ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵀⴻⵢⵢⵉ ⵏ ⵡⴰⴽⴽ ⵜⵉⴳⵏⴰⵜⵉⵏ ⵉ ⵡⴻⵙⵎⴰⵜⵓ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ (ⴰⵙⵙⴰⴷ)
ⵒⴰⵔⵉⵙ– ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵒⴰⵔⵉⵙ, ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵜⵜⵡⴰⵀⴻⵢⵢⵉⵏⵜ ⴰⴽⴽ ⵜⴻⴳⵏⴰⵜⵉⵏ ⵉ ⵓⵙⵙⴻⵔⴱⴻⵃ ⵏ ⵡⴻⵙⵎⴰⵜⵓ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵍⴻⵣⵣⴰⵢⴻⵔ ».
ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴰⵙⵙⴰⴷ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵓⵖⴻⵔⴱⴰⵣ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵒⴰⵔⵉⵙ ⴷⴰⴽⴽⴻⵏ « ⵢⴻⵍⵍⴰ ⵓⵅⴻⴷⴷⵉⵎ ⵏ ⵍⵍⵙⴰⵙ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⵡⴻⵀⵀⵉ ⵖⴻⵔ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵃⵓⵍⴼⵓⵏ ⵉⵎⵉ ⴷ ⴰⵢⴰ ⴰⴷ ⴷ-ⵢⴻⵙⵙⴻⵎⵍⵉⵍⴻⵏ ⴰⴽⴽ ⵜⵉⴳⵏⴰⵜⵉⵏ ⵉ ⵓⵙⵙⴻⵔⴱⴻⵃ ⵏ ⵡⴻⵙⵎⴰⵜⵓ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵍⴻⵣⵣⴰⵢⴻⵔ ».
« ⵍⴰ ⵏⴻⵜⵜⴻⴷⴷⵓ ⴰⴽⴽⴻⵏ ⴰⴷ ⵏⴻⵙⵎⴰⵜⵓ ⴰⵙⵙⴻⵍⵎⴻⴷ-ⴰ ⵛⵡⵉⵟ, ⵛⵡⵉⵟ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵍⴰⴷⵖⴰ ⵉⵎⵉ ⴰⵢ ⵢⴻⵜⵜⵡⴰⵙⵙⴻⵡⵙⴻⵄ ⵓⵙⵙⴻⵍⵎⴻⴷ-ⵏⵏⴻⵙ, ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵖⴻⵔ ⵜⵡⵉⵍⴰⵢⵉⵏ ⵏ ⵜⴱⴻⵙⵙⴰ, ⵜⵉⵏⴷⵓⴼ ⴻⴷ ⵎⵉⵍⴰ. ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ ⵡⵓⵙⵙⵉⵙ (ⵎⴰⴵⵀⵓⴷ) ⵉⵡⴰⵜⴰⵏ ⵉ ⵓⵙⵙⴻⴵⵀⴻⴷ ⵏ ⵓⵙⵙⴻⵍⵎⴻⴷ-ⵏⵏⴻⵙ ⴷⴻⴳ ⴼⵕⴰⵏⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⵉⵎⵉ ⴰⵍⵎⴰⴷ ⵏ ⵜⵎⴰⵣⵉⵖⵜ ⵎⴰⵣⴰⵍ-ⵉⵜ ⵓⵔ ⵢⴻⵜⵜⵡⴰⵃⴻⵜⵜⴻⵎ, ⴰⵢⴰ ⵢⴻⴳⴳⵔⴰ-ⴷ ⴷ « ⴰⵄⴻⵡⵡⵉⵇ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⴽⴽⴻⵙ ⴽⵔⴰ ⵏ ⵡⴰⵙⵙ ».
