ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵏⴼⴰⵔⴻⵏ ⵏ ⵢⴻⴱⵔⵉⴷⴻⵏ ⵓⵔ ⴱⴻⴷⴷⵓⵏ ⴰⵔⵎⴰ ⵍⵍⴰⵏⵜ-ⴷ ⵜⴻⵣⵔⴰⵡⵉⵏ ⵜⵓⵎⵎⵉⴷⵉⵏ (ⴰⵏⴻⵖⵍⴰⴼ)
ⵎⵉⵍⴰ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵎⵉⵍⴰ, ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵢⴻⴱⵔⵉⴷⴻⵏ ⴷ ⵜⵍⴻⴳⴳⵉⵢⵉⵏ (ⴵⵓⵙⵓⵔ) ⵓⵔ ⴷ-ⵜⵜⵉⵍⵉⵏ ⴰⵔⵎⴰ ⵡⴻⵊⴷⴻⵏⵜ-ⴷ ⵜⴻⵣⵔⴰⵡⵉⵏ ⵜⵉⵜⵡⵉⵍⴰⵏⵉⵏ ⵜⵓⵎⵎⵓⴷⵉⵏ ⴰⴽⴽⴻⵏ ⵓⵔ ⴷ-ⵜⵜⵉⵍⵉⵏ ⵡⵓⴳⵓⵔⴻⵏ ⴰⵢⵖⴻⴼ ⵓⵔ ⴱⵏⵉⵏ ⵢⴻⵔⵏⵓ ⵓⵔ ⴷ-ⵜⴻⵜⵜⵉⵍⵉ ⵍⴻⵅⵚⴰⵔⴰ ⴷⴻⴳ ⵢⴻⴷⵔⵉⵎⴻⵏ.
ⵢⴻⵃⴷⴻⵕ ⵓⵏⴻⵖⵍⴰⴼ, ⴷⴻⴳ ⴱⵓⵃⴰⵜⴻⵎ, ⵢⵉⵡⴻⵏ ⵏ ⵓⵏⴻⵙⴽⵉⵏ (ⵄⴰⵔⴹ) ⵖⴻⴼ ⵓⵙⴻⵢⵢⴻⵅ ⵏ ⵡⴰⴽⴰⵍ ⴷⴻⴳ ⵎⵉⵍⴰ, ⴷⵖⴰ ⴷ ⴰⵢⴰ ⴰⵢ ⵜ-ⵢⴻⴵⴵⴰⵏ ⴰⴷ ⴷ-ⵢⴻⵛⵔⴻⴹ ⴰⵙⵙⴻⴷⴷⵓ ⵏ ⵜⴻⵣⵔⴰⵡⵉⵏ ⵜⵉⵜⵡⵉⵍⴰⵏⵉⵏ (ⴷⵉⵔⴰⵙⴰⵜ ⵜⵉⵇⵏⵉⵢⵢⴰ) ⵏ ⵡⴰⴽⴰⵍ ⴷⴻⴳ ⵡⴰⵍⵓⴳ ⵏ ⵛⵛⵓⵔⵓⴹ ⵏ ⵢⴰⵍ ⴰⵙⴻⵏⴼⴰⵔ. ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⴷ-ⵢⴻⵜⵜⵀⴻⵢⵢⵉ ⵜⴰⴳⴻⵔⵜⵉⵍⵜ ⵜⴰⵖⴻⵍⵏⴰⵡⵜ ⵏ ⵜⴻⵎⵏⴰⴹⵉⵏ ⴰⵢⴷⴻⴳ ⵣⴻⵎⵔⴻⵏ ⴰⴷ ⴷ-ⵉⵍⵉⵏ ⵢⴻⵙⵢⴰⵅⴻⵏ, ⵢⴻⵔⵏⵓ ⴰⴷ ⴷ-ⵜⵃⴰⵣ ⵜⴳⴻⵔⵜⵉⵍⵜ-ⴰ 18 ⵏ ⵜⵡⵉⵍⴰⵢⵉⵏ. ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⴷⴰⵖ ⵜⵜⴰⵡⵉⵍ ⴰⵢⵢⴻⵙ ⴰⴷ ⵢⴻⵜⵜⵡⴰⴹⴼⴻⵔ ⵓⵙⴻⵢⵢⴻⵅ ⵏ ⵡⴰⴽⴰⵍ, ⴰⵎ ⵡⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⵓⵏⴰⴳⵔⴰⵡ ⵏ ⵓⵙⵙⴻⵍⵖⵓ ⵉ ⵜⵄⴻⵙⵙⴰⵙⵜ ⵏ ⵢⵉⵎⵓⴽⴰⵏ ⴰⵢⴷⴻⴳ ⴷ-ⵜⵜⵉⵍⵉⵏ ⵢⴻⵙⵢⴰⵅⴻⵏ.
