ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴰⴱⴰⴹ ⴰⵍⵉⴱⵉ ⵏ ⵜⴷⵓⴽⵍⵉ ⵉⵜⴻⴷⴷⵓ ⵙ ⴰⵙⵡⴰⴹ ⵏ ⵍⵉⵃⴰⵍⴰ ⵜⴰⵙⴻⵔⵜⴰⵏ ⴰⴽⴽⴻⴷ ⵜⵉⵏ ⵏ ⵜⵖⴻⵍⵍⵉⵙⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴰⴱⴰⴹ ⴰⵍⵉⴱⵉ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵜⵙⴻⵡⵡⴻⴹ ⵛⵡⵉⵟ ⵛⵡⵉⵟ ⵍⵉⵃⴰⵍⴰ ⵜⴰⵙⴻⵔⵜⴰⵏ ⴰⴽⴽⴻⴷ ⵜⵉⵏ ⵏ ⵜⵖⴻⵍⵍⵉⵙⵜ ⴷⴻⴳ ⵜⵎⵓⵔⵜ ⵏ ⵍⵉⴱⵢⴰ, ⴷⵖⴰ ⵙⴻⴳ ⵓⵥⴻⵏ ⴷⴻⴳ ⵜⴻⵎⴷⵉⵏ ⵏ ⵙⵉⵔⵜ (ⴰⴳⵎⵓⴹ ⵏ ⵜⵎⵓⵔⵜ), ⴷⴻⴳ ⵢⵉⵡⴻⵜ ⵏ ⵜⴻⵙⵡⵉⵄⵜ ⵉⴷⴻⴳ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵜⵜⵀⴻⵢⵢⵉⵏ ⴰⴷ ⴷ-ⵜⵉⵍⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵖⴻⴼ ⵍⵉⵃⴰⵍⴰ ⵢⴻⵍⵍⴰⵏ ⴷⴻⴳ ⵜⵎⵓⵔⵜ-ⴰ.
ⵜⵓⴽⴽⵙⴰ ⵉ ⴷ-ⴽⵙⴻⵏ ⵉ ⵓⴷⴻⴼⵔⵉⵔ ⵏ ⵢⵉⵔⴻⵎⵎⴰⵖⴻⵏ ⵉⵙⴻⵎⵎⴰⵏ ⵉⵎⴰⵏ-ⵏⵙⴻⵏ ‘’ⴰⵡⴰⵏⴻⴽ ⵉⵙⵍⴰⵎⴰⵏ’’ (ⴷⴻⵄⵄⴻⵛ) ⵏ ⵓⵙⵡⴰⴹ ⵏ ⵢⵉⵡⴻⵏ ⵏ ⵓⵣⴰⴷⵓⵔ ⵜⴻⵎⵙⴰⴼⴳⴰ ⵜⴰⵙⴻⵔⴷⴰⵙⴰⵏⵜ ⵖⴻⵔ ⵢⵉⴷⵉⵙ ⵏ ⵜⴻⵎⴷⵉⵏⵜ ⵏ ⵙⵉⵔⵜ ⴰⴽⴽⴻⴷ ⴷ ⵜⵉⴷⴷⵉⵏ ⴰⴽⴽⴻⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵏ ⵙⵉⵏ ⵉⴷⴻⴼⵔⵉⵔⴻⵏ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⵏ ⵜⴻⵎⵏⴰⴹⵜ ⵏ ⵓⴳⵎⵓⴹ, ⴰⵢⴰ ⴰⴽⴽ ⴷ ⴰⴼⴰⴽⵓⵍ ⵥⵥⴰⵢⴻⵏ ⵏ ⵓⵏⴰⴱⴰⴹ ⴰⵍⵉⴱⵉ ⵉ ⵢⴻⵙ-ⵙ ⵢⴻⴱⵖⴰ ⴰⴷ ⵉⵇⴻⵏⵏⴻⵄ ⴰⵎⴰⴹⴰⵍ ⴷⴰⴽⴽⴻⵏ ⵓⵍⴰ ⵉ ⵡⵓⵎⵉ ⴰⵏⴻⴽⵛⵓⵎ ⵏ ⵢⵉⵙⴻⵔⴷⴰⵙⴻⵏ ⵉⴱⴻⵔⵔⴰⵏⵉⵢⴻⵏ, ⴰⵢⴰ ⵢⴻⵏⵏⴰ-ⴷ ⴼⴻⵍⵍ-ⴰⵙ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴼⴰⵢⴻⵣ ⴻⵍ-ⵙⴰⵔⵔⴰⵊ, ⴷ ⵜⴰⵖⴰⵡⵙⴰ ⵉ ⵏⴻⴽⴽⴻⵙ ⵎⴻⵍⵎⵉ ⴽⴰⵏ.
ⴰⴽⴽⴻⵏ ⴰⴷ ⵢⴻⴼⵔⴻⵣ ⴰⵎⵀⴰⵣ ⵏ ⵍⵉⵃⴰⵍⴰ ⴷⴻⴳ ⵜⵎⵓⵔⵜ ⵏ ⵍⵉⴱⵢⴰ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵙⵙⴰⵡⴻⵍ ⴰⴽⴽⴻⵏ ⴰⴷ ⵜⵉⵍⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵙⵙ ⵏ ⵍⴻⵜⵏⵉⵢⴻⵏ, ⵉⴷⴻⴳ ⴰⵎⴰⵔⴰⵢ ⴰⵎⴰⵜⵓ, ⴱⴰⵏ ⴽⵉ-ⵎⵧⵧⵏ, ⴰⴷ ⵢⴻⵙⵉⵙⵙⴻⵏ ⵔⵔⴰⴱⵓⵍ-ⵉⵙ ⵖⴻⴼ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⴷⴻⴳ ⵜⵎⵓⵔⵜ ⵏ ⵍⵉⴱⵢⴰ (ⵎⴰⵏⵓⵍ).
