ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴻⵍ ⴽⵀⴰⴱⴰⵔ: ⴰⴷ ⵉⵙⴻⵍ ⵍⵇⴰⴹⵉ ⵉ ⵢⵉⴱⵓⴳⴰⵟⵓⵔⴻⵏ ⵏ ⴻⵍ ⴽⵀⴰⴱⴰⵔ ⴷ ⵏⴻⵙⵙ-ⵒⵔⵧⴷ ⵜⴰⵎⴻⴷⴷⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵖⵜⴻⵙ ⵍⵇⴰⴹⵉ ⵎⵧⵀⴰⵎⴻⴷ ⴷⴰⵀⵎⴰⵏⴻ, ⴰⵙⴻⵍⵡⴰⵢ ⵏ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⴱⵉⵔ ⵎⵓⵕⴰⴷ ⵕⴰⵢⴻⵙ, ⴰⴷ ⵉⵙⴻⵍ ⵉ ⵢⵉⴱⵓⴳⴰⵟⵓⵜⴻⵏ ⵏ ⴻⵍ-ⴽⵀⴰⴱⴰⵔ ⴷ ⵏⴻⵙⵙ-ⵒⵔⵧⴷ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ, ⵙⴰⴽⴽⵉⵏ, ⴰⴷ ⴷ-ⵢⴻⴼⴽ ⴰⵣⴻⵎⵣ (ⵜⴰⵔⵉⵅ) ⵏ ⵜⵓⴼⴼⵖⴰ ⵏ ⵍⴻⵃⴽⴻⵎ.

ⵛⵛⵕⴻⵄ ⵏ ⵜⴻⵎⵙⴰⵍⵜ ⴰⵢⴷⴻⴳ ⵏⴻⵙⵙ-ⵒⵔⵧⴷ (ⴷ ⴰⴼⵓⵔⴽ ⵏ ⵛⴻⵠⵉⵜⴰⵍ) ⵜⵓⵖ ⵜⴰⴼⵉⵍⵉⵏ ⵏ ⴻⵍ-ⴽⵀⴰⴱⴰⵔ ⵢⴻⵜⵜⵡⴰⵡⴻⵅⵅⴻⵔ 4 ⵏ ⵜⵉⴽⴽⴰⵍ.

ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵛⵛⴻⵜⴽⴰ ⵡⴻⵖⵍⵉⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⴱⵉⵔ ⵎⵓⵕⴰⴷ ⵕⴰⵢⴻⵙ ⵖⴻⴼ ⵜⵎⴻⵙⵖⵉⵡⵜ ⴰⵢ ⵜⵓⵖ ⵜⴻⴳⵔⴰⵡⵜ ⵏ ⵛⴻⵠⵉⵜⴰⵍ ⵜⴰⴼⵓⵍⵉⵏ ⵏ ⵜⴻⴳⵔⴰⵡⵜ ⵏ ⵢⵉⵙⴰⵍⴰⵏ ⵏ ⴻⵍ-ⴽⵀⴰⴱⴰⵔ ⵙ ⵓⵇⴰⴷⴻⵔ ⵏ ⵓⵎⴰⴳⵔⴰⴷ ⵡⵉⵙ 25 ⵏ ⵍⵇⴰⵏⵓⵏ ⵏ ⵓⵙⵙⴻⵍⵖⵓ (ⵉⵄⵍⴰⵎ).

ⴰⵎⴰⴳⵔⴰⴷ ⵡⵉⵙ 25 ⵏ ⵍⵇⴰⵏⵓⵏ ⵏ ⵓⵙⵙⴻⵍⵖⵓ ⵏ 2012 ⵢⴻⵏⵏⴰ-ⴷ ⴷⴰⴽⴽⴻⵏ ⵓⵔ ⵜⴻⵣⵎⵉⵔ ⵜⴻⵕⵎⵉⵙⵜ ⵢⴻⵜⵜⴻⴷⴷⵓⵏ ⵙ ⵍⵇⴰⵏⵓⵏ ⴰⴷⵣⴰⵢⵔⵉ ⴰⴷ ⵜⴻⵙⵄⵓ, ⴰⴷ ⵜⴻⵃⴽⴻⵎ ⵏⴻⵖ ⴰⴷ ⵜⴻⵙⵙⴻⴷⴷⵓ ⵓⴳⴰⵔ ⵏ ⵢⵉⵡⴻⵜ ⵏ ⵜⵙⵓⴼⵉⵖⵜ (ⵎⴰⵏⵛⵓⵔⴰ) ⵏ ⵓⵙⵙⴻⵍⵖⵓ ⴰⵎⴰⵜⵓ ⴷⴻⴳ ⵍⴻⵣⵣⴰⵢⴻⵔ.

ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ ⵛⴻⵠⵉⵜⴰⵍ, ⵉⵙⵙⴰⴷ ⵔⴻⴱⵔⴰⴱ, ⵢⴻⵙⵄⴰ ⵢⴰⴳⵉ ⴰⵖⵎⵉⵙ ⵏ ⵍⵉⴱⴻⵔⵜⴻ.

ⴷⴻⴳ ⵜⵎⴻⵙⵖⵉⵡⵜ-ⴰ ⵢⴻⵍⵍⴰⵏ ⴷⴻⴳ ⵛⵛⵕⴻⵄ, ⵜⵓⵖ ⵜⴻⴳⵔⴰⵡⵜ ⵏ ⵛⴻⵠⵉⵜⴰⵍ 80% ⵙⴻⴳ ⵜⴼⵓⵍⵉⵏ ⵏ ⵜⴻⴳⵔⴰⵡⵜ ⵏ ⴻⵍ-ⴽⵀⴰⴱⴰⵔ (ⵢⴻⵍⵍⴰⵏ ⴷ ⵜⴰⵕⵎⵉⵙⵜ ⵎⵎ ⵜⴼⵓⵍⵉⵏ), ⵢⴻⵔⵏⵓ ⵢⴻⴷⴷⴰ ⴷⴻⴳ ⵕⴰⵙⴻⵍⵎⴰⵍ-ⴰ ⵡⴻⵖⵎⵉⵙ ⵏ ⴻⵍ-ⴽⵀⴰⴱⴰⵔ, ⵜⴰⵔⴳⴰ ⵏ ⵜⵍⵉⵥⵔⵉ ⵏ ⴽⴱⵛ, ⵜⵉⵙⴰⵙⵡⴰⵔⵉⵏ (ⵎⴰⵟⴰⴱⵉⵄ) ⴷ ⵢⵉⵡⴻⵜ ⵏ ⵜⴻⵕⵎⵉⵙⵜ ⵏ ⵡⴻⵙⵏⴻⵣⵡⵉ.