« ⵢⴻⵍⵍⴰ ⵓⵅⴻⴷⴷⵉⵎ ⵏ ⵍⵍⵙⴰⵙ ⴰⵢ ⵍⴰ ⵜⴻⵜⵜⴻⴳ ⵜⴻⵙⵎⵉⵍⵜ (ⵍⴰⴵⵏⴰ) ⵜⵓⵅⵍⵉⴹⵜ ⴳⴰⵔ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ. ⴰⵙⵙⵓⵎⴻⵔ-ⵏⵏⴻⵖ (ⵉⵇⵜⵉⵔⴰⵃ) ⴷ ⴰⴱⴻⴷⴷⴻⵍ ⵏ ⵍⵇⴰⵏⵓⵏ ⵏ ⵓⵡⴻⵀⵀⵉ (ⴰⵖⵓⵔⴱⵉⵣ) ⴰⴽⴽⴻⵏ ⴰⴷ ⵢⴻⵜⵜⵡⴰⴽⴽⴻⵙ ⵓⵄⴻⵡⵡⵉⵇ ⵏ ⵓⵙⵙⴻⵍⵎⴻⴷ ⵓⵔ ⵢⴻⵜⵜⵡⴰⵃⴻⵜⵜⵎⴻⵏ ⵏ ⵜⵓⵜⵍⴰⵢⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵙⴻⴳ 2014, ⵜⴻⵍⵍⴰ-ⴷ ⵜⵏⴻⵣⴳⴰⵔⵜ ⴳⴰⵔ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷ ⵡⴻⵖⵍⵉⴼ. ⴰⵏⴻⴳⴳⴰⴼ (ⴱⵔⵓⵟⵓⴽⵓⵍ) ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵙⵏⴰⵜ-ⴰ ⵏ ⵜⵙⵓⴷⴰ (ⵀⴰⵢ’ⴰⵜ) ⵢⴻⵙⴱⴰⵏ-ⴷ ⵜⴰⵙⵓⴷⴷⴻⵙⵜ-ⴰ. ⵜⴰⵙⵡⵉⵄⵜ-ⴰ, ⵢⴻⵙⵙⴻⴼⴽ ⴰⴷ ⴷ-ⵏⴻⴽⴽ ⵉ ⵓⵄⴻⵡⵡⵉⵇ-ⴰ ⵙ ⵓⵅⴻⴷⴷⵉⵎ ⵏ ⵡⴻⵙⵃⵓⵍⴼⵓ, ⵢⴻⵔⵏⵓ ⵉⵙⵡⵉ ⵏⴻⵜⵜⴰ ⴷ ⴰⴱⴻⴷⴷⴻⵍ ⵏ ⵍⵇⴰⵏⵓⵏ ⵢⴻⵔⵏⵓ ⵍⴰ ⴷ-ⵢⴻⵜⵜⵉⵍⵉ ⵓⵅⴻⴷⴷⵉⵎ ⵉ ⵡⴰⵏⴻⵛⵜ-ⴰ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⵓⵙⵙⵓⵎⴻⵔ ⴰⴷ ⵢⴻⴼⵔⵓⵏ ⵓⴳⵓⵔ. ⵙⴻⴳ ⵍⴻⵄⴹⵉⵍ, ⵏⴻⵎⵙⴻⴼⵀⴰⵎ ⵢⴻⵔⵏⵓ ⴷ ⴰⵙⵙⵓⵎⴻⵔ-ⵏⵏⴻⵖ ⴰⵢ ⵉⵄⴻⴷⴷⴰⵏ, ⵡⵉⵏ ⵏ ⵡⴻⵙⵎⴰⵜⵓ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵛⵡⵉⵟ, ⵛⵡⵉⵟ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ.
ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⵏⵅⴻⵎⵎⴻⵎ « ⴰⴷ ⵏⴻⵔⵥⴻⵎ ⵜⴰⵡⵡⵓⵔⵜ, ⵙⴻⴳ-ⴰ ⵖⴻⵔ ⵙⴷⴰⵜ, ⵉ ⵡⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵖ ⵓⵔ ⵢⴻⵙⵙⴰⵡⴰⵍⴻⵏ ⵜⴰⵎⴰⵣⵉⵖⵜ, ⴰⴽⴽⴻⵏ ⴰⴷ ⵙⵄⵓⵏ ⵜⵓⵜⵍⴰⵢⵜ ⵏⵉⴹⴻⵏ ».
ⵖⴻⴼ ⵡⴰⵢⴰ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵉⵀⴻⵢⵢⴰ-ⴷ, ⵙ ⵡⴻⵎⵄⴰⵡⴻⵏ ⴷ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵓⵙⵙⴻⵍⵎⴻⴷ ⵏ ⵜⵉⵔⴰ ⴻⴷ ⵜⵖⵓⵔⵉ ⴻⴷ ⵡⴻⵍⵎⵓⴷ ⵏ ⵢⵉⵎⴻⵏⴳⴰⴹⴻⵏ ⴷ ⵜⵉⴷⴷⵓⴽⵍⴰ ⵏ ⵉⵇⵔⴰ’, ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ-ⴰ ⵜⴰⵖⴻⵍⵏⴰⵡⵜ ⵉ ⵢⵉⵎⴻⵏⴳⴰⴹⴻⵏ (ⴱⴰⵍⵉⵖⵉⵏ) ⴰⵢ ⵢⴻⴱⵖⴰⵏ ⴰⵢⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⵉ-ⵏⵏⴻⵙ ⵖⴻⴼ ⴼⵕⴰⵏⵙⴰ, ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷⴰⴽⴽⴻⵏ ⵉⴳⴰ-ⵜⵜ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵏ ⵏ ⵡⴻⵎⵙⴻⴼⵀⴰⵎ ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵉ ⵡⴻⴹⴼⴰⵔ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ ⴷⴻⴳ ⵜⵙⵓⴷⴰ (ⵀⴰⵢ’ⴰⵜ) ⵏ ⵓⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵏ ⵢⴻⴷⵍⴻⵙ ⵉⵏⴻⵚⵍⵉⵢⴻⵏ (ⴻⵍⵛⵧ-ⵍⴻⵣⵣⴰⵢⴻⵔ) ⴷ ⵓⵖⴻⵔⴱⴰⵣ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⵏ ⵒⴰⵔⵉⵙ ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ.
