ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵇⴱⴻⵍ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴰⴷ ⴷ-ⵢⴻⵜⵜⵉⵍⵉ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵏ ⵡⴻⵎⵛⵉⵡⴻⵕ ⴳⴰⵔ ⵜⵖⴻⵔⵎⵉⵡⵉⵏ ⴷⴻⴳ ⴱⴳⴰⵢⴻⵜ
ⴱⴳⴰⵢⴻⵜ– ⵢⴻⵇⴱⴻⵍ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵍⴻⵅⵎⵉⵙ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⵓⴷⵓ (ⵎⴰ’ⵙⴰⵙⴰ) ⵏ ⵢⵉⵡⴻⵏ ⵏ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵡⴻⵎⵛⵉⵡⴻⵕ ⴳⴰⵔ ⵢⵉⴷⴻⵍⵙⴰⵏ ⴷ ⵜⵖⴻⵔⵎⵉⵡⵉⵏ ⴷⴻⴳ ⴱⴳⴰⵢⴻⵜ ⴷ ⵓⴽⴻⵎⵎⴻⵍ ⵏ ⵓⵙⴰⵔⴰⴳ-ⴰ ⵙ ⵜⴻⵔⴽⴻⴼⵜ (ⵇⴰⴼⵉⵍⴰ) ⴰⴷ ⴷ-ⵢⴻⵣⵣⵉⵏ ⵖⴻⴼ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵉ ⵓⵡⴻⵚⵚⵉ ⵏ ⵎⴻⴷⴷⴻⵏ ⵖⴻⴼ ⵜⵓⴹⴹⴼⴰⵏ ⵏ ⵜⵍⴻⵎⵎⴰⵙⵜ ⴷ ⵢⵉⵎⴻⵏⵖⵉ ⵎⴳⴰⵍ ⵜⴻⴽⵜⴰ ⵜⵉⵎⴻⴹⴹⵓⵔⴼⴰ.
« ⵡⴰ ⵓⵔ ⴷ-ⵢⴻⵜⵜⵉⵍⵉ ⴽⴰⵏ ⴷ ⴰⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵡⴻⵎⵛⵉⵡⴻⵕ ⴳⴰⵔ ⵜⵖⴻⵔⵎⵉⵡⵉⵏ ⴷ ⵢⵉⴷⴻⵍⵙⴰⵏ, ⵡⴰⵏⴰⴳ ⴰⴷ ⴷ-ⵢⵉⵍⵉ ⴷ ⴰⵎⵛⵉⵡⴻⵕ ⴷ ⵢⴻⴷⵍⴻⵙ ⵙ ⵜⴻⵖⵣⴻⴼ ⵏ ⵓⵙⴻⴳⴳⴰⵙ, ⴷ ⴰⵎⵛⵉⵡⴻⵕ ⴳⴰⵔ ⴷⴷⵢⴰⵏⴰⵜ ⴰⴷ ⴷ-ⵢⴻⴽⴽⴻⵏ ⵙⴻⴳ ⴱⴳⴰⵢⴻⵜ ⵢⴻⵔⵏⵓ ⴰⴷ ⵢⴻⵜⵜⵡⴰⵣⵔⴻⵄ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵍⴻⵣⵣⴰⵢⴻⵔ ⵙ ⵜⴻⵔⴽⴻⴼⵜ ⵏ ⴷⴷⵉⵏ ⴷ ⵢⴻⴷⵍⴻⵙ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⵢⵉⵎⴰⵙⵙⴰⵏⴻⵏ ⴷ ⵡⴰⴳⴳⴰⴳⴻⵏ (ⵎⵓⵜⴰⵇⵇⴰⴼⵉⵏ) ⵏ ⴱⴳⴰⵢⴻⵜ ⴷ ⵜⵡⵉⵍⴰⵢⵉⵏ ⴰⵢⵖⴻⴼ ⴰⴷ ⵜⴻⵔⵣⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵎⴰⵙⵙ ⴰⵉⵙⵙⴰ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴰ ⴷ ⵜⴰⴳⵏⵉⵜ ⵉ ⵡⴻⵎⵛⵉⵡⴻⵕ, ⵎⴰⵛⵉ ⴰⵍⴰ ⴳⴰⵔ ⴽⴰⵏ ⴷⴷⵢⴰⵏⴰⵜ ⵢⴻⵎⴳⴻⵔⵔⴰⴷⴻⵏ, ⵡⴰⵏⴰⴳ ⵓⵍⴰ ⴳⴰⵔ ⵡⴰⵔⵔⴰⵡ ⵏ ⵢⵉⵡⴻⵏ ⵏ ⴷⴷⵉⵏ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵔⴽⴻⴼⵜ-ⴰ ⵜⴻⵣⵎⴻⵔ ⴰⴷ ⴷ-ⵜⴻⵔⵔ ⵍⵡⴻⵍⵀⴰ-ⵏⵏⴻⵙ ⵖⴻⵔ ⵚⵚⵉⴼⴰⵜ ⵜⵉⴷⵉⴳⴰⵏⵉⵏ (ⵎⴰⵃⴰⵍⵍⵉⵢⵢⴰ) ⵏ ⵜⴻⵎⵏⴰⴹⵉⵏ ⴰⵢⵖⴻⴼ ⴰⴷ ⵜⴻⵔⵣⵓ, ⴰⵎ ⵜⴻⵎⵏⴰⴹⵜ ⵏ ⵜⵖⴻⵔⴷⴰⵢⵜ ⴷ ⵜⵡⵉⵍⴰⵢⵉⵏ ⵏⵉⴹⴻⵏ.
ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⴼⵔⴰⵏ ⵏ ⴱⴳⴰⵢⴻⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⵓⵔ ⴷ-ⵢⴻⵍⵍⵉ ⴷⴻⴳ ⵍⴱⴰⵟⴻⵍ. ⵏⵏⵉⴳ ⵏ ⵓⵙⵙⵓⵜⴻⵔ ⵏ ⵢⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ-ⴰ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⴷⵢⴰⵏⵜ-ⴰ ⴷⴻⴳ ⴱⴳⴰⵢⴻⵜ, « ⵜⴰⵎⵏⴰⴹⵜ-ⴰ ⵜⴻⵍⵍⴰ-ⴷ ⴷⴰⵖ ⴷ ⴰⵖⵔⴰⴱ ⵉⵃⴻⵔⵣⴻⵏ ⵜⴰⵎⵓⵔⵜ ⵙⴻⴳ ⵜⴻⵏⴱⴰⵥⵜ (ⵖⴰⵣⵡ) ⵏ ⵟⵟⴰⵢⴼⴰⵜ ⴷ ⵜⵉⴹⴹⵓⵔⴼⴰ, ⵢⴻⵔⵏⵓ ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⵉⴷⵍⴻⵙ ⵏ ⵡⴻⵙⴽⴰⵔ (ⵉⵄⵜⵉⴷⴰⵍ) ⴷ ⵜⵓⴹⴹⴼⴰ ⵏ ⵜⵍⴻⵎⵎⴰⵙⵜ ⵢⴻⵍⵍⴰⵏ ⴷ ⵜⵉⵎⵓⵖⵍⵉⵡⵉⵏ ⴰⵢ ⴷ-ⵢⴻⵜⵜⵡⴰⵡⴻⵕⵜⴻⵏ ⵙⴻⴳ ⵜⵇⴻⵔⵟⵓⴱⵜ ⴷ ⵉⵛⴱⵉⵢⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵙ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴱⴳⴰⵢⴻⵜ ⵜⵓⴽⵍⴰⵍ ⴰⴷ ⵜⴻⵜⵜⵡⴰⴼⵔⴻⵏ ⴷ ⴰⵎⴽⴰⵏ ⵉ ⵡⴰⵢⴰ ⵉⵎⵉ ⴰⵢ ⴷ-ⵜⴻⵡⵕⴻⵜ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵎⴰⵙⵙⴰⵏⴻⵏ ⴰⵏⴷⴰⵍⵓⵙⵉⵢⴻⵏ.
ⴰⵙⴰⵔⴰⴳ-ⴰ ⴰⴷ ⵢⵉⵍⵉ ⴷ ⴰⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵏ ⵜⴻⵥⵔⵉⴳⵜ 1ⵓⵜ ⵏ ⵡⵓⵙⵙⴰⵏ ⵉⵖⴻⵍⵏⴰⵡⴻⵏ ⵏ ⵜⵡⴻⵍⵀⵉⵡⵉⵏ ⵜⵉⵏⵙⴻⵍⵎⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵢⴻⴱⴷⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵡⴰⵎⵎⴰⵙ ⴰⴷⴻⵍⵙⴰⵏ ⴻⴷ ⵢⵉⵙⵍⴰⵎⴰⵏ ⵏ ⴱⴳⴰⵢⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵉⵅⴻⴱⴱⵔⴻⵏ ⴷⴰⴽⴽⴻⵏ ⵜⴰⵡⵉⵍⴰⵢⵜ ⵜⴻⵇⴱⴻⵍ ⴰⵙⴰⵔⴰⴳ-ⴰ ⵢⴻⵔⵏⵓ ⵢⴻⵔⵙ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
