ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴷⵓⵇⵇⴻⵙ ⵏ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵇⴰⵟⴰⵔⵉ ⵉ ⵓⵙⵙⴻⵊⵀⴻⴷ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ

ⴷⴷⵓⵃⴰ – ⵜⵉⵔⵣⵉ ⵏ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ, ⵖⴻⴼ ⵇⴰⵟⴰⵔ ⴷ ⵜⵉⵏ ⴰⵢⴷⴻⴳ ⴷ-ⵢⴻⵍⵍⴰ ⵡⴻⵎⵙⴻⴼⵀⴰⵎ ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵎⵢⴰⴳⴻⵔ, ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ, ⴳⴰⵔ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ ⵉⴷⵣⴰⵢⵔⵉⵢⴻⵏ ⴷ ⵢⵉⵇⴰⵟⴰⵔⵉⵢⴻⵏ, ⴷ ⴰⵎⵢⴰⴳⴻⵔ ⴰⴷ ⵢⴻⵜⵜⵡⴰⴼⴰⵕⵙⴻⵏ ⵉ ⵡⴻⵙⴷⵓⵇⵇⴻⵙ ⵏ ⵓⵙⴻⵇⵇⴰⵎⵓ ⴰⵙⵉⵏⴷⵉⵙⴰⵏ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⴷ ⵓⵙⵙⴻⵊⵀⴻⴷ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⵎⵉ ⵢⴻⵔⵣⴰ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵓⵙⵙⴰⵏ ⵏ ⵜⵜⵍⴰⵜⴰ ⴷ ⵍⴰⵕⴻⴱⵄⴰ ⵖⴻⴼ ⵇⴰⵟⴰⵔ ⵙ ⵓⵏⴻⵄⵔⵓⴹ ⵏ ⵓⵏⴻⵖⵍⴰⴼ ⴰⵇⴰⵟⴰⵔⵉ ⵏ ⵜⴻⵥⵡⴻⵔⵜ, ⵎⵧⵀⴰⵎⴻⴷ ⴱⴻⵏ ⵙⴰⵍⴰⵀ ⴻⵙⵙⴰⴷⴰ, ⵢⴻⵙⵙⵓⵎⴻⵔ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⴳⴰⵔ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ ⵉⴷⵣⴰⵢⵔⵉⵢⴻⵏ ⴷ ⵢⵉⵇⴰⵟⴰⵔⵉⵢⴻⵏ ⵉ ⵓⵙⵙⴰⵍⵉ ⵏ ⵡⴻⵙⵡⵉⵔ ⵏ ⵜⵉⵛⵛⵓⵔⴽⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⴰⵙⵙⵓⵎⴻⵔ-ⴰ (ⵉⵇⵜⵉⵔⴰⵃ) ⵇⴻⴱⵍⴻⵏ-ⵜ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵉⵇⴰⵟⴰⵔⵉⵢⴻⵏ.

ⴰⵎⵢⴰⴳⴻⵔ-ⴰ ⴰⴷ ⴷ-ⵢⵉⵍⵉ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵢⵉⵏ ⵏ ⵜⴻⴷⵡⵉⵍⵜ ⵜⵉⵙ 6 ⵏ ⵜⴻⵙⵎⵉⵍⵜ ⵜⵓⵏⵏⵉⴳⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵇⴰⵟⴰⵔⵉⵜ ⴰⴷ ⴷ-ⵢⵉⵍⵉⵏ ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴼⵓⴽⴻⵏⵜ ⵜⴻⵎⵍⵉⵍⵉⵢⵉⵏ ⵏ ⵜⴻⴷⵡⵉⵍⵜ ⵜⵉⵙ 5 ⵏ ⵜⴻⵙⵎⵉⵍⵜ ⵜⵓⵏⵏⵉⴳⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵇⴰⵟⴰⵔⵉⵜ ⵏ ⵡⴻⵎⴱⴻⵔ 2014 ⴷⴻⴳ ⴷⴷⵓⵃⴰ ⵙ ⵡⴻⵙⵜⴻⵏⵢⵉ ⵏ 13 ⵏ ⵜⴻⴼⵜⴰⵔⵉⵏ (ⵡⴰⵜⴰ’ⵉⵇ), ⴳⴰⵔ-ⴰⵙⴻⵏⵜ ⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ), ⵜⵉⵙⴻⴽⵜⴰⵢⵉⵏ ⵏ ⵡⴻⵎⵙⴻⴼⵀⴰⵎ ⴷ ⵡⴰⵀⵉⵍⴻⵏ ⵉⵙⵍⴻⴽⵎⴰⵏⴻⵏ ⵢⴻⵇⵇⵏⴻⵏ ⵖⴻⵔ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ (ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ, ⵜⴰⵎⴻⵔⵔⵉⵜ, ⴰⴷⴷⴰⵍ, ⴰⵍⵎⵓⴷ ⵉⵎⵉⵏⴻⴳ, ⴰⵜⴳ.).

ⴷⴻⴳ ⵜⴳⴰⵔⴰ ⵏ ⵓⵎⵎⴰⴳⴻⵔ ⴰⵢ ⵜ-ⵢⴻⵎⵎⵓⴳⴻⵔ ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵜⴰⵇⴰⵟⴰⵔⵉⵜ, ⴰⵀⵎⴻⴷ ⴱⴻⵏ ⴰⵀⵎⴻⴷ ⵜⵧⵓⴰⵔ ⴻⵍ ⴽⵧⵓⴰⵔⵉ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷⴰⴽⴽⴻⵏ ⵢⴻⵍⵍⴰ-ⴷ ⵓⵙⴻⵏⴼⴰⵔ ⵏ ⵡⴻⵎⴱⴰⴷⴷⴻⵍ ⵏ ⵜⴻⵔⵣⴰ ⴳⴰⵔ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵉⴷⴰⵎⵙⴰⵏⴻⵏ ⴷ ⵢⴻⵎⵙⴻⵏⵣⵉⵢⴻⵏ, ⵉⵔⴳⴰⵣⴻⵏ ⵏ ⵢⵉⵡⴻⵥⵍⴰ, ⵉⴳⴻⵏⵙⴰⵙⴻⵏ ⵏ ⵜⵓⴷⴷⵙⵉⵡⵉⵏ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ ⴷ ⵢⴻⵎⵙⴻⴼⵜⵉⵢⴻⵏ ⵓⵙⵍⵉⴳⴻⵏ ⴷ ⵢⵉⵏⴰⴳⴷⵓⴷⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵇⴰⵟⴰⵔⵉⵢⴻⵏ ⴷⴻⴳ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵡⴻⵎⵛⵉⵡⴻⵕ ⴷ ⵓⵙⵙⴻⴼⵔⵓ ⵏ ⵢⵉⵏⵓⵔⴰⵔ ⵏ ⵡⴻⵎⵄⴰⵡⴻⵏ ⴰⴽⴽⴻⵏ ⴰⴷ ⵙⵡⴻⵊⴷⴻⵏ ⵉ ⵡⴻⵎⵢⴰⴳⴻⵔ ⴰⵎⴻⵇⵔⴰⵏ ⴰⴷ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ.