ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⴹⴰⵔⵜ: ⴽⴻⵔⴱⴰⴷⵊ ⵢⴻⵇⴱⴻⵍ ⴰⴱⴻⴷⴷⴻⵍ ⵏ ⵢⵉⵍⵓⴳⴰⵏ ⵏ ⵓⵔⴻⴹⴹⴰⵍ ⵏ ⵢⵉⵎⴰⵔⵉⵔⴻⵏ ⴳⴰⵔ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ 1ⵓⵜ ⴷ ⵜⵉⵙ 2
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵍⴰ ⵜⴻⵙⵙⴻⴼⵔⴰⵢ ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⴰⴷ ⵜⵄⴰⵡⴻⴷ ⵜⴰⵎⵓⵖⵍⵉ ⴷⴻⴳ ⵢⵉⵍⵓⴳⴰⵏ ⴰⵢ ⵉⴳⴻⴷⵍⴻⵏ ⵉ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ 1ⵓⵜ ⴷ ⵜⵉⵙ 2 ⴰⵔⴹⴰⵍ ⵏ ⵡⵓⴳⴰⵔ ⵏ 2 ⵏ ⵢⵉⵎⴰⵔⵉⵔⴻⵏ ⵉ ⵜⵙⴻⵎⵀⵓⵢⵜ, ⵍⴰⴷⵖⴰ ⵉⵎⵉ ⴰⴳⴷⴰⵍ-ⴰ ⵓⵔ ⵜ-ⵡⵓⴼⵇⴻⵏ ⵢⵉⵙⴻⵍⵡⴰⵢⴻⵏ ⵏ ⵡⴰⵛⵃⴰⵍ ⵏ ⵜⴻⵖⵍⴰⵎⵉⵏ.
ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ, ⵎⴰⵀⴼⵧⵓⴷ ⴽⴻⵔⴱⴰⴷⵊ, ⴰⵢ ⵉⵄⴰⵡⴷⴻⵏ ⵢⴻⵜⵜⵡⴰⴼⵔⴻⵏ ⴷ ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ-ⴰ ⵙⴻⴳ ⵎⴻⵍⵎⵉ ⴽⴰⵏ, ⵉⵄⵓⵀⴻⴷ ⴰⴷ ⴷ-ⵢⴻⵍⵀⵓ ⴷ ⵜⴻⵎⵙⴰⵍⵜ-ⴰ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵣⵎⴻⵔ ⴰⴷ ⵢⴻⵇⴱⴻⵍ ⴰⴷ ⵢⴻⵔⵏⵓ ⵡⴻⵎⴹⴰⵏ ⵏ ⵢⵉⵎⴰⵔⵉⵔⴻⵏ ⴰⴷ ⵜⵜⴻⵎⵢⴻⵔⴹⴰⵍⴻⵏⵜ ⵜⴻⵖⵍⴰⵎⵉⵏ ⴳⴰⵔ-ⴰⵙⴻⵏⵜ.
« ⴰⵢⴰ ⵓⵔ ⵢⴻⵍⵍⵉ ⴷ ⵓⴳⵓⵔ ⵏ ⵜⵉⴷⴻⵜ » ⵢⴻⵔⵏⵓ ⵢⴻⵣⵎⴻⵔ ⴰⴷ ⵢⴻⵜⵜⵓⵏⴻⴼⴽ ⵜⵜⴻⵙⵔⵉⵃ ⵉ ⵜⴻⵖⵍⴰⵎⵜ ⴰⴷ ⴷ-ⵜⴻⵔⴹⴻⵍ ⴰⵔⵎⴰ ⴷ 3 ⵏⴻⵖ 4 ⵏ ⵢⵉⵎⴰⵔⵉⵔⴻⵏ ⴷⴻⴳ ⵢⵉⵡⴻⵜ ⵏ ⵜⵙⴻⵎⵀⵓⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴽⴻⵔⴱⴰⴷⵊ ⴰⵙⵙ ⵏ ⵍⵃⴻⴷⴷ.
ⵜⴰⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ, ⴰⵢ ⵢⴻⵏⵏⵓⵎⵎⴻⵏ ⵜⵔⴻⴹⴹⴻⵍ ⴰⵛⵃⴰⵍ ⵙⴻⴳ ⵢⵉⵎⴰⵔⵉⵔⴻⵏ-ⵏⵏⴻⵙ ⴷⴻⴳ ⵜⴰⴳⴳⴰⵢⵜ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ (ⵉⵍⵖⵓⵖⴻⵏ ⵏ ⵍⴻⵣⵣⴰⵢⴻⵔ ⵉ ⵜⵉⴽⴽⴻⵍⵜ ⵜⵉⵙ 4 ⵖⴻⴼ ⵡⴻⵙⵔⴻⴼ), ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴰⵢ ⵢⵓⴳⵉⵏ ⴰⵃⴻⵣⵣⵉⴱ-ⴰ ⴰⵢ ⴷ-ⵜⴻⵙⵙⵓⴼⴼⴻⵖ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⴽⵔⴰ ⵏ ⵍⴻⴷⵡⴰⵕ ⴰⵢⴰ.
