ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵖⵉⵍⵉⵣⴰⵏ: ⴰⵎⵜⴰⵡⴰ ⵏ ⵜⵉⵛⵛⵓⵔⴽⴰ ⴳⴰⵔ ⵜⴻⵅⵅⴰⵎⵉⵏ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ, ⵏ ⵜⴽⴻⵔⵔⴰⵣⵜ ⴷ ⵜⴻⵏⴹⵉ

ⵖⵉⵍⵉⵣⴰⵏ– ⵢⴻⵜⵜⵡⴰⵙⵜⴻⵏⵢⴰ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⵉⵛⵛⵓⵔⴽⴰ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵖⵉⵍⵉⵣⴰⵏ, ⴳⴰⵔ ⵜⴻⵅⵅⴰⵎⵉⵏ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ (ⵚⵉⵏⴰⵄⴰ), ⵏ ⵜⴽⴻⵔⵔⴰⵣⵜ, ⵏ ⵜⴻⵏⴹⵉ ⴷ ⵜⴻⵅⵅⴰⵎⵜ ⵜⵓⵛⵔⵉⴽⵜ ⵜⴰⴳⴻⵔⵡⵉⵍⴰⵢⵜ ⵏ ⵚⵚⵢⴰⴷⴰ ⴷ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ ⵉ ⵓⵙⵙⴻⵍⵀⵓ ⵏ ⵜⵖⴻⵍⵍⴰⵜ ⴷⴻⴳ ⵢⴻⵃⵔⵉⵛⴻⵏ-ⴰ ⵉⴷⴰⵎⵙⴰⵏⴻⵏ.

ⴰⵎⵜⴰⵡⴰ-ⴰ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴰⴷ ⵢⴻⵜⵜⵡⴰⵄⴰⵡⴰⴷ ⵢⴻⵔⵏⵓ ⵙⵜⴻⵏⵢⴰⵏ-ⵜ ⵢⵉⵏⴻⵎⵀⴰⵍⴻⵏ ⵏ 4-ⴰ ⵏ ⵜⴻⵅⵅⴰⵎⵉⵏ ⵏ ⵜⵡⵉⵍⴰⵢⵜ ⵏ ⵖⵉⵍⵉⵣⴰⵏ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵡⴻⵙⵃⵓⵍⴼⵓ ⵖⴻⴼ ⵜⵏⴻⵣⵣⵓⵜ (ⵜⵉⴵⴰⵔⴰ).

ⴰⵎⵜⴰⵡⴰ-ⴰ ⵏ ⵡⴻⵎⵄⴰⵡⴻⵏ, ⵏ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴷ ⵡⴻⵎⵛⵉⵡⴻⵕ ⴳⴰⵔ 4-ⴰ ⵏ ⵜⴻⵅⵅⴰⵎⵉⵏ ⴷ ⴰⵢⴻⵏ ⴰⴷ ⵜⴻⵏⵜ-ⵢⴻⴵⴵⴻⵏ ⴰⴷ ⵜⵜⴻⵎⴱⴰⴷⴷⴰⵍⴻⵏⵜ ⵜⵉⵍⵖⴰ (ⵎⴰⵄⵍⵓⵎⴰⵜ) ⴷ ⵜⵜⴻⵊⵕⵉⴱⴰⵜ, ⴰⴷ ⵙⵙⵓⴷⴷⵓⵙⴻⵏⵜ ⵜⵉⴷⵡⵉⵍⵉⵏ ⵏ ⵓⵙⵙⵉⵍⴻⵖ ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵢⴻⵃⵔⵉⵛⴻⵏ-ⴰ ⴷ ⵜⴻⴷⵢⴰⵏⵉⵏ ⵜⵓⵛⵔⵉⴽⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ ⵜⵡⵉⵍⴰⵢⵜ ⵏ ⵖⵉⵍⵉⵣⴰⵏ, ⴰⴱⴷⴻⵍⴽⴰⴷⴻⵔ ⵙⴰⵎⴻⵔ.

