ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⴻⵍⵍⴰⵍ ⴷⴻⴳ ⵜⵉⵣⵉ ⵡⴻⵣⵣⵓ: ⵜⵉⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴰⴷ ⴷ-ⵜⴻⵍⵀⵓ ⴷ ⵓⵄⴰⵡⴻⴷ ⵏ ⵓⵀⴻⵢⵢⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ
ⵜⵉⵣⵉ ⵡⴻⵣⵣⵓ– ⵜⵉⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ (ⴰⵡⴰⵏⴰⴽ, ⵜⵉⵕⵎⵉⵙⵉⵏ, ⵉⵏⵎⵓⵍⴰ) ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵜⵉⵏ ⴰⴷ ⴷ-ⵢⴻⵍⵀⵓⵏ ⴷ ⵓⵄⴰⵡⴻⴷ ⵏ ⵓⵙⵙⴻⵎⵚⴻⴽ (ⵀⴰⵢⴽⴰⵍⴰ) ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵉⵣⵉ ⵡⴻⵣⵣⵓ, ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.
ⵎⵉ ⴷ-ⵢⴻⵙⵙⴰⵡⴻⵍ ⵙⴷⴰⵜ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴷⴰⵎⵙⴰⵏⵉⵏ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵉⴷⵉⴳⴰⵏⴻⵏ, ⵢⴻⵏⵏⴰ-ⴷ ⵎⴰⵙⵙ ⵙⴻⵍⵍⴰⵍ ⴷⴰⴽⴽⴻⵏ « ⵢⵉⵡⴻⵜ ⵙⴻⴳ ⵜⴻⵏⵇⵉⴹⵉⵏ ⴰⵢⵖⴻⴼ ⴰⴷ ⴷ-ⵢⵉⵍⵉ ⵡⴰⵡⴰⵍ ⴷⴻⴳ ⵜⴻⵎⵍⵉⵍⵉⵜ ⵏ ⴽⵔⴰⴹ ⵏ ⵢⵉⴷⵉⵙⴰⵏ ⵏ ⵢⵓⵏⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵜⴰⵎⵙⴰⵍⵜ ⵏ ⵜⵎⵓⴷⴻⵎⵜ ⵜⴰⴷⴰⵎⵙⴰⵏⵜ ⵜⴰⵎⴰⵢⵏⵓⵜ ⴷ ⵢⵉⵃⴻⵣⵣⵉⴱⴻⵏ ⴰⴷ ⵢⴻⴵⴵⴻⵏ ⵜⴰⵎⵓⵔⵜ ⴰⴷ ⵜⴻⴹⴼⴻⵔ ⵜⴰⵙⴻⵔⵜⵉⵜ ⵏ ⵓⵏⵏⴻⵔⵏⵉ ⴰⴷ ⴰⵖ-ⵢⵉⵍⵉⵏ ⴷ ⵜⵉⴼⵔⴰⵜ ⵜⴰⵡⵃⵉⴷⵜ ». ⵢⴻⵔⵏⴰ-ⴷ ⵎⴰⵙⵙ ⵙⴻⵍⵍⴰⵍ ⴷⴰⴽⴽⴻⵏ « ⵏⴻⵜⵜⴽⴻⵍ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵖⴻⴼ ⵓⵎⴻⴷⵅⵓⵍ ⵏ ⵓⵒⵉⵜⵕⵓⵍ ⵢⴻⵔⵏⵓ ⴷ ⴰⵢⴰ ⴰⵢ ⴰⵖ-ⵢⴻⴵⴵⴰⵏ ⴰⴷ ⵏⴻⵙⵕⵓⵃ ⴰⵣⴰⵍ ⵏ ⵓⵅⴻⴷⴷⵉⵎ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴷ ⵢⴻⵡⵡⴻⴹ-ⴷ ⵡⴰⴽⵓⴷ ⴰⴽⴽⴻⵏ ⴰⴷ ⴰⵙ-ⴷ-ⵏⴻⵔⵔ ⴰⵣⴰⵍ-ⵏⵏⴻⵙ ⵉ ⵓⵅⴻⴷⴷⵉⵎ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵏ ⵓⵏⴰⴱⴰⴹ ⵎⵉ ⵜⴻⵖⵍⵉ ⵙⵙⵓⵎⴰ ⵏ ⵓⵒⵉⵜⵕⵓⵍ, ⵢⴻⵏⵏⴰ-ⴷ ⵎⴰⵙⵙ ⵙⴻⵍⵍⴰⵍ ⴷⴰⴽⴽⴻⵏ « ⵜⴰⵎⵓⵔⵜ ⴰⴷ ⵜⴽⴻⵎⵎⴻⵍ ⴰⴷ ⵜⴻⵜⵜⴼⴰⵔⴰⵙ (ⵜⵓⵏⵜⵉⴵ) ⴰⵒⵉⵜⵕⵓⵍ ⴷ ⵍⴳⴰⵣ ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵡⴻⵙⵏⴻⴼⵍⵉ ⴰⴷⴰⵎⵙⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴽⴽⴻⵏ ⴰⴷ ⵜⴻⵙⵙⵉⵏⴻⴼ ⵜⵎⵓⵔⵜ ⵉ ⵓⵔⴻⴹⴹⴰⵍ ⵏ ⵢⴻⴷⵔⵉⵎⴻⵏ ⵙⴻⴳ ⵡⴻⵣⵖⴰⵔ, ⵢⴻⵙⵙⴻⴼⴽ ⴰⴷ ⵜⴻⵜⵜⴽⴻⵍ ⵖⴻⴼ ⵜⵣⴻⵎⵎⴰⵔ-ⵏⵏⴻⵙ ⴰⵢ ⴷ-ⵢⴻⵙⵙⴰⴷⴰⴼⴻⵏ ⵉⴷⵔⵉⵎⴻⵏ ⵢⴻⵔⵏⵓ ⵙⵏⵓⵍⴼⵓⵢⴻⵏⵜ-ⴷ ⵉⵎⵓⴽⴰⵏ ⵏ ⵓⵅⴻⴷⴷⵉⵎ.
