ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴻⴽⴽⴻⴷ-ⴷ ⵧⵓⵍⴷ ⴽⵀⴻⵍⵉⴼⴰ ⵖⴻⴼ ⵓⴷⴷⵓⴽⴽⴻⵍ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴱⴻⴷⴷⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵢⵉⵡⴻⵏ ⵏ ⵡⴰⴷⵓⵔ ⴰⴽⴽⴻⵏ ⴰⴷ ⵢⴻⴼⴼⴻⵖ ⵢⵉⵎⴻⵏⵖⵉ-ⵏⵙⴻⵏ ⵖⴻⵔ ⵜⴰⴼⴰⵜ, ⴰⴷ ⵙⵍⴻⵍⵍⵉⵏ ⵜⴰⵎⵓⵔⵜ-ⵏⵙⴻⵏ ⵢⴻⵔⵏⵓ ⴰⴷ ⴰⵡⵉⵏ ⴰⵣⴰⵔⵓⴳ (ⵉⵙⵜⵉⵇⵍⴰⵍ).
ⴷⴻⴳ ⵡⴻⵎⵢⴰⴳⴻⵔ-ⵏⵏⴻⵙ ⴷ ⵓⵏⴻⵖⵍⴰⴼ ⵓⵕⴷⵓⵏⵉ ⴰⵇⴱⵓⵔ ⵏ ⵓⵙⵙⴻⵍⵖⵓ (ⵉⵄⵍⴰⵎ), ⵙⴰⵎⵉⵔ ⵎⵧⵜⴰⵡⵉⴻ, ⵉⴳⴻⵔ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵜⵉⵖⵔⵉ ⵉ ⵜⴻⴳⵔⴰⵡⵉⵏ ⵜⵉⵎⴻⵖⵏⴰⵙⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⴰⴽⴽⴻⵏ « ⴰⴷ ⴷ-ⵍⴻⵎⴷⴻⵏⵜ ⵙⴻⴳ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴰⵢ ⵢⵓⵖⴰⵍⴻⵏ ⴷ ⴰⵎⴻⴷⵢⴰ ⵉ ⵢⵉⵖⴻⵔⴼⴰⵏ ⴰⵢ ⵉⵃⴻⵎⵎⵍⴻⵏ ⵜⵉⵍⴻⵍⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⴰⴷⵉⵡⴻⵏⵏⵉ (ⵃⵉⵡⴰⵔ) ⴰⵢ ⴷ-ⵢⴻⵍⵍⴰⵏ ⴳⴰⵔ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⴻⴷ ⵎⴰⵙⵙ ⵎⵧⵜⴰⵡⵉⴻ ⵉⵃⵓⵣⴰ-ⴷ ⴰⵟⴰⵙ ⵏ ⵜⴻⵎⵙⴰⵍⵜ, ⴳⴰⵔ-ⴰⵙⴻⵏⵜ ⴰⵎⴳⴰⵔⵓ (ⵃⴰⵔⴱ) ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⴻⴷ ⵡⴰⵣⴰⵍⴻⵏ-ⵏⵏⴻⵙ ⴻⴷ ⵜⴻⴳⵏⵉⵜ ⵜⴰⵎⵉⵔⴰⵏⵜ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ, ⵍⴰⴷⵖⴰ ⵜⴰⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⴱⴷⴻⵔ-ⴷ ⵎⴰⵙⵙ ⵙⴰⵎⵉⵔ ⵎⵧⵜⴰⵡⵉⴻ ⵜⵜⴻⵊⵕⵉⴱⴰ-ⵏⵏⴻⵙ ⴻⴷ ⵡⴰⵛⵃⴰⵍ ⵙⴻⴳ ⵢⴻⵎⴹⴻⴱⴱⵔⴻⵏ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⴰⵎⴳⴰⵔⵓ ⵏ ⵍⴷⵣⴰⵢⴻⵔ ⵜⴻⵍⵍⴰ-ⴷ ⴷ ⵜⵜⴰⵕ ⵉ ⵍⴻⵅⵚⴰⵔⴰ ⵏ 1948 ⵎⴳⴰⵍ ⵉⵙⵕⴰⵢⵉⵍ, ⵢⴻⵔⵏⵓ ⵢⴻⵙⵙⴽⴻⵏ-ⴷ ⵡⴰⵢⴰ ⴷⴰⴽⴽⴻⵏ ⴰⵖⵍⴰⵏ ⴰⵄⵕⴰⴱ ⵢⴻⵣⵎⴻⵔ ⴰⴷ ⵢⴻⵔⴱⴻⵃ ⵉⵎⴻⵏⵖⵉⵢⴻⵏ-ⵏⵏⴻⵙ.
ⵙ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ « ⵡⴻⵃⵔⴰⵣ ⵏ ⵡⴰⵣⴰⵍⴻⵏ ⵏ ⵜⴻⴳⵔⴰⵡⵍⴰ ⵜⴰⵎⴰⵏⴳⴰⵏⵜ (ⵎⴰⴵⵉⴷⴰ) ⵏ ⵓⵎⴻⵏⵣⵓ ⵏ ⵡⴻⵎⴱⴻⵔ ».