ⵉⵙⵡⵉ ⵏ ⵡⴻⵎⵜⴰⵡⴰ-ⴰ, ⴷⴰⵖ, ⴷ ⴰⵙⵙⵉⴼⵙⴻⵙ ⵏ ⵓⵖⴻⵍⵍⴻⵜ ⵏ ⵜⵃⵓⵏⴰ ⴷ ⵜⵜⴰⵡⵉⵍⴰⵜ ⵏ ⵓⵅⴻⴷⴷⵉⵎ ⴷⴻⴳ ⵢⴻⵃⵔⵉⵛⴻⵏ-ⴰ ⵉ ⵍⵎⴻⵏⴷ ⵏ ⵓⴼⴰⵔⴻⵙ (ⵉⵏⵜⴰⴵ), ⴰⵙⵙⴻⵏⵣⵉ, ⵉⵎⴻⵥⵍⴰ (ⵅⴰⴷⴰⵎⴰⵜ), ⴰⴼⵔⴰⵇ ⴷ ⵡⴰⵢⴻⵏ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴼⵓⵕⵙⴻⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵎⵢⴰⴳⴻⵔ-ⴰ ⴰⴽⴽⴻⵏ ⴰⴷ ⴷ-ⵙⴼⴻⵀⵎⴻⵏ ⴷⴷⵓⵕ ⵏ ⵜⴻⴼⵜⴰⵔⵜ (ⵡⴰⵜⵉⵇⴰ) ⵏ ⵡⴻⵎⵙⴻⵡⵡⴰⵇ ⴰⵎⵙⴻⵏⵣⵉ ⴰⴷ ⵢⵓⵖⴰⵍⴻⵏ ⴰⴷ ⵢⴻⵜⵜⵡⴰⵙⵙⴻⵇⴷⴰⵛ ⴷⴻⴳ ⵡⴻⵎⴽⴰⵏ ⵏ ⵜⴼⴰⵜⵓⵕⵜ ⴷⴻⴳ ⵢⴻⵃⵔⵉⵛⴻⵏ ⵏ ⵜⴽⴻⵔⵔⴰⵣⵜ, ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴷ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ). ⵍⴽⴰⵖⴻⴹ-ⴰ ⵓⵔ ⵢⴻⵜⵜⵄⴻⴹⴹⵉⵍ ⴰⴷ ⵢⵓⵖⴰⵍ ⴰⴷ ⵢⴻⵜⵜⵡⴰⵙⵙⴻⵇⴷⴰⵛ ⵙ ⵡⵓⴷⴻⵎ ⵓⵏⵚⵉⴱ.

ⴰⵙⵙ-ⴰ ⵏ ⵡⴻⵙⵃⵓⵍⴼⵓ, ⴰⵢ ⴷ-ⵜⴻⵙⵙⵓⴷⴷⴻⵙ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ « ⵎⵉⵏⴰ » ⵏ ⵖⵉⵍⵉⵣⴰⵏ, ⵜⵜⴻⴽⴽⴰⵏ ⴷⴻⴳ-ⵙ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⴷ ⵢⴻⵎⵙⴰⴷⵓⵔⴻⵏ ⵙⴻⴳ ⵢⴻⵃⵔⵉⵛⴻⵏ ⵏ ⵜⴽⴻⵔⵔⴰⵣⵜ, ⵏ ⵜⴻⵎⴳⵓⵔⵉ, ⵏ ⵜⵏⴻⵣⵣⵓⵜ, ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ, ⵏ ⵜⴻⵡⵙⵉ (ⴹⴰⵔⴰ’ⵉⴱ) ⴷ ⵜⵜⴰⵡⵉⵍⴰⵜ ⵏ ⵡⴻⴷⵀⴰⵍ ⵏ ⵓⵙⵙⴻⵎⵔⴻⵙ.