ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⵥⴻⵎ ⵡⴰⵎⵎⴰⵙ ⴰⵎⴰⵢⵏⵓ ⵉ ⵡⴻⴱⴷⴰⴷ ⵉ ⵢⵉⵍⵓⴼⴰⵏⴻⵏ ⴷ ⵜⵢⴻⵎⵎⴰⵜⵉⵏ ⴷⴻⴳ ⵜⵖⴻⵔⴷⴰⵢⵜ

ⵜⴰƔⴻⵔⴷⴰⵢⵜ – ⵢⴻⵔⵥⴻⵎ ⵢⵉⵡⴻⵏ ⵏ ⵓⵎⴻⵥⵍⵓ (ⵎⴰⵚⵍⴰⵃⴰ) ⴰⵎⴰⵢⵏⵓ ⵉ ⵡⴻⴱⴷⴰⴷ ⵉ ⵢⵉⵍⵓⴼⴰⵏⴻⵏ ⴻⴷ ⵜⵢⴻⵎⵎⴰⵜⵉⵏ ⴷⴻⴳ ⵡⴻⵙⴱⵉⵟⴰⵔ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⵙⵏⴰⵊⵢⴰ ⵏ ⵜⵢⴻⵎⵎⴰⵜ ⴻⴷ ⵡⴻⴳⵔⵓⴷ « ⴳⵓⴻⴷⴷⵉ-ⴱⴰⴽⵉⵔ » ⴰⵢ ⴷ-ⵢⵓⵙⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵜⵖⴻⵔⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵜⵉⴳⴳⴻⵜ-ⴰ ⵏ ⵡⴻⴱⴷⴰⴷ ⵉ ⵢⵉⵍⵓⴼⴰⵏⴻⵏ ⴻⴷ ⵜⵢⴻⵎⵎⴰⵜⵉⵏ ⵜⴻⵜⵜⵡⴰⵔⵥⴻⵎ ⴷⴻⴼⴼⵉⵔ ⵎⴰ ⵉⴼⵓⴽ ⵓⵅⴻⴷⴷⵉⵎ ⵏ ⵓⵚⴻⴳⴳⴻⵎ ⴻⴷ ⵓⵙⵙⴻⵎⵖⴻⵔ ⵏ ⵡⴻⵎⴽⴰⵏ ⴰⵢⴷⴻⴳ ⵍⵍⴰⵏ ⵜⵜⴷⴰⵡⵉⵏ ⵉⵍⵓⴼⴰⵏⴻⵏ ⵢⴻⵏⴹⴻⵔⵔⴻⵏ, ⵢⴻⵔⵏⵓ ⵢⴻⵙⵇⴰⵎ-ⴷ ⵛⵛⵖⴻⵍ-ⴰ 7 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵎⵀⴰⵍ ⵏ ⵜⴷⴰⵡⵙⴰ (ⵎⵓⴷⵉⵔ ⴰⵚ-ⵚⵉⵃⵃⴰ) ⴻⴷ ⵢⵉⵎⴻⵣⴷⴰⵖⴻⵏ ⵏ ⵜⵖⴻⵔⴷⴰⵢⵜ, ⴱⴰⵛⵀⵉⵔ ⴱⴰⵀⴰⵣ.

ⵢⴻⵍⵍⴰ-ⴷ ⵓⵅⴻⴷⴷⵉⵎ ⴷ ⴰⵎⴻⵇⵔⴰⵏ ⴷⴻⴳ ⵡⴻⵙⴱⵉⵟⴰⵔ ⵏ ⵜⵖⴻⵔⴷⴰⵢⵜ ⵉ ⵍⴻⴱⵏⵉ ⵏ ⵜⵉⴳⴳⴻⵜ-ⴰ ⵉ ⵓⴷⴰⵡⵉ ⵏ ⵢⵉⵍⵓⴼⴰⵏⴻⵏ ⵉⵎⴰⵢⵏⵓⵜⴻⵏ ⵙ ⵓⵇⴰⴷⴻⵔ ⵏ ⵜⴻⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ ⴻⴷ ⵡⴻⵙⵡⵉⵔ ⵏ ⵓⴷⴰⵡⵉ ⵏ ⵜⵖⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.

ⵜⵉⴳⴳⴻⵜ-ⴰ ⵜⴰⵎⴰⵢⵏⵓⵜ ⴰⴷ ⴷ-ⵜⴻⴼⴽ ⵉⵎⴻⵥⵍⴰ ⵏ ⵜⵖⴰⵔⴰ ⵉ ⵜⵙⴻⴷⵏⴰⵏ ⴰⴷ ⴷ-ⵢⴻⵔⴱⵓⵏ ⴷⴻⴳ ⵍⴰⵎⴰⵏ, ⴰⵎ ⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵏⵇⴻⵙ ⵏ ⵡⴻⴼⵎⵉⴹⵉ ⵏ ⵜⵎⴻⵜⵜⴰⵏⵜ ⵏ ⵜⵢⴻⵎⵎⴰⵜⵉⵏ ⴻⴷ ⵢⵉⵍⵓⴼⴰⵏⴻⵏ, ⵍⴰⴷⵖⴰ ⵉⵎⵉ ⵡⴰ ⴷ ⵢⵉⵡⴻⵏ ⵙⴻⴳ ⵢⴻⵙⵡⴰⵏ ⵉⴳⴻⵊⴷⴰⵏⴻⵏ ⵏ ⵓⵎⴰⴳⵉⵎ (ⴰⵍⴼⵉⵢⵢⴰ) ⵉ ⵜⵏⴻⴼⵍⵉⵜ (ⵜⴰⵏⵎⵉⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵎⴻⵥⵍⵓ-ⴰ ⵢⴻⵎⵎⵓⵣⵣⴳⴻⵏ ⴷⴻⴳ-ⵙ 24 ⵏ ⵡⵓⵙⵓⵜⴻⵏ ⵢⴻⵔⵏⵓ ⵢⴻⵙⵄⴰ ⵜⵜⴰⵡⵉⵍ ⴷ ⴰⵎⴰⵢⵏⵓ ⵏ ⵜⵙⵓⵜⴰ ⵜⴰⵏⴻⴳⴳⴰⵔⵓⵜ ⴰⵢ ⴷ-ⵢⴻⵙⵇⴰⵎⴻⵏ 25 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⴷ ⵡⵉⵏ ⴰⵢⴷⴻⴳ ⵍⵍⴰⵏⵜ 8 ⵏ ⵜⵎⴻⵣⴷⴰⵍⵉⵏ, ⵜⵉⴷⵓⴱⴰ ⵏ ⵓⵙⵙⵓⴷⴷⴻⵔ, ⵜⵉⵎⴻⵣⴷⴰⵍⵉⵏ ⵢⴻⵙⵄⴰⵏ ⵜⵜⴰⵡⵉⵍⴰⵜ ⴰⵎ ⵓⵙⴻⵍⵍⴰⴹ ⵏ ⵡⵓⴽⵙⵉⵊⵉⵏ ⴻⴷ ⵡⴻⴳⴷⵉⵍ ⴰⴷ ⵢⴻⴵⴵⴻⵏ ⴰⵍⵓⴼⴰⵏ ⴰⵢ ⴷ-ⵉⵍⵓⵍⴻⵏ ⵓⵇⴱⴻⵍ ⵡⴰⴽⵓⴷ ⴰⴷ ⵢⴻⵇⵇⵉⵎ ⴷⴻⴳ ⵜⴻⴳⵏⴻⵡⵜ ⵉⵡⴰⵜⴰⵏ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⵢⴻⴳⴷⵉⵍⴻⵏ ⵏ ⵜⵄⴻⵙⵙⴰⵙⵜ ⵏ ⵢⴻⵎⵙⴻⴽⵜⴰⵢⴻⵏ ⵏ ⵜⵓⴷⴻⵔⵜ ⴻⴷ ⵍⴻⴷⵡⴰⵃ.