ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⵛⵉ ⵏ ⵜⵙⵓⵔⴰ ⵏ 180 ⵏ ⵜⵏⴻⵣⴷⵓⵖⵉⵏ ⵉ ⵢⵉⵎⴰⵡⵍⴰⵏ-ⵏⵙⴻⵏⵜ ⴷⴻⴳ ⴳⴷⴻⵢⵢⴻⵍ (ⵡⴻⵀⵕⴰⵏ)

ⵡⴻⵀⵕⴰⵏ – ⵜⵜⵓⵏⴻⴼⴽⴻⵏⵜ ⵜⵙⵓⵔⴰ ⵏ 180 ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵢⴻⵜⵜⵡⴰⵍⵍⴻⵏ (ⵍⵒⴰ), ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵉ ⵢⵉⵎⴰⵡⵍⴰⵏ-ⵏⵙⴻⵏⵜ ⴷⴻⴳ ⵜⵖⵉⵡⴰⵏⵜ ⵏ ⴳⴷⴻⵢⵢⴻⵍ, ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⴰⵢ ⵢⴻⵙⵙⴻⵍⵡⵉ ⵓⵡⴰⵍⵉ ⵏ ⵡⴻⵀⵕⴰⵏ, ⴰⴱⴷⴻⵍⴳⵀⴰⵏⵉ ⵣⴰⴰⵍⴰⵏⴻ.

ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵓⵡⴰⵍⵉ ⴷⴰⴽⴽⴻⵏ ⴰⴼⵔⴰⵇ-ⴰ ⵏ ⵜⵏⴻⵣⴷⵓⵖⵜ ⴰⵢ ⴷ-ⵢⴻⵍⵍⴰⵏ ⴽⵔⴰ ⴽⴰⵏ ⵏ ⵡⵓⵙⵙⴰⵏ ⵓⵇⴱⴻⵍ ⵔⴻⵎⴹⴰⵏ ⴷ ⵏⴻⵜⵜⴰ ⴰⵢ ⴷ ⵡⵉⵙ 3, ⴷⴻⴼⴼⵉⵔ ⵡⴻⴼⵔⴰⵇ ⴰⵢ ⴷ-ⵢⴻⵍⵍⴰⵏ ⴷⴻⴳ ⴱⴻⵍⴳⴰⵉⴷ (182 ⵏ ⵜⵏⴻⵣⴷⵓⵖⵉⵏ) ⴷ ⵡⴰⴷ ⵜⵜⵍⵉⵍⴰⵜ (200 ⵏ ⵜⵏⴻⵣⴷⵓⵖⵉⵏ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵡⴻⵀⵕⴰⵏ ⵜⴻⵙⴼⴰⵢⴷⵉ-ⴷ ⵙⴻⴳ ⵡⴰⵀⵉⵍ ⵏ 6.500 ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵢⴻⵜⵜⵡⴰⵍⵍⴻⵏ. ⴳⴰⵔ ⵜⵏⴻⵣⴷⵓⵖⵉⵏ-ⴰ, 1.400 ⵜⵜⵡⴰⵡⴻⴽⴽⵍⴻⵏⵜ ⵉ ⵓⴷⵉⵡⴰⵏ ⵏ ⵡⴻⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ) ⴷⴻⴳ ⴱⴻⵍⴳⴰⵉⴷ ⴷ ⵄⵉⵏ ⵟⵟⴻⵔⴽ.

ⵜⴰⵏⴻⴳⴳⴰ (ⵡⴰⴽⴰⵍⴰ) ⵏ ⵡⴰⴽⴰⵍ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ ⵜⴻⵜⵜⵡⴰⵡⴻⴽⴽⴻⵍ ⴰⴷ ⵜⴻⴱⵏⵓ 1.300 ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⴷⴻⴳ ⵜⵖⵉⵡⴰⵏⵉⵏ ⵏ ⵙⵙⴰⵏⵢⴰ (300), ⴳⴷⴻⵢⵢⴻⵍ (350), ⴱⵓⵜⵍⵉⵍⵉⵙ (300) ⴷ ⵡⴰⴷ ⵜⵜⵍⵉⵍⴰⵜ (350).

ⴰⴷⵉⵡⴰⵏ ⵏ ⵡⴻⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵔⵏⵓ ⴰⴷ ⵢⴻⴼⵔⴻⵇ, ⴷⴻⴳ ⵢⵓⵏⵢⵓ-ⴰ, 100 ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵢⴻⵜⵜⵡⴰⵍⵍⴻⵏ ⴷⴻⴳ ⵄⵉⵏ ⵟⵟⴻⵔⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ ⴷⴻⴳ ⵜⴼⵓⴳⵍⴰ-ⴰ.