ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵥⵥⴻⵄ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⵢⵉⵛⴰⵡⵉⵢⴻⵏ ⵉ ⵍⴻⴱⴷⴰ ⵙⴻⴳ ⵜⵛⵉⵔⴹⴰⵔⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵜⵜⵡⴰⵥⵥⴻⵄ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⵢⵉⵛⴰⵡⵉⵢⴻⵏ (ⵓⵙ ⵛⵀⴰⵧⵓⵉⴰ) ⵢⴻⵜⵜⵓⵔⴰⵔⴻⵏ ⴷⴻⴳ ⵜⴰⵥⵓⵏⵜ ⵏ ⵢⵉⵎⴰⵙⵡⴰⴹⴻⵏ, ⴰⴱⴷⴻⵍⵎⴰⴷⵊⵉⴷ ⵢⴰⵀⵉ, ⵉ ⵍⴻⴱⴷⴰ ⵙⴻⴳ ⵡⴰⴽⴽ ⵍⴻⵛⵖⴰⵍ ⵢⴻⵇⵇⵏⴻⵏ ⵖⴻⵔ ⵜⵛⵉⵔⴹⴰⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⴷⴻⴳ-ⵏⵏⴻⵙ ⵓⵏⵚⵉⴱ.

ⵢⴻⵜⵜⵡⴰⴷⴷⴻⵎ ⵕⵕⴰⵢ-ⴰ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⴷⴻⴳ ⵜⴻⵎⵍⵉⵍⵉⵜ ⵏ ⵜⴻⵙⵎⵉⵍⵜ ⵏ ⵜⵓⴳⵔⵉⵏⵜ ⵏ ⵜⴻⵎⵖⵓⵏⵜ (ⵔⴰⴱⵉⵟⴰ), ⴷⴻⴼⴼⵉⵔ ⵎⴰ ⵢⴻⵏⵏⴰ-ⴷ ⵡⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ, ⴷⴰⴽⴽⴻⵏ ⵢⴻⵍⵍⴰ ⵢⴻⵜⵜⴻⵎⵙⴻⵡⵡⴰⵇ ⵖⴻⴼ ⵜⴻⵎⵍⵉⵍⵉⵢⵉⵏ ⵏ ⵜⵛⵉⵔⴹⴰⵔⵜ, ⵢⴻⵔⵏⵓ ⵉⵄⴰⵡⴻⴷ-ⴷ ⵉ ⵡⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵙⴳⵉⵍⵜ ⵏ ⵜⵍⵉⵥⵔⵉ ⴰⵙⵙ ⵏ 8 ⵎⴰⵢⵓ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵖⵓⵏⵜ.

ⵎⴻⵏⵖⵉⵔ ⵜⴰⵎⵇⴰⵙⵉⵜ-ⴰ, ⵜⴻⵃⴽⴻⵎ-ⴷ ⵜⴻⵎⵖⵓⵏⵜ ⵖⴻⴼ ⵢⴰⵀⵉ ⴰⴷ ⵉⵅⴻⵍⵍⴻⵚ ⵍⴻⵅⴹⴻⵢⵢⴰ ⵏ 200.000 ⵏ ⵢⵉⴷⵉⵏⴰⵕⴻⵏ.

ⵢⴰⵀⵉ, ⴰⵢ ⵢⴻⵍⵍⴰⵏ ⴷ ⵉⵎⴹⴻⴱⴱⴻⵔ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⵢⵉⵛⴰⵡⵉⵢⴻⵏ ⵙⴻⴳ ⵜⴻⵣⵡⴰⵔⴰ ⵏ ⵢⵉⵙⴻⴳⴳⴰⵙⴻⵏ ⵏ 1990, ⵢⴻⵜⵡⴰⵇⴰⵙⵙ ⵢⴰⴳⵉ ⵓⵇⴱⴻⵍ, ⵎⴰⵛⴰ ⵄⴼⴰⵏ-ⴰⵙ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵉⵖⴻⵍⵏⴰⵡⴻⵏ ⵏ ⵡⴰⴷⴷⴰⵍ.