ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⵎ 2016 : ⴱⴷⴰⵏ ⵉⴽⴰⵢⴰⴷⴻⵏ ⴷⴻⴳ ⴰⴽⴽ ⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⵡⵉⵔ ⴰⵍⴻⵎⵎⴰⵙ (ⴱⴻⵎ) ⴱⴷⴰⵏ ⴰⵙⵙ ⵏ ⵜⵜⵍⴰⵜⴰ ⵜⴰⵚⴻⴱⵃⵉⵜ ⴷⴻⴳ ⴰⴽⴽ ⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ ⵉⵖⴻⵔ ⴷ-ⵓⵙⴰⵏ 560.000 ⵉⴱⴰⵍⵎⵓⴷⴻⵏ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵉⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⵡⵉⵔ ⴰⵍⴻⵎⵎⴰⵙ.

ⵜⵛⴰⵔ-ⴷ, ⴱⴻⴷⴷⵓ ⵓⵏⵚⵉⴱ ⵏ ⵢⵉⴽⴰⵢⴰⴷⴻⵏ ⵉ ⴷ-ⵢⴻⴹⵔⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⵡⴰⴷ, ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.

ⴰⴽⴰⵢⴰⴷ-ⴰ ⵏ ⴽⵔⴰⴹ ⵡⵓⵙⵙⴰⵏ ⵙⵙⵓⴷⴷⵙⴻⵏ-ⵜ-ⵉⴷ ⵓⵣⴰⵍ ⵏ 98.000 ⵉⵎⴻⴳⴳⵉⵢⴻⵏ ⴰⴽⴽⴻⴷ ⵢⵉⵙⴻⵍⵎⴰⴷⴻⵏ.

ⵖⴻⴼ ⵍⴻⵃⵙⴰⴱ ⵏ ⵢⵉⵣⵡⵉⵍⴻⵏ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵢⵉⴽⴰⵢⴰⴷⴻⵏ ⴰⴽⴽⴻⴷ ⵜⵣⵉⵣⵡⵉⵔⵉⵏ (ⵧⵏⴻⵛ), 559.926 ⵏ ⵢⵉⴱⴰⵍⵎⵓⴷⴻⵏ (271.856 ⵏ ⵡⴰⵔⵔⴰⵛ ⴰⴽⴽⴻⴷ 288.070 ⵜⵓⵍⵍⴰⵙ) ⵉ ⵢⴻⵔⵣⴰⵏ ⵉⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⵡⵉⵔ ⴰⵍⴻⵎⵎⴰⵙ, ⴰⴷ ⵜⴻⵏ-ⵙⵙⴻⴷⴷⵓⵏ 98.500 ⵏ ⵢⵉⵙⴻⵍⵎⴰⴷⴻⵏ, ⵏ ⵢⵉⵏⴻⵎⵀⴰⵍⴻⵏ ⴰⴽⴽⴻⴷ ⵢⵉⵎⴰⵙⵡⴰⴹⴻⵏ.