ⴰⵙⴻⵢⵢⴻⵅ ⵏ ⵢⴻⴱⵔⵉⴷⴻⵏ ⵉⴳⴻⵍⵍⵓ-ⴷ, ⵢⴰⵍ ⴰⵙⴻⴳⴳⴰⵙ, ⵙ ⵍⴻⵅⵚⴰⵔⴰⵔ ⵜⵉⵎⴻⵇⵔⴰⵏⵉⵏ ⵉ ⵢⴻⴱⵔⵉⴷⴻⵏ ⵢⴻⵔⵏⵓ ⵢⴻⵙⵇⴰⵎⴰⵢ-ⴷ ⵡⴰⵢⴰ ⴰⵟⴰⵙ ⵏ ⵢⴻⴷⵔⵉⵎⴻⵏ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵢⴻⴱⵔⵉⴷⴻⵏ ⵉⵅⴻⵚⵔⴻⵏ.
ⴷⴻⴳ ⵜⴰⵙⴰⴷⴰⴱ ⵃⴻⴷⴷⴰⴷⴰ, ⵢⴻⵙⵙⴻⴼⵇⴻⴷ ⵎⴰⵙⵙ ⵧⵓⴰⵍⵉ ⵉⵎⴰⵀⵉⵍⴻⵏ ⵏ ⵓⵙⵙⴻⵊⵀⴻⴷ ⵏ 58 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⴻⴱⵔⵉⴷⴻⵏ ⵉⵖⴻⵍⵏⴰⵡⴻⵏ ⵏ ⵜⴻⵎⵏⴰⴹⵜ-ⴰ. ⴷⵖⴰ ⵢⴻⵛⴽⴻⵕ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴰⵙⵙⴻⴼⵄⴻⵍ ⵓⵎⵎⵉⴷ ⵏ ⵡⴰⵀⵉⵍ ⴰⵖⵍⵉⴼⴰⵏ ⵏ ⵜⵡⵉⵍⴰⵢⵜ-ⴰ ⵉ ⵜⴰⵍⵍⵉⵜ ⵏ 2010-2014, ⴷ ⴰⵀⵉⵍ ⴰⵢ ⴷ-ⵢⴻⵙⵇⴰⵎⴻⵏ 19 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.
ⵢⴻⵔⵣⴰ ⴷⴰⵖ ⵎⴰⵙⵙ ⵧⵓⴰⵍⵉ ⵖⴻⴼ ⵓⵛⴰⵏⵟⵉ ⵏ ⵍⴻⴱⵏⵉ ⵏ ⵜⵍⴻⴳⴳⵉⵜ ⵏⵏⵉⴳ ⵡⴰⵙⵉⴼ ⵏ ⵍⵎⴰⵏⴰⵕ ⵖⴻⴼ ⵜⵍⵉⵙⴰ ⴳⴰⵔ ⵎⵉⵍⴰ, ⴵⵉⴵⴻⵍ ⴷ ⵙⴹⵉⴼ, ⴷ ⴰⵙⴻⵏⴼⴰⵔ ⴰⵢ ⵢⴻⵍⵍⴰⵏ ⵢⴻⵙⵙⴻⴼⴽ ⴰⴷ ⵉⴼⴰⴽ 8 ⵏ ⵡⴰⵢⵢⵓⵔⴻⵏ ⴰⵢⴰ, ⴷⵖⴰ ⵢⴻⴼⴽⴰ ⵓⵏⴻⵖⵍⴰⴼ ⴰⵎⴻⵏⴹⴰⵔ (ⴰⴵⴰⵍ) ⵏ ⴷⴷⵓⵕⵜ ⵉ ⵜⴻⵕⵎⵉⵙⵜ ⵜⴰⵡⴻⵔⴷⴰⵏⵉⵜ ⴰⵢ ⴷ-ⵢⴻⵍⵀⴰⵏ ⵙ ⵓⵙⴻⵏⴼⴰⵔ-ⴰ ⴰⴽⴽⴻⵏ ⴰⴷ ⴷ-ⵜⵀⴻⵢⵢⵉ ⴰⵖⴰⵡⴰⵙ ⴰⵢⵢⴻⵙ ⴰⴷ ⵜⴼⴰⴽ ⵉⵎⴰⵀⵉⵍⴻⵏ ⴰⵢ ⴷ-ⵢⴻⵇⵇⵉⵎⴻⵏ.
