ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵛⵉⵔⴻⵏ ⵙⵢⴰ ⵙ ⴰⵢⵢⵓⵔ ⵉⵎⵓⵀⴰⵍ ⵏ ⵍⴻⴱⵏⵉ ⵏ ⵜⴻⵕⵎⵉⵙⵜ ⵏ ⵜⴻⵎⵣⴻⵔⴱⴰⴹ ⴰⵉⵏ ⵢⴰⴳⵧⵓⵜ (ⵜⴰⴱⴰⵜⴻⵏⵜ)

ⵜⴰⴱⴰⵜⴻⵏⵜ - ⵉⵎⵓⵀⴰⵍ ⵏ ⵍⴻⴱⵏⵉ ⵏ ⵓⵙⴻⵏⴼⴰⵔ ⵏ ⵜⴻⵕⵎⵉⵙⵜ ⵏ ⵓⵙⴻⴹⵔⵓ ⵏ ⵜⴻⵎⵣⴻⵔⴱⴰⴹ, ⴷⴻⴳ ⵓⴼⵔⴰⴳ ⴰⵎⴳⵓⵔⴰⵏ ⵏ ⵜⵖⵉⵡⴰⵏⵜ ⵏ ⴰⵉⵏ ⵢⴰⴳⵧⵓⵜ (ⵜⴰⴱⴰⵜⴻⵏⵜ), ‘’ⴰⴷ ⴱⴷⵓⵏ ⵙⵢⴰ ⵙ ⴰⵢⵢⵓⵔ’’, ⵉ ⴷ-ⵢⴻⵏⵏⴰ ⴰⵙⵙ ⵍⴰⵔⴻⴱⵄⴰ ⵉ ⵜⵏⴻⴳⴳⴰ ⵏ ⴰⵒⵙ ⵓⵏⴻⵎⵀⴰⵍ ⵏ ⵜⴻⵥⵡⴻⵔⵜ ⴰⴽⴽⴻⴷ ⵍⵎⵉⵏⴰⵜ, ⴰⵍⵉ ⴱⴻⵏⵢⴻⴽⵀⵍⴻⴼ.

ⴰⴷ ⴱⴷⵓⵏ ⵢⵉⵎⵓⵀⴰⵍ-ⴰ ⵎⵉ ⴰⵔⴰ ⴽⴼⵓⵏ ⵡⵉⴷ ⵏ ⵓⵀⴻⵢⵢⵉ ⵏ ⵜⵇⴰⵄⴻⵜ ⴰⴽⴽⴻⴷ ⵡⵉⴷ ⵏ ⵓⵥⴻⵔⵔⴻⴱ, ⵉ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ, ⴰⴽⵓⴷ ⵉ ⵢⴻⵙ-ⵙ ⵜⴻⴷⴷⵓⵏ ⵢⵉⵎⵓⵀⴰⵍ-ⴰ ‘’ⵉⴳⴻⵔⵔⴻⵣ’’, ⵎⴰ ⴷ ⵜⴰⵎⵣⴻⵔⴱⴻⴹⵜ ⵜⴰⵎⴻⵣⵡⴰⵔⵓⵜ ⵏ ⵜⴻⵕⵎⵉⵙⵜ ⴰⴷ ⵜⵜ-ⵉⴷ-ⵏⴼⴰⵔⴻⵙ ⴷⴻⴳ ⵓⵙⴻⴳⴳⴰⵙ 2018.

ⴷ ⴰⴳⵎⵓⴹ ⵏ ⵢⵉⵡⴻⵏ ⵏ ⵓⵛⵔⴰⴽ ⴳⴰⵔ ⵓⴷⴻⴼⵔⵉⵔ ⴰⵖⴻⵍⵏⴰⵡ ⵙⵧⵏⴻⵍⴳⴰⵣ (51%) ⴰⴽⴽⴻⴷ ⵓⴷⴻⴼⵔⵉⵔ ⴰⵎⴰⵔⵉⴽⴰⵏⵉ ⴳⴻⵏⴻⵔⴰⵍ ⴻⵍⴻⵛⵜⵔⵉⵛ (49 %), ⵜⴰⵕⵎⵉⵙⵜ-ⴰ ⴰⴷ ⵢⴻⵙⵙⵉⵡⴻⴹ ⵜⴰⵎⵓⵔⵜ-ⵏⵏⴻⵖ ⵙ ⴰⴼⴰⵔⴻⵙ ⵏ ⵜⴻⵎⵣⴻⵔⴱⴰⴹ, ⵏ ⵓⴷⴻⴼⵔⵉⵔ ⴰⵎⵔⴻⵡⵜⵔⵉⵙⵉⵜⵉ ⴰⴽⴽⴻⴷ ⵜⵎⴰⵛⵉⵏⵉⵏ ⵏ ⵓⵏⵣⴰⴹ ⵙⴻⴳ ⵍⴻⵎⴱⴻⵄⴷ ⵏ ⵜⴻⵎⵣⴻⵔⴱⵓⴹⵜ ⵉ ⴷ-ⵏⴽⴻⵜⵜⴻⵔ ⵜⵓⵔⴰ ⵙⴻⴳ ⵍⴱⴻⵔⵔⴰⵏⵉ, ⵉ ⴷ-ⵢⴻⵏⵏⴰ ⵓⵎⴰⵙⴰⵢ-ⵏⵏⵉ.

ⵎⵉ ⴰⵔⴰ ⵢⴻⴽⴼⵓ ⵓⵙⴻⵏⴼⴰⵔ-ⴰ, ⴰⴷ ⵜⴻⴽⵛⴻⵎ ⵍⴻⵣⵣⴰⵢⴻⵔ ⵙ ⴰⵇⵓⵙⵉⵙ ⵓⴹⵢⵉⵇ ⵏ ⵜⵣⴰ (9) ⵜⵎⵓⵔⴰ ⵜⵉⵏⴼⴰⵔⴰⵙⵉⵏ ⵜⴻⵎⵣⴻⵔⴱⴰⴹ ⴰⴽⴽⴰ ⴰⵔⴰ ⵜⵓⵖⴰⵍ ⴷ ⵜⴰⵏⴼⴰⵔⴰⵙⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴰⴹⴰⵍ ⴰⵄⵔⴰⴱ ⴰⴽⴽⴻⴷ ⵜⴻⴼⵔⵉⵇⵜ, ⵉ ⴷ-ⵢⴻⵏⵏⴰ, ⵉⴷⴻⵔⵔⴻⵔ-ⴷ ⴷⴰⴽⴽⴻⵏ ⵜⴰⵕⵎⵉⵙⵜ ⴰⴷ ⵜⴻⵣⵎⴻⵔ ⴰⴷ ⵜⴼⴰⵔⴻⵙ 6 ⴰⵔ 10 ⵜⴻⵎⵣⴻⵔⴱⴰⴹ ⵉ ⵓⵙⴻⴳⴳⴰⵙ.