⴻⴼ ⵜⵎⵓⵔⵜ ⵏ ⵍⵓⵔⴹⵓⵏ ⴻⴷ ⵜⴻⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ, ⵢⴻⵔⵏⵓ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⴰⵜⴰⵏ ⵍⴰ ⴷ-ⵢⴻⵜⵜⵀⴻⵢⵢⵉ ⴰⴷⵍⵉⵙ ⵖⴻⴼ ⵍⴻⵣⵣⴰⵢⴻⵔ.
