ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⴼⴽⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵍⴰⵎⴻⵕ ⵏ ⵓⴱⴻⴷⴷⵓ ⵏ ⵓⴽⴰⵢⴰⴷ ⵏ ⵡⴻⵍⵎⵓⴷ ⴰⵍⴻⵎⵎⴰⵙ ⵙⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ

ⵡⴰⴷ ⵙⵓⴼ – ⵜⴻⴼⴽⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵍⴰⵎⴻⵕ ⵏ ⵓⴱⴻⴷⴷⵓ ⵏ ⵢⵉⴽⴰⵢⴰⴷⴻⵏ ⵏ ⵓⴳⴻⵔⴷⴰⵙ ⵏ ⵡⴻⵍⵎⵓⴷ ⴰⵍⴻⵎⵎⴰⵙ ⵏ ⵓⵙⴻⴳⴳⴰⵙ ⵏ 2015-2016 ⵙⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ.

ⵜⴰⵡⵉⵍⴰⵢⵜ-ⴰ ⵜⴻⵙⵄⴰ 14.655 ⵏ ⵢⵉⵏⴻⵍⵎⴰⴷⴻⵏ ⴰⴷ ⵢⴻⵙⵄⴻⴷⴷⵉⵏ ⴰⴽⴰⵢⴰⴷ-ⴰ ⴷⴻⴳ 63 ⵏ ⵢⵉⵖⴻⵔⴱⴰⵣⴻⵏ ⴰⵢ ⴷ-ⵢⵓⵙⴰⵏ ⴷⴻⴳ 30 ⵏ ⵜⵖⵉⵡⴰⵏⵉⵏ.

3.498 ⵏ ⵢⵉⵄⴻⵙⵙⴰⵙⴻⵏ ⴰⵢ ⴷ-ⵢⴻⵜⵜⵡⴰⵙⴱⴻⴳⵙⴻⵏ ⴰⴽⴽⴻⵏ ⴰⴷ ⵄⴰⵙⵙⴻⵏ ⵉⴽⴰⵢⴰⴷⴻⵏ ⵡⴻⵍⵎⵓⴷ ⴰⵍⴻⵎⵎⴰⵙ ⴷⴻⴳ ⵜⵖⵉⵡⴰⵏⵜ-ⴰ, ⴳⴰⵔ-ⴰⵙⴻⵏ ⵓⵍⴰ ⴷ ⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ) ⴷ ⵢⵉⵎⴻⵙⵏⴰⴼⵙⵉⵢⴻⵏ.

ⴷⴻⴳ ⵜⵎⵓⵔⵜ, ⵙ ⵓⵎⴰⵜⴰ, 559.926 ⵏ ⵢⵉⵏⴻⵍⵎⴰⴷⴻⵏ ⴰⴷ ⵢⴻⵙⵄⴻⴷⴷⵉⵏ ⴰⴽⴰⵢⴰⴷ ⵏ ⵡⴻⵍⵎⵓⴷ ⴰⵍⴻⵎⵎⴰⵙ ⵏ 2016 ⴷⴻⴳ 2.192 ⵏ ⵢⵉⵖⴻⵔⴱⴰⵣⴻⵏ, ⵢⴻⵔⵏⵓ ⴰⴷ ⵜⴻⵏ-ⵄⴰⵙⵙⴻⵏ 98.500 ⵏ ⵢⵉⵄⴻⵙⵙⴰⵙⴻⵏ, ⴳⴰⵔ-ⴰⵙⴻⵏ ⵢⵉⵙⴻⵍⵎⴰⴷⴻⵏ, ⵉⵏⴻⵎⵀⴰⵍⴻⵏ (ⵎⵓⴷⴰⵔⴰ’) ⴷ ⵢⵉⵎⴰⵙⵡⴰⴹⴻⵏ (ⵎⵓⴼⴰⵜⵜⵉⵛⵉⵏ).