ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵇⴰⵙ ⵏ ⵜⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵎⴻⵏⴷⵉ ⵙ 28% ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵇⴻⵙ ⵜⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵎⴻⵏⴷⵉ (ⵉⵔⴷⴻⵏ, ⴰⴽⴱⴰⵍ ⴷ ⵜⴻⵎⵥⵉⵏ) ⵙ ⵡⵓⴳⴰⵔ ⵏ 28% ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⵎⴰⵛⴰ ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵢⵉⵎⴻⵏⴷⵉ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵓⵔ ⵜⴻⵏⵇⵉⵙ ⵙ ⵡⴰⵟⴰⵙ.

ⵙ ⵡⴰⵢⴰ, ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵎⴻⵏⴷⵉ ⵜⴻⵏⵇⴻⵙ-ⴷ ⵖⴻⵔ 940,89 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⴵⴰⵡ ⵢⴻⵙⵇⴰⵎ-ⴷ 1,31 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⴷⴻⴳ 2015 ⴷⴻⴳ ⵜⴰⵍⵍⵉⵜ-ⴰ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⴷⵡⴰⵏⵜ.

ⵜⴰⵙⵎⴻⴽⵜⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵏⵇⴻⵙ-ⴷ ⵖⴻⵔ 4,39 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵍⵉⵏⴷⵉ, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 4,85 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ, ⵙ ⵡⴰⵢⴰ, ⵢⴻⵍⵍⴰ-ⴷ ⵡⴻⵏⵇⴰⵙ ⵏ 9,5% ⴷⴻⴳ ⵜⴻⵙⵎⴻⴽⵜⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵙⴻⵏⵙⴻⵍⴽⵉⵎⵜ ⴷ ⵜⴰⴷⴷⴰⴷⴰⵏⵉⵏ ⵏ ⵜⴻⴷⵡⴰⵏⵜ.

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵔⴷⴻⵏ (ⵉⵍⴻⵇⵇⴰⵇⴻⵏ ⴷ ⵢⵉⵇⵓⵔⴰⵏⴻⵏ) ⵜⴻⵏⵇⴻⵙ-ⴷ ⵖⴻⵔ 660,57 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵍⵉⵏⴷⵉ ⴷⴻⴳ ⵜⴰⵍⵍⵉⵜ-ⴰ, ⵢⴻⵙⵇⴰⵎ-ⴷ ⵡⴰⴵⴰⵡ 871,76 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (ⴷ ⴰⵏⵇⴰⵙ ⵏ 24,23%)ⵏ ⵎⴰⵛⴰ ⵜⴰⵙⵎⴻⴽⵜⴰ ⵜⴻⵔⵏⴰ ⵖⴻⵔ 2,83 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ, ⵢⵉⵍⵉ ⵉⵍⵉⵏⴷⵉ ⵜⴻⵜⵜⵡⴰⴵⴻⵡ-ⴷ ⵜⴻⵙⵎⴻⴽⵜⴰ ⵏ 2,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵢⵉⵔⴷⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴱⴰⵍ, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 221,14 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵍⵉⵏⴷⵉ ⵜⵓⴵⴻⵡ-ⴷ 346,94 ⵏ ⵢⵉⵎⴻⵍⵢⵓⵏⴻⵏ ⵢⵉⴷⵓⵍⴰⵕⴻⵏ (ⴷ ⴰⵏⵇⴰⵙ ⵏ 36,26%), ⵎⴰ ⴷ ⵜⴰⵙⵎⴻⴽⵜⴰ ⵜⴻⵏⵇⴻⵙ-ⴷ ⵖⴻⵔ 1,23 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⵢⵉⵍⵉ ⵉⵍⵉⵏⴷⵉ ⵜⵜⵡⴰⴵⵡⴻⵏⵜ-ⴷ 1,67 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 59,17 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵜⴻⵎⵥⵉⵏ ⵢⵉⵍⵉ ⵉⵍⵉⵏⴷⵉ, ⴷⴻⴳ ⵜⴰⵍⵍⵉⵜ-ⴰ, ⵜⵓⴵⴻⵡ-ⴷ 90 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵜⴻⵎⵥⵉⵏ (ⴷ ⴰⵏⵙⴰⵇ ⵏ 34,23%), ⵎⴰ ⴷ ⵜⴰⵙⵎⴻⴽⵜⴰ ⵏ ⵜⴻⵎⵥⵉⵏ ⵜⴻⵏⵇⴻⵙ-ⴷ ⵖⴻⵔ 324,52 ⵏ ⵢⵉⵟⵓⵏⴻⵏ ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ-ⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵍⵉⵏⴷⵉ ⵜⵓⴵⴻⵡ-ⴷ ⵜⵎⵓⵔⵜ 379,58 ⵏ ⵢⵉⵟⵓⵏⴻⵏ.

ⴰⵏⵇⴰⵙ ⵏ ⵜⴼⴰⵜⵓⵕⵜ ⵏ ⵢⵉⵎⴻⵏⴷⵉ ⵙⵙⴻⴱⴱⴰ-ⵏⵏⴻⵙ ⴷ ⴰⵏⵇⴰⵙ ⵏ ⵙⵙⵓⵎⴰⵜ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ ⴰⵢ ⴷ-ⵢⴻⴱⴷⴰⵏ ⴷⴻⴳ 2015 ⵉⵎⵉ ⴰⵢ ⵜⴻⵔⴱⴻⵃ ⵍⵖⴻⵍⵍⴰ ⵢⴻⵔⵏⵓ ⵜⴻⵍⵍⴰ ⵍⵄⵓⵍⴰ ⴷ ⵜⴰⵎⴻⵇⵔⴰⵏⵜ.