ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵉⵜ ⴷⵊⵧⵓⴷⵉ ⵢⴻⴱⵖⴰ ⴰⴷ ⵢⴻⵔⵏⵓ ⴰⴷ ⵢⴻⵇⵇⵉⵎ ⴷⴻⴳ ⵎⴻⵕⵕⵓⴽ

ⵔⵔⴱⴰⵟ- ⵢⴻⵏⵏⴰ-ⴷ ⵡⴻⵙⵍⴻⵖⵎⴰⵢ ⴰⴷⵣⴰⵢⵔⵉ, ⴰⵣⵣⴻⴷⵉⵏⴻ ⴰⵉⵜ ⴷⵊⵧⵓⴷⵉ (ⴰⵢ ⵍⴰ ⵢⴻⵙⵍⴻⵖⵎⴰⵢⴻⵏ ⵜⴰⵖⵍⴰⵎⵜ ⵜⴰⵎⴻⵕⵕⵓⴽⵉⵜ ⵏ ⵎⵛ ⵡⴻⵊⴷⴰ), ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⵢⴻⴱⵖⴰ ⴰⴷ ⵉⴽⴻⵎⵎⴻⵍ ⴰⵅⴻⴷⴷⵉⵎ ⴷ ⵜⴻⵖⵍⴰⵎⵜ-ⴰ ⴷⴻⴳ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⴰⵢ ⴷ-ⵢⴻⵜⵜⴻⴷⴷⵓⵏ, ⵓⵍⴰ ⵎⴰ ⵜⴰⵖⵍⴰⵎⵜ-ⴰ ⵓⵔ ⵉⵣⴰⴷ ⵓⵎⴻⵛⵡⴰⵕ-ⵏⵏⴻⵙ ⴷⴻⴳ ⵜⴻⵍⵖⵓⵖⴰ ⵜⴰⵎⴻⵕⵕⵓⴽⵉⵜ.

« ⵙⵎⴻⵏⵢⴰⴼⴻⵖ ⴰⴷ ⵔⵏⵓⵖ ⴰⴷ ⵇⵇⵉⵎⴻⵖ ⴰⵙⴻⴳⴳⴰⵙ ⵏⵉⴹⴻⵏ ⴷⴻⴳ ⵜⴻⵖⵍⴰⵎⵜ-ⴰ, ⵎⴰⵛⴰ, ⴷⴻⴳ ⵜⵛⵉⵔⴹⴰⵔⵜ, ⴰⵛⴻⵎⵎⴰ ⵓⵔ ⵢⴻⴹⵎⵉⵏ ⵢⴻⵔⵏⵓ ⴽⵓⵍⵍⴻⵛ ⵢⴻⵣⵎⴻⵔ ⴰⴷ ⵢⴻⴹⵔⵓ. ⵉⵙⵡⵉ-ⵉⵏⵓ ⴰⵎⴻⵣⵡⴰⵔⵓ ⴷ ⴰⵙⵙⵓⴽⴽⴻⵙ ⵏ ⵡⴻⵊⴷⴰ ⵙⴻⴳ ⵓⵖⴻⵍⵍⵓⵢ ⵖⴻⵔ ⵜⴻⵎⵖⵓⵏⵜ ⵜⵉⵙ ⵙⵏⴰⵜ, ⵙⴰⴽⴽⵉⵏ ⴰⴷ ⵏⵇⴻⵚⵚⴻⵔ ⵖⴻⴼ ⵢⵉⵎⴰⵍ-ⵉⵏⵓ. ⴷⴻⴳ ⵜⵉⴷⴻⵜ, ⴱⵖⵉⵖ ⴰⴷ ⴽⴻⵎⵎⵍⴻⵖ ⴰⵎⴻⵛⵡⴰⵕ ⴷ ⵜⴻⵖⵍⴰⵎⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵉⵜ ⴷⵊⵧⵓⴷⵉ ⴷⴻⴳ ⵓⴷⴻⴳ ⵏ ⴰⵍ ⴽⵧⵧⵔⴰ.

ⵙⵉⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵜⴼⵓⴽ ⵜⴻⵍⵖⵓⵖⴰ ⵏ ⵎⴻⵕⵕⵓⴽ, ⵎⵛ ⵡⴻⵊⴷⴰ ⵜⴻⴹⴹⴻⴼ ⴰⵎⴽⴰⵏ ⵡⵉⵙ 14 ⴷⴻⴳ ⵓⵙⴻⵜⵜⴻⴼ ⵙ 4 ⵏ ⵜⴻⵏⵇⵉⴹⵉⵏ, ⵢⴻⵔⵏⵓ ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵓⵇⴱⴻⵍ ⵜⵏⴻⴳⴳⴰⵔⵓⵜ ⵉⵎⵉ ⴰⵍⴰ ⵜⴰⵖⵍⴰⵎⵜ ⵏ ⵎⵧⴳⵀⵔⴻⴱ ⵏ ⴼⴰⵙ ⴰⵢ ⵢⴻⵍⵍⴰⵏ ⴷⴻⴼⴼⵉⵔ-ⵙ.

ⴷⴻⴳ ⵙⵉⵏ ⵏ ⵡⵓⵙⵙⴰⵏ ⵉⵏⴻⴳⴳⵓⵔⴰ ⵏ ⵜⴻⵍⵖⵓⵖⴰ, ⵉⵎⴰⵔⵉⵔⴻⵏ ⵏ ⴰⵉⵜ ⴷⵊⵧⵓⴷⵉ ⴰⴷ ⵎⵎⴰⴳⵔⴻⵏ ⵓⵙ ⵟⴰⵏⵊⴰ (ⴷ ⵜⵉⵙ 3 ⵏ ⵓⵙⴻⵜⵜⴻⴼ) ⴰⵢ ⵍⴰ ⵢⴻⵙⵍⴻⵖⵎⴰⵢ ⵡⴻⵙⵍⴻⵖⵎⴰⵢ ⴰⴷⵣⴰⵢⵔⵉ ⴰⴱⴷⴻⵍⵀⴰⴽ ⴱⴻⵏⵛⵀⵉⴽⵀⴰ, ⵙⴰⴽⴽⵉⵏ ⴰⴷ ⵓⵔⴰⵔⴻⵏ ⵎⴳⴰⵍ ⵜⴻⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ, ⴼⵓⵙ ⵔⵔⴱⴰⵟ.

ⴰⵙⵍⴻⵖⵎⴰⵢ ⴰⵇⴱⵓⵔ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⵢⵓⴽⵉ ⵙ ⵍⴻⵡⵄⴰⵕⴰ ⵏ ⵛⵛⵖⴻⵍ-ⵏⵏⴻⵙ ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ ⵏ ⵡⴻⵊⴷⴰ ⴰⵜⵜⴰⵏ ⵖⴻⴼ ⵙⵙⴻⴱⴱⴰ ⴰⴽⴽⴻⵏ ⴰⴷ ⵜⴻⵖⵍⵉ ⵙⴻⴳ ⵜⴻⵎⵖⵓⵏⵜ ⵜⴰⵎⴻⵣⵡⴰⵔⵓⵜ.

« ⴰⴷ ⵏⵇⴰⴱⴻⵍ ⵟⴰⵏⵊⴰ ⵢⴻⴱⵖⴰⵏ ⴰⴷ ⵜⴻⵃⵔⴻⵣ ⴰⵎⴽⴰⵏ-ⵏⵏⴻⵙ ⵡⵉⵙ 3, ⵙⴰⴽⴽⵉⵏ ⴰⴷ ⵏⵇⴰⴱⴻⵍ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⴰⵢ ⵢⴻⴱⵖⴰⵏ ⴰⴷ ⵜⴻⵔⴱⴻⵃ ⴷⴻⴳ ⵜⴻⵍⵖⵓⵖⴰ. ⴰⵢⴰ ⴰⴷ ⵢⵉⵍⵉ ⵢⴻⵡⵄⴻⵕ ⴰⵟⴰⵙ, ⵎⴰⵛⴰ ⴰⴷ ⵏⴻⵏⵏⴰⵖ ⴰⵎ ⵢⵉⵔⵔⴰⵏ ⴰⴽⴽⴻⵏ ⴰⴷ ⵏⴻⵃⵔⴻⵣ ⴰⵎⴽⴰⵏ-ⵏⵏⴻⵖ ⴷⴻⴳ ⵜⴻⵎⵖⵓⵏⵜ ⵜⴰⵎⴻⵣⵡⴰⵔⵓⵜ ».