ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴽⴽⵉ ⵎⴻⴷⴻⵍⵛⵉ ⴷⴻⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵜⴻⵖⴷⴻⵎⵜ ⵜⴰⵎⴻⵏⴹⴰⵡⴰⵏⵜ ⵜⴰⵎⵉⵔⴰⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵎⴻⵏⴹⴰⵡⴰⵏ, ⵎⵧⵓⵔⴰⴷ ⵎⴻⴷⴻⵍⵛⵉ, ⴰⴷ ⵢⴻⴽⴽⵉ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴻⵎⴷⵉⵏⵜ ⵏ ⵙⴰⵉⵏⵜ ⵒⴻⵜⴻⵔⵙⴱⵧⵓⵔⴳ (ⵔⵔⵓⵙ) ⵉ ⵢⵉⵎⵓⵀⴰⵍ ⵏ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ‘’ⵜⴻⵖⴷⴻⵎⵜ ⵜⴰⵎⴻⵏⴹⴰⵡⴰⵏⵜ ⵜⴰⵎⵉⵔⴰⵏⵜ, ⴰⵛⵇⵉⵔⵔⴻⵡ ⴰⴽⴽⴻⴷ ⵢⵉⵎⴰⵍ’’ ⴰⴽⴽⴻⴷ ⵓⵏⵎⴰⴳⴻⵔ ⴰⴳⵔⴰⵖⵍⴰⵏ ⵖⴻⴼ ‘’ⴰⵎⵢⵉⴽⵛⴻⵎ ⵏ ⵢⵉⴳⵎⴰⵎⴻⵏ ⵏ ⵜⴻⵖⴷⴻⵎⵜ ⵜⴰⵎⴻⵏⴹⴰⵡⴰⵏⵜ ⴰⴽⴽⴻⴷ ⵢⵉⴳⵎⴰⵎⴻⵏ ⵏ ⵜⴻⴷⴱⴻⵍⵜ’’, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵙⴻⵇⵇⴰⵎⵓ.

ⵙⵏⴰⵜ ⵜⴻⵎⵍⵉⵍⵉⵢⵉⵏ-ⴰ ⴰⵔⴰ ⴷ-ⵢⴻⴹⵔⵓⵏ ⵙⴻⴳ ⵡⴰⵙⵙ ⵏ 17 ⵖⴻⵔ 21 ⵎⴰⵢⵓ, ⵜⴻⵙⵙⵓⴷⴷⴻⵙ-ⵉⵜⴻⵏⵜ-ⵉⴷ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ ⵜⴰⵔⵓⵙⵉⵜ ⴰⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 25 ⵏ ⵓⵙⴻⵖⵏⴻⵡ-ⵉⵙ, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⴷⴻⴳ ⵜⴻⵎⵍⵉⵍⵉⵜ-ⴰ ⵉⴷⴻⴳ ⴰⵔⴰ ⴽⴽⵉⵏⵜ ⵜⵙⴻⵏⴱⴰⵔⵉⵏ ⵜⵉⵎⵏⴰⴹⴰⵏⵉⵏ ⵏ ⴷⴷⴻⵇⵙ ⵏ ⵜⵎⵓⵔⴰ, ⵎⴰⵙⵙ ⵎⴻⴷⴻⵍⵛⵉ ⴰⴷ ⵢⴻⵙⵉⵙⵙⴻⵏ ⵢⵉⵡⴻⵏ ⵏ ⵓⴹⵔⵉⵙ ⴰⵣⵡⴻⵍ-ⵉⵙ ‘’ⵜⴰⵔⵎⵉⵜ ⵜⴰⵣⵣⴰⵢⵔⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴷⴻⵎⵜ ⵜⴰⵎⴻⵏⴹⴰⵡⴰⵏⵜ’’ ⴰⴽⴽⴻⴷ ‘’ⵉⴱⴻⴷⴷⵉⵍⴻⵏ ⵉⵎⴻⵏⴹⴰⵡⴰⵏⴻⵏ ⵢⴻⵜⵜⴻⵎⴻⴹⴼⴰⵔⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.