ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ: ⴰⵙⵄⴻⴷⴷⵉ ⵏ ⵓⵖⴰⵡⴰⵙ ⵏ ⵓⵡⴻⵀⵀⵉ ⵉ ⵓⵀⴻⵢⵢⵉ ⵏ ⵜⵡⵉⵍⴰⵢⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵙⵄⴻⴷⴷⴰⵏ ⵡⵓⴼⵔⵉⵏⴻⵏ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⴰⵙⵙ ⵏ ⵍⴰⵕⴻⴱⵄⴰ, ⵙ ⵜⴻⴳⵜⵉ (ⴰⵖⵍⴰⴱⵉⵢⵢⴰ), ⴰⵖⴰⵡⴰⵙ ⵏ ⵓⵡⴻⵀⵀⵉ ⵏ ⵓⵀⴻⵢⵢⵉ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ (2015-2035) ⴰⴷ ⵢⴻⴼⴽⴻⵏ ⵚⵚⵉⴼⴰ ⵜⴰⵙⴻⴳⴷⴰⵏⵜ (ⵎⵉⵄⵎⴰⵔⵉⵢⵢⴰ) ⵜⴰⵎⴰⵢⵏⵓⵜ ⵉ ⵜⵎⴰⵏⴻⵖⵜ.

ⵢⴻⵏⵏⴰ-ⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴷⴻⴳ ⵜⴻⴷⵡⵉⵍⵜ ⵜⴰⵏⵓⵎⴰⵏⵜ ⵏ ⵡⴻⴳⵔⴰⵡ ⵉ ⵡⴻⵙⴽⴰⵙⵉ (ⵏⵉⵇⴰⵛ) ⴷ ⵡⴻⵙⵄⴻⴷⴷⵉ ⵏ ⵓⵖⴰⵡⴰⵙ-ⴰ, ⴷⴰⴽⴽⴻⵏ ⵉⴷⵓⴱⴰ (ⵙⵓⵍⵓⵟⴰⵜ) ⵓⵏⵏⵉⴳⴻⵏ ⵏ ⵜⵎⵓⵔⵜ ⴼⴽⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵙⴻⵏⴼⴰⵔ-ⴰ ⴰⵙⵓⴷⴷⵙⴰⵏ.

ⴰⵖⴰⵡⴰⵙ-ⴰ ⵢⴻⵇⵇⵉⵎ 8 ⵏ ⵢⵉⵙⴻⴳⴳⴰⵙⴻⵏ ⴰⴽⴽⴻⵏ ⴰⴷ ⴷ-ⵢⴻⵡⵊⴻⴷ ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⵓⵣⵣⴰⴳ (ⵎⵓⵅⵜⴰⵚⵚⵉⵏ) ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’), ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵡⴰⵍⵉ ⴷⴰⴽⴽⴻⵏ ⵓⵔ ⵢⴻⵜⵜⴹⵓⵔⵔⵓ ⵉⴽⴰⵍⴻⵏ ⵏ ⵜⴽⴻⵔⵔⴰⵣⵜ.

ⵢⴻⵙⵎⴻⴽⵜⵉ-ⴷ ⵓⵡⴰⵍⵉ ⴷⴰⴽⴽⴻⵏ ⴰⴽⴰⵔⴰⵎ-ⴰ (ⵎⵉⵍⴰⴼ) ⴰⴷ ⵢⴻⵜⵜⵓⵏⴻⴼⴽ, ⵙⴰⴽⴽⵉⵏ, ⵉ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⵙⴰⴽⴽⵉⵏ ⴰⴷ ⵜ-ⵢⴻⵙⵙⴻⵏⵇⴻⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⴽⴽⴻⵏ ⴰⴷ ⵜ-ⵢⴻⵙⵄⴻⴷⴷⵉ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴰⵖ-ⴷ-ⵉⴳⴰ ⵎⴰⵙⵙ ⵎⵧⵀⴰⵎⴻⴷ ⵢⴰⵣⵉⴷ ⴳⴰⵧⵓⴰⵧⵓⵉ, ⴰⵏⴻⵎⵀⴰⵍ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵄⴻⴷⴷⵉ ⵏ ⵓⴽⴰⵔⴰⵎ-ⴰ ⴰⵏⴰⵎⴻⴽ-ⵏⵏⴻⵙ ⴱⴻⴷⴷⵓ ⵏ ⵓⵙⵙⴻⵏⵇⴻⴷ ⵏ 169 ⵏ ⵢⵉⴽⴰⵔⴰⵎⴻⵏ ⵢⴻⵇⵇⵏⴻⵏ ⵖⴻⵔ ⵓⵖⴰⵡⴰⵙ ⵏ ⵜⵓⴹⴹⴼⴰ ⵏ ⵡⴰⴽⴰⵍ ⴷⴻⴳ 57 ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵢⴻⵔⵏⵓ ⴰⴷ ⵢⴻⵜⵜⴻⴽⴽⵉ ⵡⴰⵢⴰ ⴷⴻⴳ ⵓⴼⴻⵔⵔⵓ ⵏ ⵡⵓⴳⵓⵔ ⵏ ⵍⴻⵅⵚⴰⵚ ⵏ ⵡⴰⴽⴰⵍ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.